ரோபோ @ எந்திரன் முதல் ரிலிஸ் புகைபடங்கள்

ச்சும்மா அதிருதுல்ல !!

நானும் என் ரஜினியும்

இது அடிக்கடி ஏன் தினமும் நிகழ்வது..

ஏண்டா மச்சான் நிறைய இங்கலீஷ் படம் பார்க்கறே கூடவே இந்தி தமிழ்ன்னு கலந்து எல்லா படமும் பாக்குறே..இதுல நீ பார்க்காத நல்ல சினிமாவும் நல்ல நடிப்பையும் எதுவும் இல்லாத ரஜினி படத்தை எப்படிடா ரசிச்சு ரசிச்சு பல முறை பார்க்குறே??

இதை போல பேசுபவர்களிடம் பேசி என்ன பயனும் இல்லை..

கூடியவரை சிறிய சிரிப்பு அல்லது மவுனம்..  

ரஜினி கர்நாடாவுல தான் தன்னோட சொத்து எல்லாத்தையும் வாங்கி போட்டு இருக்காறாம்.. அவரு ஒரு கன்னட வெறியன்..

நீ எத்தனை வருசமா பெங்களூர்ல இருக்கே??

3 வருசமா?

உனக்கு கன்னடா தெரியுமா?

கன்னடா கொத்தில்லா

சரி நீ சம்பாதிக்கிறா காசை எல்லாம் எங்க அனுப்புற??

ஏன்?? எங்க ஊருக்கு தான்.. 

உங்க ஊருன்னா ..பெங்களூரா

சே சே திருநெல்வேலி..

சரி ரஜினி கர்நாடாகாவுல வாங்கின சொத்து விவரம் சொல்லு?

அது வந்து..

அப்புறம் பெரிசா பேசின??

முதல்ல நீ உருப்படியா இருப்பா.. பெங்களூர் வந்து இத்தனை வருசம் ஆகியும் கன்னடா தெரியாது.. சம்பாதிக்கும் பணம் எல்லாம் உன் வீட்டுக்கு அனுப்பி அங்க சொத்து வாங்கி போடலாம்.. ஆனா ரஜினி கர்நாடகாவில் சொத்து வாங்கினாரா இல்லை வாங்கலையான்னு தெரியாது.. ஆனா சும்மா தமிழ் விரோதி கன்னடா விரோதின்னு வாய்க்கு வந்தபடி பேசறது....

என் நெருக்கிய நண்பன் என்னிடம் பல முறை கேட்டு இருக்கிறான்.

அருண்.. எப்போதுமே யாரிடம் சண்டைக்கு போகாத நீ ஏன் ரஜினியை பத்தி யாராச்சும் ஏதாச்சும் சொன்னால் சண்டைக்கு போறே??

நம்மில் பலரின் முதல் காதல் அபத்தமாக தான் இருக்கும். அதற்க்காக என்றாவது நம் முதல் காதலை யாராவது தவறாக சொன்னால் தாங்க முடியுமா??

ரஜினி...

எனக்கே நினைவு தெரியாத வயது..  கும்பகோணம் செல்வம் தியேட்டருக்கு யாரோ என்னை அழைத்து சென்றார்கள்.. படம் நான் சிகப்பு மனிதன்.. ரஜினியை தலை கீழாக கட்டி அடிப்பார்கள். அப்போது அதை அந்த காட்சியை பார்த்து ரஜினியை அடிப்பதை பார்த்து அழ ஆரம்பித்த என்னை சமாளிகக் முடியாமல் திணறினார்களாம்..

ரஜினி அடிக்க ஆரம்பத்த பின் தான் நான் சமாதனம் ஆனேனாம் :)

எனக்கு அப்போது வயது 4 அல்லது 5 இருக்கலாம்..

வீட்டில் அம்மா வைத்து இருந்த தீக்குட்சியை களவாண்டு ஊர் முழுக்க கூடும் நடு திண்ணையில் உட்கார்ந்து ரஜினி ஸ்டைலில் சிகரட் ஊதுவது போல பாவனை காட்ட.. அன்றைக்கு தான் என் அம்மா என்னை முதலில் அடித்த ஞாபகம்..

அப்போது எங்கள் ஊரில் எந்த படமும் ரிலீஸ் ஆகாது. ஆனால் படம் ரிலீஸ் ஆகும் அதே நாளில் வீடியோ காசேட் வந்து விடும். யாராவது வீட்டில் வீடியோ காசேட் எடுத்து படம் போடுகிறார்கள் என்றால் ஊரே அவர்கள் வீட்டில் தான்.

மாவீரன் படம்.. முதல் நாள் ..வீடியோ காசட்டில் பார்த்தது...பின் மிஸ்டர் பாரத்தில் ரஜினி கள்ளு கடையில் சும்மா பம்பரமாக அடித்து நொறுக்குவது.. இதுவும் என்னை விட்டு நீங்கவில்லை..

வீடியோ காசட் வாடைக்கு வாங்கு வீடு பணக்கார வீடு.. தம்பிக்கு எந்த ஊரு காசட் போட்ட போது அன்று நான் தூக்கி விட்டேன்.. படத்தை பார்க்கவில்லை ..அடுத்த நாள் காலை நான் அழுத அழுகைக்கு பயந்து அந்த வீட்டம்மா எனக்காக மற்றும் ஒரு முறை எனக்கே என்க்காக மற்றும் ஒரு முறை அந்த படத்தை விசிஆரில் காட்டினார்கள்... அப்போது எனக்கு உலகை வென்ற சந்தோசம்.. பள்ளி நண்பர்களுக்கு கதை சொல்வது பெரிய ஒரு சாதனை..

எங்கள் தெருவில் முக்கனி நறபணி மன்றம் என்று ஒரு சிறு படிப்பகம் இருந்தது..

நானும் அங்கு படிகக் போவேன்.. தினதந்தியில் வேலைகாரன் வெற்றிகரமான 60வது நாள் என்ற அந்த விளம்பரத்தை படிக்க மட்டும்..

அப்போது எனக்கு பள்ளிபாடமான திருக்குறள் எல்லாம் வராது.. ஆனால் ரஜினியில் நூறாவது படம் தொடங்கி வரிசை எல்லாம் ரொம்ப இயல்பாக வரும்..

அன்று தொடங்கிய அந்த இனம் புரியாத நட்புதான் இன்று வரை என்னை இழுத்து செல்கிறது.. என் வீட்டிலே அடிக்கடி சண்டை வரும்.. சிலோன் ரேடியோவில் ரஜின் பட பாட்டு வரும் போது யாராவது ரேடியாவை திருகினால் உடனே என் ஆயுதம் அழுகை தான்.. வீட்டுக்கு கடைசி பிள்ளை என்பதால் ரஜினி பட பாட்டு வரும் போது நான் இருக்கும் போது அலைவரிசையை மாற்ற மாட்டார்கள்...

அப்புறம் நான் ஐந்தாவதோ ஆறாவதோ அல்லது  ஏழாவதோ படிக்கும் போது வந்த படம் அண்ணாமலை.. 

மன்னார்குடி சாமி தியேட்டர்.. எங்க ஊரில் புதிதாக திறந்த தியேட்டர்..முதல் படம் அண்ணாமலை.. கரகாட்டம் ஒயில்லாட்டம் பொய்கால் குதிரை எல்லாம் போட்டு  அண்ணாமலை படம் போட்டார்கள்..

