தமிழ் எண்ணங்கள்

மாறுவது உலகு

2012-01-04T10:05:00.003+05:30

இந்த வருடம் சற்று சோம்பலாகவே புது வருடம் தொடங்கியது. இரவில் கிடைத்த வாழ்த்து செய்திகளை மேலோட்டமாக பார்த்தவாறே காரில் படிந்து இருந்த பனிதுளிகளை துடைத்து விட்டு பெங்களுருக்கு கிளம்பினேன்.

திருச்சி- நாமக்கல் சாலை பனி மூட்டத்தில் சோம்பி கிடந்தது. 2012யை எந்த மன நிலையில் வரவேற்ப்பது என புரியாமல் காவிரி கரையை ஊடாக செல்லும் சாலையில் சென்று கொண்டு இருக்கிறேன்.லேசான மக்ழ்ச்சி..திருச்சி அப்புறம் கொடைக்கானல் FM ரேடியோக்களில் எல்லோரும் எல்லோருக்கும் வாழ்த்து சொல்லி கொண்டு இருந்தார்கள்.

2011 ஆண்டு இப்படி தொடங்கவில்லை.. ஐடி வேலையின் இருண்ட பக்கங்களில் நானும் ஒருவனாக இருந்தேன். வேலை அயர்ச்சி..16 மணி நேர வேலை.. சில மணி நேர தூக்கம், விழிப்பு பின் கண்ணியில் தொடர்சியான வேலை.. ஏமாற்றம், போராட்டம், சலிப்பு என முதல் இரண்டு மாதங்களில் யோசிக்க கூட முடியாமல் ஓடி கொண்டு இருந்தேன்.

ஆதரவு இல்லாத அலுவலக நட்புகள் வேறு மறுபக்கம்.. கூடவே அலுவலக அரசியலில் தொல்லை.. இப்படியே இந்த வருடத்தில் பல மாதங்கள் ஓடி போனது. மே ஜீன் ஜீலை மாதங்கள் வாழ்க்கையின் விரக்க்தியின் உச்சகட்டம்.. ஏகப்பட்ட இழப்புகள்.

பண விரயம் மன விரயம்... அவமானங்கள் திட்டுகள் ஏமாற்றங்கள் ஆதரவு இல்லாத நிலை..இது தான் வருடத்தில் பல நாட்க்கள் சந்திந்தது.

ஒரு சில சிறு விழயங்கள் கூட பலவாறு இழுபறிப்புகள் இழப்புகளோடு தான் முடிந்தது

2011 வருடத்தில் பெங்களூரில் இருக்க முடியாமல் பல நாட்கள் காரில் பயணம்.. கும்பகோணம் வட்டாரத்தில் கோவில் தரிசனம் என பல நாட்க்கள் கழிந்தது. வேறு வேலை தேட முயண்ற போது நிதர்சனம் முகத்தில் அறைந்தது. பல வருடங்கள் ஒரே நிறுவனத்தில் வேலை பார்த்தால் புதிய தொழில் நுட்பங்கள் ஏதும் தெரியாமல் இருந்து விட்டேன்.

இடையில் அலுவலக அரசியலால் தண்டை குற்றம் போல ஏதோ ஒரு ப்ராஜக்ட்க்கு அனுப்பபட்டேன்.

புதிய மேலாளர் ஆதரவாக இருந்தார். ஆனாலும் நான் இழந்த எதையும் அவரால் கொடுக்க முடியவில்லை. எதிர்பார்ப்பதும் தவறு.

முகத்தில் அறைந்த அவமானங்கள் மேலும் போராடிய தூண்டியது. பொறுமையை கற்று தந்தது. மனிதர்களை மன்னிக்க கற்று தந்தது.

பின் ஒரு நன்நாளில் நானே எதிர்பார்க்காத ஒரு நிறுவனத்தில் அழைப்பு.. அரை நாளில் இண்டர்வியூ எல்லாம் முடிந்தது. மாலையில் HR நீ செலக்ட் ஆயிட்டே என்று சொன்ன போது இது நாள்வரைக்கு பட்ட கழ்டங்கள் எல்லாம் இதற்க்குதானா என்று தான் தோன்றியது. மீண்டும் இரண்டு மாதங்கள் காத்திரிப்பு ஆர்டர் வாங்க. ஆர்டர் வாங்கிய அன்று கொடைக்கானலில் இருந்தேன். சந்தோஷத்தின் உச்சகட்டம்..

இரண்டு மாதங்கள் notice period என்று ஓடி போனது. மேலும் எந்த வித பாதிப்பும் இல்லாமல் 2011 ஓடி போனது. பொறுமையாக இந்த பதிவை டைப் செய்யும் இந்நாள் என் வாழ்நாளில் கிட்டதட்ட 5 வருடங்கள் கழித்த நிறுவனத்தில் நான் வேலை செய்யும் கடைசி நாள். 2012 புதிய நிறுவனத்தில் சளைக்காமல் உழைக்க வேண்டும் என்ற உத்வேகம் உற்சாகத்துடன் தொடங்குகிறேன்.

நான் தோற்றவன் இனி மீண்டும் ஜெயிக்க வேண்டும் என்ற மனநிலையில்

அனைவருக்கும் புத்தாண்டு நல்வாழ்த்துக்கள்..

No Problem Sir

2011-06-23T20:18:00.010+05:30

வழக்கம் போல இன்னிக்கும் ஒரு வார இறுதி வெள்ளிகிழமை..

கடைசி நாள், எல்லா அப்ரைசைல் மீட்டிங் முடிக்க வேண்டும்..

இருப்பதோ 8 மணி நேரம்.. கடைசி 4 பேர்..ஒருத்தருக்கு ஒரு மணி நேரம்.. 4 மணி நேரம் ஓடி விடும்..அப்புறம் வெட்டி மெயில் ரிப்ளை பண்ண வேண்டும்..சாப்பாடு சிகரேட் காபி டீ அடிக்கடி குறிக்கிடும் தொந்தரவு எல்லாத்தையும் சிரித்து கொண்டே பதில் சொல்ல வேண்டும்.. MNCயில் வேலை என்றால் சும்மாவா..

மாதம் சுளையாக 2 லட்சம் சம்பளம்..யார்கிட்டயும் சொல்லாதீங்க...tax அப்புறம் மிச்ச சொச்சத்தையேல்லாம் பிடிச்ச பின்னாடிதான்..

இந்த சம்பளைத்தை வைச்சுதான் என் குடும்ப சாப்பாடு, ஹோம் லோன் , கார் லோன், பெர்சனல் லோன், குழந்தை ஸ்கூல் பீஸ் மாசம் இரண்டு தடவை பிவிர் ஆர் சினிமா வீட்டுக்கு சோபா ஏசி எல்லாத்தையும் மேனேஜ் செய்யனும். ஊருக்கு போனா பணத்தை விட்டு எறியனும்...என்ன மாச கடைச்யில் ஒரு ஆயிரம் ரூபா கணக்கில் இருக்கும். ஆனா நானும் ஐடி பொறியாளர் இல்ல இல்ல மேனேஜர்....

இந்த அப்ரைசல் ரேட்டிங்கில் என் பங்கு ஏதும் இல்லை..எல்லாம் எனக்கு மேல இருக்கறவங்க போடறது..என் வேலை தம்பி இது தான் உன் வேலைக்கு கிடைச்ச மதிப்புன்னு சொல்றதுதான். வெள்ளிகிழமை பொதுவா நல்ல நாள்..வேலையை விட்டு அனுப்புறதோ ..அப்புறம் என்ன கேடு கெட்ட காரியங்கள் பண்றதா இருந்தால் வெள்ளிகிழமை தான் தோதுவான நாள்..

.அப்ரைசலில் வேலைக்கு ஆகாத ஆட்களுக்கு உன் ரேட்டிங்க் இது தான்ன்னு சொல்லி நேரத்தை ஓட்டி அனுப்பனும்.. என்ன கேவலமான ரேட்டிங் கிடைச்சா அவனுங்களே ஒடிடுவாங்க..இல்லேன்னா ஒரு மாசம் தாக்கு புடிப்பாங்க வேற வேலை கிடைக்கிற வரை.. என் வேலை அவனுங்கிட்ட பக்குவமா அமைதியா சொல்றது தான்..

இன்னிக்கு யாரோ ...
வழக்கம் போல மெயிலில் வந்த லிஸ்டை படித்தேன்..

-*-

நாலு பேரில் ஒருத்தன் ..சிவா..இவன் எப்படி இந்த லிஸ்டில். நல்ல பையன்..நல்லா வேலை பார்பான்..இவன் கிட்ட கொடுத்த வேலை எதுவும் திரும்ப வந்ததே இல்லை..இரண்டு மாசம் முன்னாடி இவன் பண்ணின ப்ரோகிராமால் பெரிய வேலை கூட ஒன்னுமில்லை ரொம்ப சிம்பிள்ன்னு சொன்னாங்க.. வேலைக்காத ப்ராஜட் கூட இவன் இருந்தா சக்ஸஸ் ஆகும்..

இவன் பேரு எப்படி இந்த லிஸ்டில்..??

எனக்கே நம்ப முடியவில்லை..வாங்கிற சம்பளத்து பேஸ்புக் ஆர்குட்ன்னு நோண்டாம வேலை செய்கிறவன்..இவன் எப்படி..விசாரிக்கனும்..

ஹ்லோ இது சுனிலா?? என்ன சார் சிவாவை ப்ளாக் லிஸ்டில் போட்டு வைச்சு இருக்கீங்க !!??

ஏதும் கேக்காதீங்க..எல்லாம் அந்த மீனா பண்றது..இவன் அவ போட்ட டிசைனில் ஏகப்பட்ட குறை கண்டு புடிச்சு மெயில் அனுப்பினானாம் !! அதுக்கு ஒன்னும் தெரியாது..உண்மையாதான் சொல்லி இருப்பான்..ஆனா மீனா 10 வருசமா இந்த கம்பனியில் இருக்கு அது தான் சீனியர் ஆர்க்கிடெக்ட்..இவனுக்கு எதுக்கு இந்த வேலை??அதை எதுத்து என்ன கேள்வி கேட்டாலும் இதுதான் நிலைமைன்னு தெரியாதா??அது எல்லா சீனியர் மேனேஜர்கிட்டயும் இவன் வேஸ்ட்ன்னு feedback கொடுத்து இருக்கு..என்னாலும் ஒன்னும் பண்ண முடியாது,,எப்படியாவது அவனை சரிகட்டி அனுப்பு...