எங்கள் ஊரில் அண்ணாமலை 55 நாள் ஓடியது.. எங்கள் ஊரில் அது பெரிய சாதனை.. நானே அந்த தியேட்டரில் நண்பர்களோடு ஒரு முறை குடும்பத்தோடு ஒரு முறை பார்த்தேன்,

பின் எஜமான்.. எங்கள் ஊரில் முதல் ரிலிஸ் படம்.. முதல் நாள் முதல் காட்சி.. சாமி தியேட்டர் உரிமையாளர் மகன் என் வகுப்பு தோழன்.. அவன் உபயத்தால்..

திருச்சிக்கு வந்த பின் ரஜினியின் படங்களை தியேட்டரில் பார்த்தேன்...என்பதை விட தரிசித்தேன் என்று சொல்வதே சரியாக இருக்கும்..

பாட்சா முதல் பாபா வரை,,

பின் மும்பையில் இருந்த போது சந்தரமுகி..ரஜினி அவ்வளவுதான் என்று பல பேர் சொல்லி வந்த காலம் அது..

மாட்டுங்க அரோராவில் ரஜினி தோன்றும் முதல் காட்சியில் எழுந்த கை தட்டல்களும் விசில்களும் தலைவா என்ற குரல்களும் வந்த போது தோன்றியது “நீ விழ்வது திரும்ப முழு சக்தியோடு எழுந்த நிற்கவே”

அப்பொது தொடங்கிய முதல் நாள் முதல் காட்சி இன்று வரை குசேலன் வரை தொடர்கிறது..

சிவாஜி படத்தை எத்தனை முறை பார்த்தேன் என்று எனக்க்கே நினைவில்லை.. பெங்களூர் நடராஜ் மற்றும் பிவிஆரில் 100 நாள் வரை பின் பிவிஆரில் மட்டும் 175 நாள் வரை..  அந்த சாதனையை தசாவாரத்தினால் கூட முறியடிக்க முடியவில்லை.. பெங்களூரில் தசாவதாரம் ஓடியது 25 நாள் மட்டுமே..

அப்போது சனிகிழமைகளில் நண்பர்களோடு சேர்ந்து கெட்ட ஆட்டம் போட்டு 

சிவாஜி பார்த்தது எல்லாம் என் வாழ்வில் மறக்க முடியாத தருணங்கள்..

என்னவோ தெரியவில்லை.. ரஜினி என் வாழ்வோடு பிண்ணி பிணைந்த ஒரு உணர்வு.. 

சென்ற வாரம் கே டிவியில் படையப்பா போட்ட போது கூட என்னை மறந்து ரஜினி வரும் முதல் காட்சியில் விசில் அடித்தேன்..

ரஜினி படங்களை பார்க்கும் போது என்னையும் அறியாமல் என் குழந்தை பருவ வாழ்க்கை நினைவுக்கு வருகிறது .. ரஜினி என்று சொல்லும் போதே எனக்கு தெரியாமல் என்னுள் பட்டாம்பூச்சி பறக்கிறது..

யோசித்து பார்த்தால் அனைவரும் குழந்தையாகவே இருக்க விரும்புகிறோம்.. அனைவருக்கும் ஒரு ஆசை இருக்கும்...குழைந்த பருவ ஆசைகள்..

எனக்கு அது ரஜினியாக இருக்கிறது...

ரஜினியை நேரில் கண்ட போது..

அப்போ நான் சென்னைக்கு புதுசு.. முதல் வேலை.. 

தமிழ்நாடு காவல்துறைக்கு மெட்டல் டிடக்டர்கள் கொடுக்கும் வேலை :)

அந்நாள் முதல்வர் ஜெயலலிதா வீட்டில் நிறுவபடு இருந்த மெட்டல் டிடக்கர்களை பராமரிப்பு சோதனை செய்ய சென்ற போது.. ரஜினி வீட்டின் வாசலில் என்னையும் அறியாமல் நின்றேன்.. எத்தனை நேரம் நின்றேன் என்று எனக்கே தெரியாது.. ரஜினியும் வந்தார்.. 

ஏதோ என்னும் ஒரு இணம் புரியா உணர்ச்சி... அப்படியே பார்த்து கொண்டே இருக்கிறேன்.. ஏதும் பேச தோன்றவில்லை.. ..அவரும் மின்னல் போல வந்து காரில் சென்று விட்டார்.. கடவுளை நேரில் பார்த்த உணர்ச்சி..

அடுத்த ஒருவாரம் மிதப்பாகவே திரிந்து கொண்டு இருந்தேன்.

அன்று ஏதாச்சும் பேசி இருக்கலாம் என்று இன்று வரை நினைக்கிறேன்....பெங்களூரில் அவர் வ்ழக்கமாக தங்கும் சாம்ராஜ்பேட்டை இல்லமும் இந்திரா நகர் ப்ளாட்டும் நன்றாக பரிச்சயம் தான்.. ஆனால் நேரில் என்று இன்று வரை பார்க்க தோன்றவில்லை.

கெட்டதோ நல்லதோ ரஜினி என்ற சக்தி இன்னமும் என்னுள் இருப்பதால் தான்.. சாதாரண மிடில் க்ளாஸ் போர்வையோடு வந்த என்னை அவர் உழைப்பின் கீழ வந்த அந்த் உணர்ச்சியே என்னை இன்னமும் வரை போராட தூண்டி செல்லும் சக்தி.. அது என் உயிர் இருக்கும் வரை என்னோடு கலந்து இருக்கும்.

கண்டதும் கேட்டதும் 17-09-2008

இன்று மதியம் ஒரு வேலையாக எம் ஜி ரோடு செல்ல வேண்டி இருந்தது.  செல்லும் வழியில் ஐசிஐசிஐ ஏடிஎம் ல் வரலாறு காணாத கட்டு கடங்காத கூட்டம்.  சரி இன்னிக்கு 1ம் தேதி இல்லையே ... ஐசிஐசிஐ ஏடிம்ல் 500 ரூபா கேட்டா 1000 ரூபா தருதான்னு குழப்பம். பஸ்ல கர்சீப் வசதி இல்லன்னா செருப்பு கூட போட்டு சீட் பிடிக்கும் நம்மாளுங்க என்ன இவ்வளவு பெரிய வரிசையில் ரொம்ப ஒழுங்க நிக்கறாங்கன்னு பார்த்தேன்.. அப்பால தான் தெரிஞ்சது.. அங்க ரெண்டு போலிஸ் காரஙக நிக்கறாங்க..  

காதில் விழுந்த செய்தி ஐசிஐசிஐ பாங்கு அம்போவாம்.. நம்ம பணம் எல்லாம் கோவிந்தாவாம்.. அடச்சீ கேண்பசங்க நேரத்தை வீணாக்கி விட்டோம் என்று என்னை நானே திட்டி விட்டு வேலையை பார்க்க சென்றேன்.

ஐசிஐசிஐ வங்கி கோவிந்தா ஆகா வாய்பே இல்லை..