-*-

ம் என்னாலும் ஏதும் செய்ய முடியாது,,ஐடி வேலை அடிமை வேலை..இங்கு வாய் இருப்பவன் தான் பிழைக்க முடியும்...வாய் இல்லாதவன் எல்லாம் அடிமையாக சாக வேண்டியது தான்..எனக்கு வாய் ரொம்ப இருக்கு தெரிந்து தான் இந்த வேலையில் என்ன போட்டாங்க..ஆனா எப்படி இந்த சிவாவை ஹேண்டி செய்யறது..க்ளீன் ரிப்போர்ட்..ஏகப்பட்ட client regimentation வேற ..எப்படியோ செய்யனும்..மாசம் ரெண்டு லட்சம் சம்பளம் பாரதிராஜ படத்தி வரும் தேவைதைகள் ஆயிரம் நோட்டாய் என் மேல் பறந்தது.. பிவிஆர் கோல் க்ளாசில் சினிமா பார்க்கும் போது என் தேவதை கொடுக்கும் smileக்கு முன்னாடி ஏதும் பெரிது இல்லை..

ஹாய் சிவா
ஹலோ சார்.

வழக்கமான பேச்சுக்கு பின்னர்..

சிவா உனக்கு இந்த வருசம் ரேட்டிங் D தான் கொடுத்து இருக்கோம்..உனக்கு கிடைச்ச feedback..நீ ரொம்ப கேவலமாக கோட் பண்றே.. எந்த வேலையும் சரியாக செய்யலே..

சார் உங்களுக்கே தெரியும்

என்ன தெரியும்

எல்லாம் மீனா மேடம்..

சிவா be professional..

ஒக்கே சார்

கொடுத்த ரேட்டிங்க வாங்கிக்கோ இல்லை HRகிட்ட பேசலாமா??

no problem sir..

என்னிடம் கை கொடுத்து விட்டு ரேட்டிங்க் வாங்கிட்டு உடனே போய்ட்டான்..அடுத்த ரெண்டு நாளில் வேலையை விட்டு போய் விட்டான் என்று யாரோ சொன்னார்கள்..வேற வேலை அவனுக்கு கிடைச்சிதா ?? அவனுக்கு family இருக்கா என்ன செய்கிறான்னு யாருக்கும் தெரியவில்லை ..காலை 9 மணி முதல் ராத்திரி 10 மணி வரை ஆபிஸே கதியேன்னு இருப்பான்....பாவம் அவனை இப்படி .....

-*-

வழக்கம் போல இன்னிக்கு மேனேஜர் மீட்டிங்க்...
ஹ்லோ எல்லா ப்ரோஜட்ட்டும் red status..எல்லாரும் என்ன பண்றீங்க..இந்தியா செண்டரை மூடிலாம்னு முடிவு பண்ணி இருக்காங்க.. இன்னும் ஒரு வாரத்தில் எல்லாம் ப்ராஜட்டும் greenக்கு வரனும் இல்லேன்னா எல்லாம் அவ்வளவுதான்..தெளிவான ஆங்கிலத்தில் அந்த வெள்ளைகாரன் சொல்லிவிட்டு போயிட்டான்.. எப்படி வரும்..மேற்கே சூரியன் உதிச்சாதான் வரும்.,,,,நானும் இங்க இருந்து கிள்ம்ப வேண்டியது தான்..கிள்ம்பியே ஆகனும்...போடு resumeயை naukriயில்..

சார் , இந்த வாரம் 10 மணிக்கு உங்க இண்டர்வியூ மறக்காம போங்க பெரிய MNC உங்க கம்பேனியை விட பத்து மடங்கு பெரிசு , take home 3 L தருவாங்க.. மறக்காம போங்க.. தனக்கு கிடைக்க வேண்டிய ஒரு மாத சம்பளத்துக்காக பத்து தடவை போன் செய்த கன்சல்டன்சி ஆள்..

போயே ஆகனும்..இனிமே இந்த வேலை சரி வராது..

சரி எங்க இண்டர்வீயூ..தாஜ் கோரமண்டலில் சார்...5th floor..

ம் இண்டர்வீயூ கூட பைவ் ஸ்டார் ஹோட்டலில் நடத்தும் கம்பனி..வேலை கிடைச்சா அப்படியே என் தேவதைக்கு வீட்டிலே 10 ஸீபிக்கர் வைச்சு பிவிஆர் தியேட்டர் போல படம் காட்டுவேன்..பெரிய கார் வாங்கி பெட்ரோல் போட்டு எல்லாருக்கு சீன் போடலாம்...

சரியான நேரத்துக்கு வந்தாச்சு !!
சார் நீங்க *** தானே உக்காருங்க உங்களை எம் டி இப்பவே கூப்பிடுவாங்க..