திவாலான லேமேன் பிரதர்ஸில் ஐசிஐசிஐ போட்ட பணம் 250 கோடி.. ஐசிஐசிஐயின் ஒரு வருட் லாபம் 1000 கோடியை தாண்டும். ( அந்த லாபம் எல்லாம் சம்ம ப்ராடு வேலையால வருகிறது என்பது வேறு செய்தி :))

அத்தோடு இது அமெரிக்கா இல்லை.. அங்க தான் மஞ்ச கடிதாசி கொடுத்துட்டு எஸ்கேப் ஆகலாம். இங்கன அப்படி எல்லாம் எஸ் ஆக முடியாது. ரிசர்வ் பேங்க் நம் ஒவ்வோரு ஆட்களின் முதலீட்டுக்கு உத்திரவாதம் தருகிறது. என்ன வங்கி திவால் ஆனா போட்ட பணம் வட்டியோடு கிடைக்க சில மாதங்கள் தாமதம் ஆகலாம்... ஏறகனவே திவால் ஆன சில வங்கிகளில் போட்ட பணத்தை இது வரை பத்து பைசா சேதாரம் இல்லாமல் மக்களுக்கு கிடைக்க செய்து இருக்கிறது ரிசர்வ் வங்கி. 

இப்படி ஐசிஐசிஐ திவால்ன்னு புரளி கிளப்பும் ஆட்களுக்கு என்ன ஆசை.. ஒரே நாளில் பல பேர் முதலீடுகளை திரும்ப வாங்குவதால் எப்படியாவது திவால் 

ஆகாதா என்ற ஏக்கம் தான்..

என்னதான் அமெரிக்கா டாப்பு தான் என்றாலும் இங்கே ஒரே நாளில் நடுதெருவுக்கு அடித்து விடப்படும் அவலவங்கள் குறைவு தான்.. :)

அதுக்காக பைனான்ஸ் கம்பனியில் போட்ட பணம் எல்லாம் திரும்ப கிடைக்குமா என்றால் ??? பேஜாரா போச்சுப்பா..

****************************************************************************************

ஏற்கன்வே நடக்கும் என்று பலரால் ஆர்வமுடம் எதிர்பார்க்க பட்டது தான்.

IT SLOW DOWN.............

அமெரிக்காவில் பொருளாதார வீழ்ச்சி நமக்கு சற்று தாமதமாக தெரிகிறது..

சென்ற ஆறு மாதங்களாக அமெரிக்காவில் ஏகப்பட்ட காபி ஷாப்புகள் மூட்ப்பட்டன. காரணம் பண புழக்கம் இல்லாத காரணத்தினால் ஈ கொசு ஓட்ட வேண்டிய கட்டாயத்தினால் அப்படியே கடையை மூடி விட்டு போய் விட்டனர்.

சாதாரண காபி ஷாப்புக்கே இவ்வளவு பிரச்சனை என்றால் .

காபி குடிக்க கூட சிக்கன நிலை மக்களுக்கு வர வேண்டிய நிலை என்றால்...

பொருளாதார ஏற்ற தாழ்வுகள் அனைத்து நாட்டுக்கும் சர்வ சாதாரணம்.. ஏற்றமும் இறக்கமும் நடைமுறையில் சாதாரண ஒன்று.. ஆனால் இறக்கத்தில் அடிபடுவது சாதாரண மக்களே...

விப்ரோ முதல் ரோட்டு முக்கு கடை ஐடி கம்பெனி வரை இது வரை வெளியே சொல்லாமல் அவ்வப்போது ஆட்களை வெளியே அனுப்பி கொண்டு இருந்தார்கள். காரணம்.. அமெரிக்க பொருளாதாரம் அடிபடும் போது அதை சார்ந்து இயங்கும் இந்திய நிறுவனங்களும் ..நேரடி mncகளும்  தங்களின் நட்டத்தை குறைக்க இப்படி செய்வது வழக்கம் தான்..

சென்ற வாரம் சத்யம் நிறுவனம் வெளிடையாக ஆட்களை அனுப்புவதை அறிவித்தது.. கூடவே இன்று ஐபிஎம்மும் விப்ரோவும் சேர்ந்து கொண்டன..

ஏற்கனவே ஒரு முறை 2001ல் இந்திய ஐடி நிறுவனம் இதை போல சரிவை கண்ட  அனுபவத்தால் இந்த முறை பெரிய சலசலப்பு இல்லை. என்ன அன்றைக்கு 2000 பேர் வேலை இழந்தால் இன்று 20000 பேர் வேலை இழக்கிறார்கள்.

ஐடி தொழிலால் எவ்வளவு லாபமோ அதை போல நட்டமும் உண்டு. அதை உணராது அவசர கதியில் ஜாவா தெரியும் sap தெரியும் என்று வந்தவர்கள் இன்று ...இஞ்சி தின்ற குரங்கு போல என்ன செய்வது என்று தெரியாமல் விழிக்கிறார்கள்....

அமெரிக்கா பொருளாதாரம் வீழ்ந்தால் என்ன .. ஐரோப்பா பொருளாதாரம் கை கொடுக்கும் என்று நினைத்தால் அது பெரும் தவறு. இன்று வரை ஐரோப்பா பொருளாதாரத்தில் இந்திய ஐடி  உற்பத்தியின் பங்கு  வெகு குறைவு தான்.

உள்நாட்டில் ஐடி உற்பத்தி??

பெங்களூர் தெருக்களில் தரை கடைக்களில் விற்க்கபடும் திருட்டு டிவிடி அல்லது திருட்டு கண்ணி சாப்ட்வேர்களை வாங்கும் நம்மை போன்ற ஆட்கள் இருக்கும் வரை இங்கு ஏது வளர்ச்சி..

என்ன இதனால் பல நண்மைகள் நடக்க வாய்ப்பு உண்டு

சாப்ட்வேர் துறை இன்னமும் செம்மை படுத்தபடும்.. அதிக சம்பளம் அதிக ஆடம்பரம் போன்ற தேவை இல்லாத ஆடம்பரங்களும் கட்டுபடுத்த படலாம்..

சென்னை பெங்களூர் பூனே போன்ற இடங்களில் விலை வாசி ஏறி போச்சு என்னும் ஒப்பாரிகள் மட்டுபடலாம். கூடவே ஐடி துறையும் மெக்கானிக்கல் துறை போல சாதாரண ஒரு பொறியல் துறை போல பாவிக்கபலாம்.நான் ஐடியில் வேலை பார்க்கிறேன் போன்ற பந்தாக்கள் காணாமல் போகலாம்..

ஐடி ,பயோ போன்ற துறைகள் லாபம் வந்தால் நடத்தலாம் என்பது உலக நியதி..நட்டம் வந்தால் கடையை மூடி சாத்து...

அமெரிக்கா தான் வாழ்க்கை என்று சென்ற ஐடி,பயோ ஆட்கள் பல பேர் இந்தியாவிற்க்கு திரும்ப அனுப்பபடுவார்கள். நான் அமெரிக்கா நான் பல் துலக்க கூட கோக் தான் use செய்வேன் என்ற பல வெட்டி சீன் ஆட்க்கள் காலப்போக்கில் உப்பு நீரில் கூட பல் துலக்குவேன் என்று மாறி போவார்கள்.

திரும்ப 

என்ன ஒரே நன்மை .. வேலையை விட்டு அனுப்ப படும் ஆட்க்கள் இரண்டு அல்லது மூன்று மாத சம்பளதோடு அனுப்பபடுகிறார்கள்..

அமெரிக்கா போல அப்படியே e mail படிச்சுட்டு நடையை கட்டுன்னு இங்க இருக்க முடியாது.. இந்திய சட்டங்கள் அப்படி..

வேலையை வுட்டு அனுப்பினா நான் என்ன செய்வேன்?

இரண்டு மாதத்துக்கு மேல சம்பளம் இல்லாம பெங்களூரில் குப்பை கொட்ட முடியாது. அப்படியே தஞ்சாவூர் பக்கம் இருக்கும் குடும்ப நிலத்தில் விவசாயி விவாசயின்னு ஏர் உழுவலாம்.. இல்லன்னா அப்படியே நான் படித்த மின்னனு துறையில் ஏதாச்சு வேலை கிடைக்குமான்னு துண்டு போட்டு வைக்க வேண்டியது தான்..

தத்துவம் நம்பர் 1999

மாற்றம் என்பது இல்லை என்றால் வாழ்க்கையில் எதுவே யாருக்கும் நிலைக்காது :)

கண்டதும் கேட்டதும் 13-09-2008

பெங்களூரை விட்டு சில வாரங்கள் வெளியே சென்று விட்டு வந்தால் நாம் வேறு இடத்துக்கு மாறி வந்து விட்டோமோ என்ற பிரமிப்பு ஏற்படுவதில் வியப்பு இல்லை..

கூடவே வாகன நெரிசலும் காலை நேரங்களில் தினமும் சந்திக்கும் டிராபிக் ஜாம்களுக்கும் இது வரை விடிவு ஏதும் இல்லை.

காரணம் பெங்களூர் இயல்பாக ஓய்வு பெற்றவர்கள் வசிப்பதற்க்கான இடம் என 2000ங்களின் ஆரம்பம் வரை கருதபட்ட நகரம்.

நன்றாக திட்டமிட்ட குடியிருப்புகள்..பூலோக சொர்கமாக இருந்த நகரம் இன்று ..??

100 பீட் ரோடுகள் மிக மிக குறைவு.எல்லாம் 60 மற்றும் 80 பீட் தான். 2002 ஆண்டு வரை இந்த சாலைகளில் போக்குவரத்தே மிக குறைவாக இருக்கும்.. கடந்த 8 ஆண்டுகளில் மக்கள் தொகை பெங்களூரில் இரண்டு மடங்காக ஆகி விட்டது. எல்லாம் ஐடி மற்றும் அது சார்ந்த தொழில் வளர்ச்சி தான் காரணம்.

ஒரு கால் செண்டரில் 1000 பேர் வரை வேலை பார்த்தால் மறைமுகமாக 5000 பேர் பயனடைகிறார்கள்.

கால் செண்டர் வாகன ஓட்டுநர் முதல் வரை அங்கு காவலுக்கு இருக்கும் காவலாளி வரை..

இதில் 95% பேர் பெங்களூருக்கு இடம் பெயர்ந்தவர்கள் தான்..

இப்படி ஐடியில் 10 லட்சம் வேலை வாய்ப்பு உருவானதால் கூடவே 30 லட்சம் மறைமுக வேலை வாய்ப்பு உருவாகிறது. பெங்களுருக்கு 40 லட்சம் பேர் ( நான் உட்பட) கடந்த 8 வருடங்களில் இந்தியாவின் மற்ற பாகங்களில் இருந்து இடம் பெயர்ந்து இருக்கிறார்கள்.

அரசாங்கமும் தன்னால் முடிந்த வரை போக்குவரத்து நெரிசலை தீர்க்க பாடுபடுகிறது..

புதிதாக சிக்னல்கள் ஒரே இரவில் முளைக்கின்றன.. கூடவே மேம்பாலங்கள் கட்டபடுகின்றன.


இப்படி கட்டபடும் மேம்பாலங்களில் சூப்பர்மேன் மேம்பாலமாக ஓசுர் சாலையில் மடிவாலா - எலக்ட்ரானிக் சிட்டி மேல்பாலம் கட்டபடுகிறது..

12 கிலோ மீட்டர் தூரத்தை அப்படியா அல்லாக மேம்பாலம் வழியாக சில நிமிடங்களில் கடந்து விடலாம். இந்த வருடம் ஜீலை மாதத்துக்கு பயன்பாட்டுக்கு வந்து இருக்க வேண்டிய இந்த திட்டம் அடுத்த வருடம் ஜனவரி வரை தள்ளி போகிறது..

ஓசுர் சாலையில் மீடியஙளுக்கு அமைக்க பட்ட இடத்தை தற்போது பில்லர்கள் ஆக்கிரமித்து மேலே பாலத்தை சுமந்து நிற்க்கின்றன..

இந்த பாலம் இந்தியாவில் தரை வழியில் கட்டபடும் மிக நீளமான பாலம் என்று கருதுகிறேன்.

இந்த பாலம் திறக்கபட்டால் ஓசூரை சென்றடையை அரை மணி நேரத்துக்கும் குறைவாகவே எடுக்கும்.

பெங்களூர் ஓசுர் சாலை 6 வழி பாதையாக ஆக்கபடுகிறது..

ஓசுரில் ஏதாச்சும் க்ரவுண்ட் வாங்கி போட்ட பிற்காலத்துக்கு உதவும் என்று பட்சி சொல்கிறது :)

கண்டதும் கேட்டதும் 12-09-2008

பெங்களூரில் இந்த வருடம் விநாயக சதுர்த்தி விழா மிக சிறப்ப்பாக கொண்டாபட்டது. சென்ற வருடத்தை விட பல இடங்களில் புதிதாக சிலைகள் முளைந்து இருந்தன. (பிஜேபி ஆட்சி உபயம்?)

கூடவே 3000 வாட்ஸ் குரலில் ஏதோ கன்னடா அல்லது தமிழ் பாடல்களை ஒலிபரப்பும் கூம்பு ஒலிபரப்பிகள்.

நீ பாட்டு கேட்டா என்ன கேட்கவில்லை என்றால் என்ன என்ற கண்டு கொள்ளாமல் என்நேரமும் சித்தாரன்னா சித்தாரன்னா (டைலாமே டைலாமோ) வோ அல்லது அடிறா அடிறா நாக்க மூக்காவோ ஒலித்து கொண்டு இருந்தது..

தினமும் மாலை வேளையில் ஏதோ ஒரு கலை நிகழ்ச்சி .. அந்த பகுதி சிறுவர்கள் கலந்து கொள்ளும் கலை நிகழ்ச்சிகள் ..என் ஏரியாவில் ஒரு சுட்டி பாப்பா சகானா பாட்டிற்க்கு ஆடிய நடனம் கண்கொள்ளா காட்சி,,

பெங்களூரில் விநாயகர் சதிர்த்தி விழாக்கள் மும்பை அளவிற்க்கு சென்று கொண்டு இருக்கிறதே என்று நினைக்கிறேன்.

நான் வசித்த அந்தேரியில் சிலையை கரைக்கும் நாள் வரை சும்மா அந்த ஏரியாவில் விளையாட்டு போட்டு கலை நிகழ்ச்சி ஆட்டம் என்று தூள் கிளப்புவார்கள். அந்த நாட்கள் தொடர்ந்து தாண்டியா ஆட்டம் ( நவராத்திரி ) என்று தொடர் கொண்டாத்தோடு மக்கள் கொண்டாத்தோடு திளைத்து இருப்பார்கள்.

இதை போல நிகழ்வுகள் இயந்திர மயமாக ஆகி கொண்டு இருக்கும் இன்றைய நகரங்களுக்கு தன்னை ஆசுவாசபடித்தி கொள்ள கிடைத்து இருக்கும் இளநீர் போல என்றே கருதுகிறேன்.