மேஜையில் கிடந்த டைம்ஸ் ஆப் இந்தியாவில் வழக்கம் போல பாக்கிஸ்தான் அனுகுண்டு அப்படியே தனுஷ்கோடியை தான் அடிக்க போவுதுன்னு கதை இருந்தது...

சார் உள்ள போலாம்..

போகும் போது ஏதோ தெரிந்த முகம்..

இது மீனா தானே...இவ எங்க..என்ன பாக்கலியே.. இவளும் வேலை தேடறாளா..பெரிய கையாச்சே இவளுக்கு பிரச்சனையா ??இவளுக்கு பிரச்சனைன்னா நான் எல்லாம் எங்கே..

சார் உள்ளெ வரலாமா !!

வாங்க மிஸ்டர் ****..

நாற்காலியில் அதே சிவா கோட் சூட் போட்டு கம்பீரமாக ....

பேக் கிரவுண்டில் யுவன் சங்கர் ராஜா வழக்கம் போல மூக்கால் சத்தமாக ஏதோ பாடி கொண்டு இருந்தார்..

சென்னையில் வீதி உலா

2009-09-24T21:43:00.001+05:30

சென்ற வாரம் தொடர்சியாக 4 நாட்கள் விடுமுறை.

கூர்க் மைசூர் தசரா என ஏகப்பட்ட திட்டம் போட்டும் மிக பெரிய தோல்வி..:(

சென்னை பக்கம் விடுமுறைக்கு ஒதுங்கலாம், நண்பர்களை பார்த்து விட்டு வரலாம் என்று சிறு திட்டம்.

பெங்களூரில் இருந்து உலகத்தின் எந்த இடத்துக்கும் weekendல் டிக்கேட் கிடைத்து விடும், ஆனால் சென்னை செல்வது மட்டும் சான்ஸே இல்லை. பகல் இரவு பஸ்ஸோ டிரையினோ எங்கும் மக்கள் வெள்ளம் தான். எப்படியோ பகல் நேர பேருந்தில் இடம் பிடித்து சென்னைக்கு தொடங்கியது.

எனக்கு பகல் நேர பயணம் ரொம்ப பிடிக்கும். அதுவும் ஜன்னலோர சீட் என்றால் கேட்க்கவே வேண்டாம்.

சாலைகளின் ஆங்காங்கே தென்படும் சாதாரண மனிதர்களும் பெயரை படிப்பதற்க்குள் மறைந்து போகும் பெயர் பலகைகளும் எப்போதும் சுவாரசியமானவை.

எங்கோ திடீரென்று சாலையில் ஒதுங்கி இருக்கும் மோட்டல்களும் அதன் மனிதர்களையும் பகல் நேரத்தில் பார்க்க வெகு ஆச்சர்யமாக இருக்கும்..

Bangalore electronic cityயை தாண்டியவுடன் சாலைகளில் தென்படும் தமிழ் எழுத்துகள் மனதுக்குள் சிறிய புன் சிரிப்பை விட்டு செல்லும்.

- * -

நான் சென்னையில் வசித்தது நிரந்தரமாக வசிக்க நினைத்து இருந்தது சில மாதங்கள் மட்டுமே..

அடிக்கடி சொந்த வேலையாக வரும் போது ஒவ்வோரு முறையும் சென்னை நகரம் ஏதேனும் பாடங்களை கத்து கொடுத்து கொண்டே இருக்கிறது.

என்னுடன் பெங்களூரில் வசித்த முக்கால்வாசி நண்பர்கள் என்றோ சென்னையை நோக்கி சென்று விட்டார்கள். அவர்களுக்கு சென்னையில் பிடித்த பல விசயங்கள் எனக்கோ பிரச்சனைகளாக தெரிகிறது..

சென்னை நகரம் மாறி கொண்டே வருகிறது, எல்லைகளை விரித்து கொண்டே செல்கிறது... காஞ்சிபுரம் பைபாஸ் தாண்டியவுடன் புத்தம் புதுசாக ஏகப்பட்ட மருத்துவ கல்லூரிகள் முளைத்து இருக்கிறது. . பெயர் தெரியாத பன்னாட்டு நிறுவனங்கள், இன்னும் சில மாதங்களில் காஞ்சிபுரம் வரை சென்னையின் எல்லை என யாரேனும் சொன்னாலும் சொல்வார்கள்.

என் நண்பன் மிகவும் மும்முரமாக மேல் மருவத்தூரில் வீடு கட்ட இடம் தேடி கொண்டு இருக்கிறான். அங்கேயும் 20 லட்சத்திற்க்கு குறைந்து இடம் இல்லையாம்..

திருமுல்லைவாயில் ஆவடி பக்கம் எல்லாம் சில ஆண்டுகள் முன்னர் வரை பாசனம் செய்து வந்த இடங்கள். இன்றையை நிலை சொல்லவே வேண்டாம்..

சென்னை நடுத்தரவாசிகள் நகரம் என யார் சொன்னது?