அனைத்து தரப்பு மக்களுக்கும் பல கவலைகள் இருக்கும்.. தன்னை மறந்து ஏதோ இடத்தில் கவலைகள் மறந்து செல்வார்கள் என்றால்..

எத்தனை இடத்தில் வேண்டுமானாலும் பிள்ளையார்களும் கூடவே ஒலி பெருக்கிகளும் வைக்கலாம் :)

*************************************************

சில நாட்க்களாக நான் ஏதும் என் வலைபூக்களில் எழுதவில்லை. ஒரு நெருங்கிய நண்பர் ஏன் எழுதவில்லை என்னாச்சு என்று குறுசெய்தி மூலம் கேட்டு கொண்டு இருந்தார்..

அப்படி ஒன்றும் காரணம் இல்லை.. தினமும் ஏதாச்சும் எழுத வேண்டும் எதாசுக்கும் கருத்து சொல்ல வேண்டும் என்றால் அரை லூசாக இருக்க வேண்டும் அல்லது இணைய தளங்களின் அடிமையாக இருக்க வேண்டும்.

நான் ஒன்னும் இது வரைக்கும் பெருசா எழுதி கிழிக்கலை.. இனிமேலும் அப்படி தான். இனிமேலும் அப்படி ஏதும் செய்யபோவதில்லை..


நானும் கருத்து களங்களில் அடிமையாக தான் இருந்தேன். அங்கு செலவு செய்த நேரங்களை எண்ணி பார்த்தால்....??

இணைய தளங்கள் தற்கால வாழ்க்கைக்கு நிகராக என்றோ வந்து விட்டது. இங்கும் துக்கம் சோகம் பின்னால் குத்துவது புறம் பேசுவது அழுகை பிடிவாதம் என்று மனிதர்களின் அணைத்து விதமான குண்ங்களும் சேர்ந்தே தெரிகிறது

முகம் தெரியாது என்ற ஒரே காரணத்தினால் பலவும் பல பலவாக நிகழ்கின்றன.

எனக்கு பொதுவாக என் தொடர்பாக யார் எது சொன்னாலும் கண்டு கொள்ள மாட்டேன்.

அதுவே சற்று மிகையாக சென்ற பின் ,

என்க்கு சம்பந்தம் இல்லாத என் குடும்பம் இணைய தளத்தில் வந்த போதும்,கூடவே என் தொடர்பான கற்பணையான பல செய்திகளும் என்னை தமிழ் இணைய தளங்கள் விட்டு விலக செய்தது..

அவ்வாறு செய்தவர்கள் யார் என்று எனக்கு தெரியும்.. ஏன் அவர்களை கம்பி எண்ண வைக்கவும் முடியும்..

கடைசியில் என்ன தவறு?

நிஜ வாழ்க்கையில் நமக்கு பிடித்தமான நண்பர்களை தேர்ந்து எடுக்கலாம்?
ஆனால் இந்த இணைய வாழ்க்கையில் எல்லாம் போலி தான்.. நன்றாக நடிக்க தெரிந்த போலிகள்.


தமிழ் இணைய தளங்களின் மீது எனக்கு எந்த வித நம்பிக்கையும் இல்லை..

என்னை பொருத்தவை நான் விரும்பி தேர்ந்து எடுத்த துறை இந்த பொறியியல் துறை.. இதில் சாதிக்கவே விரும்புகிறேன்

இங்கு இணைய தளங்களில் பேசி எந்த பயனும் இல்லை...
இந்த நேரத்தை ஏதேனும் புதிதாக தெரிந்து கொள்ள செயல்படித்தினால் மனதுக்கு நிம்மதி..


தமிழ் இணைய தளங்கள் + கருத்து களங்கள் அனைத்திலும் பாலிடிக்ஸ் கூட ஜால்ரா இருந்தால் நம்மை அடித்து கொள்ள யாரும் இல்லை.. ஆனால் கூடவே நமது சொந்த வாழ்க்கையை அது சிறிது சிறிதாக சீரழிப்பதை நாம் புரிந்து கொள்ள புரிந்து கொள்ளும் புத்தியும் இழந்து விடுவோம்..

இதை போல வெட்டி தமிழ் இணையங்களில் நேரத்தை வீணாக்குவதை விட சொந்த வாழ்க்கையிலும் சொந்த வேலை + தொழிலும் நேரத்தை வீணாக்கினால் ஏதாச்சும் உபயோகமாச்சும் இருக்கும்..

இங்கு நான் எழுதுவது வெளிபடாமல் இருக்கும் என் எண்ணங்களை தான்.. இதை எழுதி ஒரு மண்ணும் ஆவ போவதில்லை.. இருந்தாலும் சில நேரங்களில் சில சமரசங்கள் எனக்குள் தேவை படுகின்றன

கண்டதும் கேட்டதும்

வர வர சன் மியூசிக் சானலை பார்க்கவே எரிச்சல் மூட்டுகிறது.

திவ்யா என்ற ஒரு நிகழ்ச்சி நடத்துனர் அநியாயத்துக்கு வால்த்துக்கள் என்று ழ விற்க்கு ல விற்க்கு வித்யாசம் இல்லாமல் பேசுவது படு முட்டாள்தனம்


'ழ ' சொல்ல வரவில்லை என்றால் அதற்கான முயர்ச்சியாவது எடுக்கலாம் .. அதை கூட சொல்லி தர தெரியாத நிர்வாகம்..

சென்ற வாரம் திருச்சிக்கு சென்று இருந்த போது சேனல் மாற்றி கொண்டு இருக்கும் நேரத்தில் “ கலைஞர் டிவியின் இசையருவி” சேனல் கண்ணில் பட்டது.. சன் மியூசிக்கின் க்ளோன் தான் ..அங்கிருந்து வந்த அதே ஆட்கள். இருந்தாலும் பல நல்ல பாடல்களை ஒளிப்பரப்பினார்கள்...

சன் மியூசிக்கை காலையில் நேரத்தில் தினமும் அதே பாடல்கள் தான். இரண்டு பாடல்களுக்கு இடையில் கணக்கில்லாத ஆடி ஆவணி தள்ளுபடி வாங்கிக்கோ போய்கோ என்ற சுரத்தில்லாத விளம்பரங்கள்..

சன் மியுசிக் இதே மாதிரி வண்டி ஓட்டி கொண்டு இருந்தால் பின்னால் வந்த வண்டிகள் எல்லாம் ஓவர் டேக் செய்து விட்டு போய்கொண்டே இருக்கும்..

நான் வைத்து இருக்கும் டாடா ஸ்கை யில் இசையருவி வருவதில்லை...விரைவில் வருகிறதாம்...:)

******************
மண்ணை இருள் சூழ்ந்த பின்்
இயற்கையின் அழகு மறைந்து விடுவதில்லை
சந்திர ஒளியில் தெரியாத அழகை
கண்கள் காண மறுப்பது
இயற்கையின் தவறா?
கண்களின் தவறா?



இயற்க்கை தான் எப்போதுமே பலசாலி என்று பல முறை மனிதகுலத்துக்கு சொல்லி வருகிறது.. மனிதான் கேட்க்க மறுத்து வருகிறான்..

சமீபத்திய பீகார் வெள்ளத்துக்கு காரணம் கோசி என்ற சூராவளி ஆறு தான். நேபாளித்தில் உருவாகி பீகாரில் கங்கையோடு சேரும் முன்னே ஓவ்வோரு வருடமும் கெட்ட ஆட்டம் போட்டு வருகிறது.



கடந்த 100 வருடங்களில் தன் பாதையை பல முறை மாற்றி கொள்கிறது.. இதுவரை மேற்க்கிலிருந்து கிழக்காக 250 கிலோ மீட்டர் தூரம் தன் பாதையை மாற்றி கொண்டு வருகிறது... பாதை மாற்றும் போது கூடவே செல்லும் இடங்களை எல்லாம் சூன்யமாக மாற்றி செல்கிறது.

திடீரென்று காவிரி மேட்டூர் வழியாக செல்லாமல் அப்படியே பாதை மாற்றி ஈரோடு - > கடலூர் என்று சென்றால் என்ன ஆகும்???

அதே கதை தான் அங்கும் நடக்கிறது..

நேபாளம் மிக சுலபமாக தண்ணீரை திறண்து விட்டு விடுகிறது.. இந்திய பகுதியில் கட்டுகடங்கா வேகத்தோடு பாயும் இந்த ஆறு கங்கையை சேறும் வரை செய்யும் நாசங்கள் கணக்கில் இல்லை..

ஏற்கனவே சோகமான பீகார் மாநிலம் இதனால் சர்வமும் நாசமாகி கிடக்கிறது..

இதை தடுக்க முடியாதா??

1955 ஆண்டில் இருந்து முயர்ச்சி செய்து வருகிறார்கள். ஆனால் கட்டபட்ட தடுப்பணைகள் அனைத்தும் இதன் வேகத்துக்கு எதிரே நிற்க்க முடியவில்லை. தடுப்பணை கட்டிய திசையில் செல்லாமல் தன் இழடத்துக்கு பாதை மாறி செல்கிறது..

*****************


பெங்களூரில் மழைகள் புதிது இல்லை.. மழை சென்ற வருடங்களை விட தற்போது குறைவு தான். ஆனால் ஒவ்வோரு மழைக்கும் சாலைகள் ஏரிகளாக ஆகி விடுகின்றன.

சென்ற வாரம் whitefield பகுதியில் புதிதாக கட்டபட்ட குடியிருப்பு வெள்ளத்தில் மாட்டியது.. காரணம் அங்கு இருந்த ஏரியை அப்படியே பட்டா போட்டு கான்க்ரீட் காடுகளாக ஆக்கி விட்டனர்..

இயற்க்கை பாதை மாறுவது ஒரு புறம் தெரிந்தே இயற்க்கை பாதையை அடைப்பது மறுபுறம்.. என்ன சொல்வது..

தாம் தூம் திரை விமர்சனம்

மறைந்த இயக்குநர் ஜீவாவின் கடைசி படைப்பு.. படத்தை பார்த்து விட்டு வந்த போது தமிழில் ஒரு மிக சிறந்த கேமராமேனை மட்டும் அல்ல மிக சிறந்த இயக்குநரையும் இழந்து விட்டோம் என்று மனதில் ஒலித்து கொண்டே இருக்கிறது..

சாதாரண கதை தான்.. ரழ்யாவிற்க்கு செல்லும் ரவி ஒரு கொலை வழக்கில் மாட்டி கொள்கிறார்.. அதில் இருந்து தப்பித்து வருகிறார்..

எப்படி தப்பித்தார் என்று சொல்வதில் கில்லி மாதிரி அடிச்சு கலக்கி இருக்காங்க...


முதல் சீனில் கதாநாயகி அறிமுகத்தில் இருந்து சும்மா அலுப்பு தட்டாம அப்படியே கதையை நகர்த்தி கொண்டு செல்கிறார்கள்.. சவுண்ட் கொடுக்கலாம் என்று என்னோடு வந்த என் நண்பர்கள் அப்படியே இரண்டரை மணி நேரமும் வாய் மூடி மவுனமாக சில காட்சிகளில் தன்னை மறந்து கைதட்ட ஆரம்பித்து விட்டார்கள்..

ஜெயம் ரவி.. மிகவும் நல்ல நடிப்பை வெளி படுத்தி இருக்கிறார்.... அவ்வளவாக சண்டை காட்சிகள் இல்லாத இவருக்கு நடிப்பில் திறமையை வெளிபடுத்த நல்ல வாய்ப்பு.. வெல்டன் ரவி..


புது கதாநாயகி கங்கா ரானத்.. தமிழில் ஒரு ரவுண்ட் வருவார்.. அவரின் காட்சிகள் மிகவும் கலகலப்பாக செல்கின்றன.

கிராம புற காட்சிகளில் இவரின் மேக்கப் சற்றே இடிக்கிறது....



கூடவே ரழ்ய காட்சிக்ளில் லட்சுமிராய்.. அழகாய் இருக்கிறாய்.. பயமாக இருக்கிறது :)

கூடவே ஒரு லவ் டிராக் ..தொட்டு கொள்ள அலுப்பு தட்டாத காமேடி..

ஒளிப்பதிவு.. பேஷ் பேஷ் பிரமாதம்.. ஒளிப்பதிவும் ஜீவாதான்..ரழ்ய சேஸிங்க் காட்சிகள் அபாரம்

ஜெயராம் அடுத்த டிராக்கிற்க்கு தன் கேரியரை நகத்தி கொண்டு செல்கிறார் ..தமிழுக்கு புது வில்லன் தயார்.

பல காட்சிகள் தமிழுக்கு ரொம்ப புதுசு..அதுவும் அந்த சேஸிங்க் காட்சிகள்.. பலே பலே

பாடல்கள் ஏற்கனவே ஹிட் தான்.. படத்துக்கு பாடல்கள் மட்டும் அல்ல.. பிண்ணணி இசையும் பெரும் பலம்.... இந்த வருடத்தின் சூப்பர் ஹிட் பாடல்கள் தாம் தூம் தான்

எதுவும் உறுத்தாத குடும்ப மசாலா சேர்த்த திரில்லர் டிக்காலா.. இனிப்பு காரம் தூக்காத வாசனை எல்லாம் சேர்ந்த சுவை..

தாம் தூம் தூள் தூள்..

சர்வேக்கு சர்வே

விகடன் பத்திரிக்கை தொடர்பான சர்வேயில் கலந்து கொள்ள வேண்டுமா?

இந்த வலைபூவுக்கு சென்று தங்களின் பொன்னான வாக்குகளை அளிக்கவும்

இங்கே அழுத்தவும்

பெங்களூரில் ஒரு மழை நாளில்

மழை இந்த சொல்லும் சரி அதன் ஆக்கமும் சரி எப்படி எனக்கு பிடித்து போனது என்று தெரியவில்லை. எனக்கு என்னவோ எனக்கு பின்னே நிழலை போல தொடர்ந்து வரும் தோழனாக மழையை எண்ணுகிறேன்


என்னவோ தெரியவில்லை.. பொறியியல் படிப்பை முடித்து விட்டு வேலை தேட ஊர் உலகம் சுற்ற கிள்ம்பிய போது ”பொத்துகிட்டு ஊத்துதடி வானம் “ என்ற அந்த பாடலின் முழுமையான அர்த்தைதை அப்போது தான் உணர்ந்தேன்..