- * -

பெங்களூரில் தினமும் 3 கிலோ மீட்டர் ஜாகிங் செல்லும் போது எட்டி பார்க்கும் வியர்வை துளிகள் சென்னையில் இரவு எட்டு மணிக்கு எந்த வித உடல்உழைப்பும் இல்லாமல் எட்டி பார்க்கிறது. இரவில் அட்டகாசமாக வெப்ப காற்று வேறு. பகலில் சொல்லவே தேவை இல்லை..சாலையில் ஏஸி போடாமல் எந்த காரும் செல்வதில்லை. பரவலாக அனைத்து நடுத்தர வர்க வீடுகளிலும் ஏஸி இருக்கிறது. சாதாரண ஷாப்பிங் கடைகளிலும் ஏஸி.. என் நண்பனின் கடையில் தினமும் குறைந்தது 50 ஏஸி சாதனங்கள் விற்பனையாகின்றன. சென்னை கூடிய விரைவில் துபாயை மிஞ்சி விடும்.

-*-
வழக்கம் போல ஆட்டோகாரர்கள் ஏமாற்றினார்கள், பர்ஸை ஜீன்ஸின் புறபாக்கேட்டில் ஒளித்து வைத்து ரங்கநாதன் தெருவில் செல்ல வேண்டி இருக்கிறது. இந்த முறை சரவணா ஸ்டோர்ஸை விட போத்திஸில் கூட்டம் அதிகமாக தென்பட்டது. வழக்கம் போலவே சென்னை தி நகர் கடைவாசிகள் கஸ்டமர் சர்வீஸ் கண்டு மனசுக்குள் திட்டுவதை தவிர வேறு வழி தெரியவில்லை.

இந்த நவராத்திரியிலும் மாம்பலம் அயோத்யா மண்டபத்தில் கொலு வைத்து சுண்டல் கொடுக்கிறார்கள்.

சில புதியவைகள் கண்ணில் பட்டன. தி நகர் பக்கம் சுத்தமாக தமிழ் தெரியாமல் பீகார் வாசிகள் சின்ன சின்ன உணவகங்கள் நடத்துகிறார்கள். மக்களும் அரைகுறை இந்தியில் சளைக்காமல் பேசி சாப்பிட்டு விட்டு செல்கிறார்கள். நிறைய UP MP MH DL வண்டிகள் கண்ணில் பட்டது.

திருவான்மியூர் பக்கம் சாதாரண ஷேர் ஆட்டோகாரர் கூட இந்தியில் பேசி கஸ்டமர் பிடிக்கிறார்.

ஆனால் ஒரிஜனல் சென்னைவாசிகளுக்கோ இதனால் பல பிரச்சனைகள்..இந்திகாரர்கள் பேரம் பேசாமல் வீடு வாடகைக்கு பிடிக்கிறார்கள்.. இதனால் விலை வாசி ஏறி போச்சு என்ற கூப்பாடு வேறு...

சில அபார்மெண்ட்களில் சிண்டிகேட் வைத்து வீடு வாடகையை control செய்கிறார்கள் என்று என் நண்பன் சொன்னான். புரோக்கர் ராஜ்ஜியம் கொடி கட்டி பறக்கிறது.. வீட்டு வாட்ச் மேன் கள் முதல் தெரு குட்டி தாதா வரை எல்லாரும் புரோக்கர் ஆகி விட்டார்கள். சென்னையில் இனி தனியாளக வீடு தேடி பிடிப்பது முடியாத காரியம் ..

-*-

சென்னையில் எதற்க்கும் ஒரு விலை இருக்கிறது போலும். ரொம்ப சாதரணமாக ‘ யாராக இருந்தாலும் பார்த்துகலாம்’ என்ற டயலாக் காதில் விழுந்தது. பேச்சு அதுவும் அதிகாரமாக அதட்டி பேச தெரிந்தால் மட்டுமே வாழ முடியும் போல. சாதாரண சிம் காட்டு வாங்க கூட சிபாரிசு கூட்டி வருகிறார்கள். சாலையில் சின்ன சின்ன போக்குவரத்து தவறுகளுக்கு கூட குடும்பத்தை இழுக்கிறார்கள்.

சாலையில் சிக்னலில் நிற்க்கும் போது கூட கூச்சமே இல்லாமல் ஹாரன் அடித்து கொண்டே இருக்கிறார்கள். சண்டை போட அனைவரும் தயார் என்ற மன நிலையில் இருப்பதை போல பிரமை..

அடையாரில் ஒரு சிக்னலில் ஹெல்மெட் போடாத யாரோ ஒருவரை போலிஸ்காரர் ஓரம் கட்டிய போது உடனே மொபைலில் யாரையோ துணைக்கு அழைத்து மொபைலை போலிஸ்காரரிடம் கொடுத்து பேச சொன்னார். போலிஸ்காரரும் சளைக்காமல் மொபைலை வாங்கி ஸ்விச் ஆப் செய்து பைக் சாவியை எடுத்து வைத்து கொண்டார்.

ம் இந்த நகரத்தில் அவருக்கும் அவர் வேலையை பார்க்க தனி திறமை தெரிந்து இருக்கிறது.

என்னால் ஐந்து நிமிடத்து மேல் சென்னை நகர சாலைகளில் நண்பனின் காரை ஓட்ட முடியவில்லை. ஆனால் நான் பார்த்த பெரும்பாலன சென்னை கார்கள் எந்த வித வெளி காயமும் இல்லாமல் இருக்கிறது.

பெங்களூரில் சர்வசாதரணமாக 200 ரூபாய் ஆகும் lunch buffet சென்னையில் சரவணபவனில் 120 ரூபாய்க்கு கிடைக்கிறது. சூப்பர் இட்லி கடைகள் மலிவான விலைக்கு ருசியான சாப்பட்டை தருகிறார்கள்....என்னதான் ஏஸி வைத்து இருந்தாலும் மின்சார செலவு மாதம் 200யை தாண்டவில்லையாம்.. தண்ணீர் பிரச்சனையும் முன்பு போல இல்லை...மின்சார ரெயில் நேர சிக்கன பயணம் வால்மீகி நகர் பீச்... என்ன சில நொட்டைகள் இருந்தாலும் சென்னை போல வருமான்னு நண்பன் சொன்ன போது சரிதான் என தலையாட்டினாலும் , சென்னைக்கு நானே வர நினைத்தாலும் அங்கு இனி இருக்க இடம் இருக்காது என்று தான் தோன்றியது.

உன்னை போல் ஒருவன் - விமர்சனம்

2009-09-18T13:10:00.012+05:30

இந்தியில் சென்ற வருடம் வெளியான “ a Wednesday " படம் தமிழ் சாயம் பூசி வெளி ஆகி இருக்கிறது.

இந்தியில் வெளியான படங்களில் எனக்கு மிகவும் பிடித்தபடம் தமிழில் எப்படி வந்து இருக்கிறது ??

ரொம்ப ரொம்ப சாதாரண கதை ..

அதுவும் சில கதாபாத்திரங்களை மட்டும் சுற்றி வரும் கதை..

சென்னை நகரில் பல இடங்களில் வெடிகுண்டு வைத்து போலிஸை மிரட்டும் சாதாரண கமலஹாசன்,

போலிஸ் அதிகாரியாக மோகன்லால்..பின்னர் படத்தில் எனக்கு தெரிந்த ஒரே முகம் லட்சுமி மட்டுமே..

4 மணி நேரங்களில் நடக்கும் சம்பவங்கள், குண்டு வெடித்ததா? ஏன் குண்டு வைத்தார்??

எப்படி சொல்லி இருக்கிறார்கள்..??

நம்மவர் கெட்டப்பில் கமல் ...

பென்ஸ் காரில் சனிக்கிழமைஆபிஸுக்கு வரும் CEO போல இருக்கிறார். ட்ரிம் செய்யபட்ட தாடி ஒரு காஸ்ட்லியான கண்ணாடி வேறு.. common man என கண்கள் நம்ப மறுக்கிறது. உன்னை போல ஒருவன் ரேசன் கடை வரிசையில் கடைசியாக நிற்பவன் என வசனம் பேசும் போது சம்ம காமேடி.

இந்தியில் நஸ்ருதின் ஷா எப்படி அந்த கதாபாத்திரத்திற்கு தன்னை உடை நடை பாவனைகளில் தயார் செய்து கொண்டு நடித்தார் என்பதை கமல் கவனிக்கவில்லை போலும். ஒரு நடுத்தர வர்க மனிதனின் கலக குரல் போல் இல்லாமல் corporate company board meetingல் பேசுவதை போல இருக்கிறது..

எல்லா இடத்திலும் அடிபட்ட ஒரு சாதாரண இந்திய குடிமகன் வேடத்திற்க்கு ..சாரி கமல்ஜி உங்களுக்கு சற்றும் பொருத்தமாக இல்லை.

மோகன்லால்..

விறைப்பான காவல் அதிகாரியாக...முகத்தில் பதட்டம் தெரிய படம் முழுக்க மலையாள தமிழில் பேசுகிறார். எதுவும் ஒட்டவில்லை.

மேலும் பல புது முகங்கள் படத்தில் இருக்கிறார்கள்.. அவ்வளவுதான்.

இசை

படத்தில் பாடல்கள் இல்லை.. இதை போன்ற கதைக்கு பிண்ணனி இசை வலிமையான பிண்ணனி இசை தேவை..சென்ற வாரம் வந்த ஈரம் படத்தில் தமனின் பிண்ணனி இசை மிகசிறந்த உதாரணம்..

பிண்ணனி இசை மகா சொதப்பல். கதையில் ஒட்டவே இல்லை. சுருதி மேடம் பிண்ணனி இசை என்றால் தெரிந்து கொள்ள இளையராஜா படங்களை பார்க்கவும்..முடியவில்லை என்றால் சென்ற வாரம் வெளி வந்த ஈரம் படத்தையாவது பார்த்து தெரிந்து கொள்ளவும்.

படத்தில் வசனம் சில இடங்களில் எழுந்து உட்கார வைக்கிறது.
வழக்கம் போல கதையில் ஒட்டாத தேவையே இல்லாத கடவுளை பற்றிய விவாதங்கள்.. இந்த முறை கலைஞர் கருணாநிதியின் மிமிக்கிரி குரலில் ..