பெங்களூரில் வேலை தேடும் படலை தொடர்ந்து போது தான் மழையின் உண்மையான சக்தியை உணர்ந்தேன்.. காலையில் எல்லா அண்ணாக்களும் அறையை காலி செய்த போன பின்பு என் அண்ணன் வாங்கி கொடுத்த ஷூவை அணிந்து கொண்டு இருந்த சில நல்ல ஆடைகளை உடுத்தி கொண்டு resume கொடுக்க செல்லும் படலத்தில் சொல்லி கொள்ளாமல் என்னையும் என் resumeகளையும் மொத்தையும் நனைத்து விட்டு சென்று விடும்.. என்னதான் இருந்தாலும் நன் சொந்த ஊரில் பெய்யும் மழைக்கும் அதன் மண் வாசனையின் சுவையே தனி..


இருந்தாலும் பெங்களூரில் பெய்யும் மழை எப்படி இருந்தாலும் நான் பிறந்த தஞ்சை மாவட்டத்துக்கும் நான் வளர்ந்த திருச்சிக்கும் தானே செல்கிறது என்று நாள்பட நாள்பட பெங்களூரில் மழை துளி சிதறும் போதே அதை ரசிக்க தொடங்கி விட்டேன்.. அதே மழையை மிகவும் உக்கிரத்துடம் மும்பையில் பார்த்த போது .... அதன் மேல் சற்று பயமும் வந்தது.. மும்பையில் இதேல்லாம் சகஜம்டா என்று சொல்லி இரண்டு நாட்கள் வீட்டை விட்டு கீழ் இறங்காமல் எங்கு காணிணும் தண்ணீரே என்று என்னை வியக்க வைத்த தருணமும் உண்டு.. பெங்களூரில் எப்போது மழை வரும்?? எப்போது மழை வராது என்று திருப்பி கேட்கலாம்.. நேரம் காலம் இல்லாது நெருங்கிய தோழனிடம் இருந்து வரும் இரவு நேர செல்பேசி செய்திகள் போல .. மழைக்கு பிறகு எனக்கு மிகவும் சினேகிதன் ஆட்டோ டிரைவர்கள்.. பெங்களூரில் முதல் வேலை கிடைத்த போது நான் வாங்கிய சம்பளத்துக்கு என்ன பைவ் ஸ்டார் ஓட்டலிலா தங்க முடியும்?? அப்போது நான் தங்கி இருந்த மேன்சனும் அல்லாத தனி வீடும் அல்லாத ஒரு கிரகத்தில் இருந்த போது பல ஆட்டோ ஓட்டுநர்கள் பழக்கம்..


பெங்களூரில் பல ஆட்டோ டிரைவர்கள் தமிழர்களாக தான் இருக்கின்றனர்.. அல்லது கொச்சை தமிழை பேசுபவர்களாக இருக்கின்றனர்..

கன்னடாவும் அறியாமல் இந்தியிம் தெரியாமலும் வாழ்ந்த அந்த காலங்களில் அவர்களே துணை..

மாத கடைசியில் பைக்க்கு பெட்ரோல் போட காசில்லாமல் தவித்த அந்நாட்களில் என் நிலை அறிந்து எனக்கு தெரியாமல் என் பைக் டாங்கை நிரப்பி வைத்தவர்கள் அவர்கள்...

சென்ற வாரம் திருச்சிக்கு போகலாம் என்று வீட்டை விட்டு கிளம்பிய போது மழையின் வேகம் அதிகமாகவே இருந்தது.. ஏற்கனவே முன் பதிவு செய்து இருந்த ksrtc பேருந்தை பிடிக்க வேண்டும்..

எங்கு பார்த்தாலும் மழை மழை மட்டுமே.. மடிவாலா செல்ல ஆட்டோ ஏதும் கிடைக்கவில்லை.. அரை மணி நேர காத்திருப்புக்கு பின் ஒரு ஆட்டோ வந்தது.

. எங்கே போகனனும் .
..Christ college
தமிழில் ஒன் அண்டு ஹாப் சார்ஜ் சார்.
. மணி பத்தரைக்கு மேல் ஆச்சு சரி வண்டிய எடுங்க ...
திருச்சி பேருந்து 10 : 50க்கு வரும்..
கோரமங்களா 80 feet road முழ்வதும் தண்ணீர் தண்ணீர் எங்கு பார்தாலும் தண்ணீர்.
. டிரைவர் சார் அப்படியே விவேக் நகர் வழியாக போங்க..

என் பேச்சை கேட்டு விவேக் நகர் வழியாக சென்ற ஆட்டோ ஒரு பள்ளத்தில் மாட்டி தண்ணீர் குடித்து நிம்மதியாக உறங்க சென்றது.

.. என்ன சார் உங்க பேச்சை கேட்டு இங்க வந்தா வண்டி ஆச்சே??

உங்களுக்கு மழையை ரசிக்க தெரியாதா??

ம் ரசிக்கலாம் சார்.. இப்படியே ரசிச்சுகிட்டு இருந்தா ஊட்ல சாப்பட்டுக்கு பதிலா வேற ஏதாச்சும் இருக்கும்..

நேரம் 10: 45 இனி நினைத்தாலும் பேருந்தை பிடிக்க போவதில்லை.. அம்மா அப்பாவை அடுத்த வாரம் பார்த்து கொள்ள்லாம்..

சரி ஸ்பார்க் ப்ளக்கை கழட்டி துடைச்சு மாட்டினா ஸ்டார்ட் ஆகிடும்.. செய்யலாமா?

சார் அதேல்லாம் பெட்ரோல் வண்டிக்கு தான்..இது காஸ் வண்டி.. காஸ் வண்டின்னா ஸ்பார்க் ப்ளக் கிடையாதா?

வேறு ஏதும் நான் பேசவில்லை..பேசவும் தோன்றவில்லை.. சரி சொல்லி பாக்கலாமா?

டிரைவர் சார்.. நான் engineer...என்னால சரி செய்ய முடியும் .. போங்க சார் உங்க தோளில் தொங்குதே லாப்டாப்பு உங்கள மாதிரி ஆளுங்க இதேல்லாம் சரி செய்ய முடியுமா?? என்ன சார் காமேடி கீமடி பண்றீங்களா??


முடியும்.. லாப்டாப் பேக்கை அப்படியே புறத்தில் வைத்தேன்.. தினமும் ஜிம்முக்கு சென்று வருவதால் உருவான தேகம்.. ம் முயற்சி செய்வோமே.. வுடுங்க சார்...
இல்லை பார்த்துடுவோம்..

இல்லை சார் நீங்க போயி...

இதை செய்வதில் என்ன குற்றம்?? ஸ்பானர் என் கை மாறியது.. ஆட்டோவின் பின் பாகத்தை திறந்து சற்று ஸ்பார்க் ப்ளக்கை சுத்தம் செய்து என் சக்தியை எல்லாம் பயண்படித்து ஆட்டோ ஸ்டார்ட் லீவரை இழுத்தேன்..

ம்... ஸ்டார்ட் ஆகி விட்டது.. சார்.. சொல்லுங்க.. எனக்கு கூட மழைன்னா ஆசை தான் சார்..

ஆனால் என்ன செய்யறுது.. நம்ம வாழ்க்கையில மழை வந்துச்சுனா புழைப்பு வீணா போகுதே...

எந்த ஊரு உங்களுக்கு? வேலூர் சார்.. அப்பாவுக்கு காட்பாடி.

எத்தனை வருசமா பெங்களூர்ல இருக்கீங்க??