விறுவிறுப்பான காட்சி அமைக்க நினைத்து எடுத்து இருக்கிறார்கள், கூடவே கமலை மட்டுமே நம்பி படத்தை எடுத்து இருக்கிறார்கள்.

இந்தியில் கடைசி 15 நிமிட காட்சிகள் வசனங்கள் படத்தை பலமாக உச்சத்திற்க்கு கொண்டு சென்று விடும். இங்கே வசனங்களில் அழுத்தம் இல்லை.. முக்கியமாக படத்தை தமிழ் நாட்டு சூழலில் சொல்வதில் பல மாக சறுக்கி இருக்கிறார்கள். சொல்ல வந்த கருத்துகள் மிகவும் சிறப்பானதாக இருந்தாலும் சொன்ன விதத்தில் மனதில் எதுவும் பதியவில்லை..

உன்னை போல ஒருவன் - இந்தி டப்பிங் சீரியல் பார்க்கிற உணர்வு.

சைபர் கிரைம்.

2009-09-05T16:32:00.013+05:30

deleted

ஊர் வம்பு -1

2009-08-29T19:24:00.003+05:30

யார் வம்புக்கும் போகாம இருந்தா வம்பு நம்மை தேடி வராது

இதேல்லாம் சும்மா டூப்பு.

என்ன நேரமோ காலமோ தெரியலை வம்பு தேடி தேடி ஆளை கொல்லுது.

பொதுவாக நான் இந்தியன் ஆயில் நிறுவனங்களில் தான் பைக்கிற்க்கு பெட்ரோல் ஆகாரம் கொடுப்பது வழக்கம்.

நான் வைத்து இருக்கும் citi bank debit cardகளில் வேறு நிறுவன பங்குகளில் இதே debit card பயன்படுத்தினால் 10 ரூபா கொசுறாக சர்வீஸ் சார்ஜ் என்ற பெயரில் account statementகளில் ஞேஎன்று எட்டி பார்க்கும்..

இந்த கொசுறு எதுக்கு என்று சண்டை போட்டு முடிவு இது வரை இல்லை.

சரி indian oil நிலையதிலேயே பெட்ரோல் போடலாம் என்று அரைமனதாக முடிவு செய்து ஒரே பங்கையே உபயோகித்து வருகிறேன். எல்லாம் நல்லா தான் இருந்தது..

சில நாட்களாக பைக்கில் கணிசமாக மைலேஜ் குறைந்து கொண்டே வந்தது.. ஒரு லிட்டருக்கு 50 கிலோ மீட்டர் மைலேஜ் கொடுத்த வண்டி 40 35 என குறைந்து கொண்டே வந்தது. ஓட்டும் முறையில் ஏதும் மாற்றம் இல்லை.. hose போட்டு பெட்ரோலை உறியவும் வாய்ப்பு இல்லை.. என்னமோ நடக்குது.. பொருமையாக யோசித்து பார்த்தில் பெட்ரோல் போடும் போதே லம்பாக தில்லு முல்லு செய்தே பெட்ரோல் போடுவது பிடிபட்டது.

பெட்ரோல் போட்டு கொண்டு இருக்கும் போதே சார் cardஆ cashஆ , சார் சீக்கிரம் கார்டு கொடுங்க.. பின் நம்பர் கேட்க்குது என எப்படியாவது கவனத்தை திசை திருப்பி தில்லாங்கடி செய்வது தெரிந்தது. ஏற்கனவே அனுபவம் பெற்ற நண்பர்கள் ஆலோசனையோடு பெட்ரோல் நிரப்பும் போது அந்த h1n1 வைரசே வந்தாலும் திரும்ப மாட்டேன் என உறுதி பூண்டு ஜெயித்து விட்டேன்..

ஆனால் இந்த முறை புது மாதிரியான தில்லுமுல்லு.. பெட்ரோல் போடும் போதே மின்சாரம் போய் விடும் ..அல்லது எந்திரத்தில் ஏதாச்சும் கோளாறு ஆகும்.. உடனே ஒரு சூப்பர்மேன் போல ஒருவர் வருவார் ...பட்டனை தட்டுவார்.. மீண்டும் பெட்ரோல் வரும்..

சார் 300 ரூபாக்கு பெட்ரோல் போட சொன்னீஙக கரண்ட் போவதற்க்கு முன்னால் 80 ரூபாவிற்க்கு பெட்ரோல் போட்டாச்சு பாலன்ஸ் 220 ருபாவிற்க்கு போடனும் மீட்டரை பாருங்க.. 80விற்க்கு பெட்ரோல் போடாங்களா இல்லையா மீட்டர் ஓடிச்சா இல்லையா ..??
இந்த முறையும் நல்லா ஏமாந்து சோனகிரியா 300 ரூபா பெட்ரோலில் 80 ரூபா கோவிந்தா கோவிந்தா..

இந்த முறை விட கூடாது..

ஒரு நாளைக்கு குறைந்தது 100 பேரையாவது இவர்கள் ஏமாற்றுவார்கள், ஒருத்தருக்கு 50 ரூபா என்றால் நாள் ஒன்றிக்கு 5000 ருபா வேலை பார்க்கும் 5 பேருக்கும் லாபம் பிரிக்கபடும்..