பொறந்தது எல்லாம் இங்க தான் சார்.. அப்படியே போன பேச்சு தமிழ் நாட்டின் அனைத்து பிரச்சனைகளையும் தொட்டு சென்றது..

நேரம் 11 30..
ksrtc கவுணடரில்..
excuse me..what time to bus to trichy will arrive? volvo? yes its already left..

ஊருக்கு போக தற்போது விருப்பம் இல்லை.. அப்படியே மழையோடு இன்னம் ஒரு ஆட்டம் போட ஆசை,.. ஒரு ஆட்டோ புடிச்சு வீட்டுக்கு போகலாமா??

டிரைவர் சார் ..கோரமங்களா 4th block போகனும்..ஓசூர் ரோடு ஜெங்கசனில் டிராபிக் ஜாம் விவேக் நகர் வழியாக போகலாமா? நான் வழி சொல்கிறேன்...

சத்யம் திரை விமர்சனம்

இன்று காலை சன் டிவி முதல் விஜய் டிவி வரை எந்த சேனைலை திருப்பினாலும் விஷால் புராணம் தான்.. தான் மொட்டையடித்தது ஏன் என்பது முதல் நயன் தாரா ஜிம்முக்கு போனது ஏன் வரை உலக முக்கியதுவம் வாய்ந்த கேள்விகளுக்கு பதில் அளித்து கொண்டே இருந்தார்..ஒரே செய்தியை எல்லா பேட்டிக்கும் சொல்வது போரடிக்காது???

சும்மா இருந்த எனக்கும் சரி நாமும் இந்த படத்தை பார்போமோ என்ற ஆசை.. என் நண்பன் ஒருவனையும் தயாராக சொல்லி விட்டு மாலை நேரம் பெங்களூர் பிவிஆர் சினிமாஸ்க்கு நுழைந்தோம்..

***************



சத்யம் திரைபடத்தில் கன்னட ஹீரோ உபேந்திரா நடித்து இருப்பதால் பல கன்னடா முகங்கள்.. அவர் பெயரை திரையில் வரும் போதே ஏகப்பட்ட கைதட்டல்கள் விசில் சத்தங்கள்..

ஆரடி உசர என்று புகழ்பாடும் பாடலோடு படம் தொடங்குகிறது..
விழால் உடலை பார்த்தால் நமக்கும் சற்று ஏக்கம் பொங்குகிறது.. கூடவே படம் நெடுக யாரையாவது மாற்றி மாற்றி காலால் அல்லது கையால் அடித்து கொண்டே அடித்து கொண்டே இருக்கிறார். இல்லையென்றால் ஏதாச்சும் வசனம் பேசி கொண்டு இருக்கிறார்.

அவ்வ் ரொம்ப ஓவர் டோஸ்.

படத்தின் பல காட்சிகள் மிகவும் சிரமபட்டு எடுத்து இருக்கிறார்கள்.. பல வருடங்களாக தயாரிப்பில் இருந்த படம்..

ஆனால் எல்லாம் துண்டு துண்டாக பார்த்தால் நன்றாக இருக்கும்.. எல்லாவற்றையும் இணைத்து பார்த்தால் ஏதும் சுவராசியமாக இல்லை..

படத்தின் கதை வெகு சிம்பிள்..காலம் காலமாக நாம் பார்த்து வரும் அதே கதை தான்..

அரசியல்வாதிகளால் பாதிக்கபடும் ஒரு போலிஸ் எப்படி அவர்களை பழிவாங்குகிறான் என்பதே..

கதையின் அவுட் லைன்..

அரசியல்வாதிகளால் பாதிக்படும் உபேந்திரா நாட்டை சுத்தபடுத்த பழி வாங்கும் நடவடிக்கைகள ஆரம்பிக்க அவரை தேடி கண்டு பிடிக்கும் பொறுப்பில் இருக்கும் விஷால் ..

உபேந்திராவை கண்டு பிடித்து சிறையில் அடைக்கும் விஷாலுக்கும் அவருக்கும் இருக்கும் பூர்வ ஜென்ம பந்தங்கள் காரணமாக உபேந்திரா இந்த அரசியலவாதிகளை உன்னால் அடக்க முடியுமா என்று விஷாலுக்கு சவால் விட அதை விஷால் எப்படி எதிர் கொள்கிறார் என்பதே கதை..

கதை அவுட் லைன் எப்படி சூப்பர் தானே..

ஆனால் இந்த கதையில் நயந்தாரா, அம்மா செண்டிமெண்ட், குத்து பாட்டு , விழால் இமேஜை ஏற்ற திணிக்கபட்ட காற்றில் பறக்கும் சண்டைகள் என்று எல்லவறையும் திணித்தால் என்னவாகும்???

படம் படு கேவலமாக ஏதோ பல படங்களின் ரீ மிக்ஸ் தொகுப்பாக மாறி விட்டது..

அம்மா செண்டி மெண்ட் - மன்னன் படத்தின் ரீ மிக்ஸ்
நயண்தாரா -- ஏன் வருகிறார் எதற்க்கு வருகிறார் என்பது தெரியவில்லை
குத்து பாட்டு - ஆவ்... கொடுமைடா சாமி

காற்றில் பறக்கும் சண்டைகள் - ஓவர் டோஸ்

ஹாரிஸ் ஜெயர்ராஜ் பாடல்கள் படு மோசம்.. தனது 25வது படத்தில் மோசமாக சொதப்பி இருக்கிறார்..

பட தொகுப்பு நிறைவு காட்சியில் படு வேகமாக வேலை செய்து இருக்கிறது.. தீபாவளி கேப் துப்பாக்கி சுடுவது போல ..

பாடல்களை மட்டும் ரீமிக்ஸ் செய்யும் போக்கு மாறி பழைய படங்களின் காமேடிகளை கூட ரீ மிக்ஸ் செய்கிறார்கள்..


சிட்டிசன் படத்தை ஞாபகம் வருகிறது..
அது மட்டும் அல்ல காக்க காக்க , இந்தியன், மன்னன் என்று எல்லாம் கலந்து விட்ட சரக்கு போல இருக்கும் கதை

ஆம்.. சூப்பரான கதையை வைத்து விளையாடுவதை விட்டு விட்டு குத்தி குதறி விட்டு இருக்கிறார்கள்..

படத்தின் கத்தி உபேந்திரா ரோலுக்கு அதிகம் கொடுக்கபட்டு இல்லாமல் இருந்தால் இந்த படம் பிழைத்து இருக்கும்..

உப்பி தான் வரும் சில் நிமிடங்களில் சூப்பர் நடிப்பால் மனதை கொள்ளை அடித்து விடுகிறார்.

படத்தில் அடிக்கடி வரும் டயலாக் ” தமிழ் நாடே கொந்தளிக்கும்”” படத்தை பார்த்த எனக்கும் மூன்று மணி நேரத்தை வீணாக்கி விட்டோமே என்று தான் மனம் கொந்தளித்தது..

பல நல்ல காட்சிகள் ஆனால் கடைசியில் எல்லாம் கோவிந்தா கோவிந்தா..

தற்போது கூட மோசம் இல்லை.. வெட்டி விஷால் புராணம் பாடும் காட்சிகளை வெட்டி விட்டு உபேந்திரா காட்சிகளை அதிகம் வைத்தால் இந்த படம் பிழைக்க வாய்ப்பு மிக அதிகம்