இணையத்தில் நோண்டிய போது இந்தியன் ஆயில் விஜிலென்ஸ் நம்பர் கிடைத்தது.. இந்தமுறையும் விட கூடாது..

சார் இதே பிரச்சனை தான் சார், அளவு சரியா இருககான்னு நாங்க அடிக்கடி சோதனை நடத்துறோம் அதனலால் லிட்டர் அளவை இப்ப யாரும் மாத்துறது இல்லை.. அதுக்கு பதிலா பெட்ரோல் போடமலே பெட்ரோல் போட்ட மாதிரி ப்ராடு பண்றாங்க ..எந்த ஏரியா பங்க சார்..??

கூடவே விஜிலென்ஸ் அதிகாரி வந்தார்..என் பைக்கில் இருக்கும் மொத்த பெட்ரோல் அளவு குறிக்கபட்டது.. சார் நீங்க வழக்கம் போலவே பெட்ரோல் போடுங்க.. தில்லுமுல்லு ஏதாச்சும் செய்தாலும் கண்டுக்காம பெட்ரோல் போட்டு முடியும் வரை wait பண்ணுங்க..

வந்துட்டான்யா வந்துடான்யான்னு என்னை பார்த்ததும் பெட்ரோல் போடுபவற்க்கு ரொம்ப குழியாக இருந்து இருக்கும் போல. 150 ரூபாவிற்க்கு பெட்ரோல் போடுங்க.

.பெட்ரோல் hose controllerயை அழுத்தியது போல இருந்தது.. 50 ரூபாவை மீட்டர் காட்டியது.. மிசின் struck ஆனது.. பின் reset செய்து 100 ருபாவிற்க்கு பெட்ரோல் போடப்பட்டது.. அதன் பின் அத்தனையும் சங்கர் படத்தில் வருவது போலவே இருந்தது... ..1

50 ரூபாவிற்க்கு 3 லிட்டர் பெட்ரோல் போட்டு இருக்கனும்.. ஏற்கனவே பைக்கில் இருந்த 2 லிட்டர் சேர்த்து இப்போ 5 லிட்டர் பெட்ரோல் இருக்கனும்.. ஆனால் கணக்கில் வந்ததோ 4 லிட்டர்..

கையும் களவுமாக பிடிபட்டார்கள்,,,,,
விஜிலென்ஸ் அதிகாரி ..ஓனரை கூப்பிடு ..
அவரு இல்லை சார்..
பெட்ரோல் போடுறதை நிறுத்து...
பின்னால் குறைந்தது 20 பேர் கண்டிப்பாக இருப்பார்கள்..

டேய் ப்ராடு பண்றதை நிறுத்தவே மாட்டீங்களா.. சத்தம் பெரிதானது.. பின்னால் இருந்த கூட்டமும் சேதி தெரிந்து கூட்டம் பெரிதானது..

கேஸ் போடுங்க சார்.. பங்கை இழுத்து மூடுங்க சார்..எனக்கும் இதே பிரச்சனை தான் சார்..பின்னால் இருந்து பல குரல்கள்..

இப்போ விஜிலென்ஸ் அதிகாரி..முதல்ல இவருக்கு சுட்ட பெட்ரோலை திரும்ப கொடு.
பெட்ரோல் மீண்டும் போடப்பட்டது...

பெட்ரோல் போடும் பையனை பார்த்தேன் 17 வயது இருக்கலாம்..கூடவே அவரின் சக பணியாளர்கள்.. யாருக்கும் வயது இருபதை தாண்டாது..

சார் இதுல ஒரு கை எழுத்து போடுங்க. *** *** பங்கில் இந்த நாள் இத்தனை மணி அளவில் முறைகேடு நடந்ததை கண்டு பிடித்தோம். அதற்க்கு சாட்சியாக அருண் குமார் என்ப்படும் இந்த நபர்.. இந்திய அத்யாவச பொருட்கள் சட்டபடி... பின்னர் நிறைய எழுதி இருந்தது..

நான் அவரிடம்...சரி சார் இனிமே இப்படி நடக்காதா?? பங்க் ஓனர்கள் முதல் அனைவரும் தண்டிக்கபடுவார்களா?

அது பெரிய பார்மாலிட்டி சார்.. நாங்க இவங்களுக்கு நோட்டீஸ் அனுப்பனும்.. அதுக்கு இவங்க பதில் அனுப்பனும்... அப்புறம் நாங்க ஆதாரத்தை எங்க மேலதிகாரிக்கு அனுப்பனும்.. பார்க்கலாம் சார்..

கண்டிப்பாக பங்க் உரிமம் தடை அல்லது வேலை ஆட்கள் பணி நீக்கம் என ஏதும் நடக்க போவதில்லை என்று தெரிந்தது..

சரி..இப்படி பிரச்சனை செய்து என்ன தான் லாபம்??

தப்பு செய்தா கண்டிப்பாக பிடிபடுவோம்.. பிடிபட்டால் மானம் போகும், பங்க் பெயர் கெட்டு போகும் வியாபாரம் பாதிக்கும் என பயம் கண்டிப்பாக அவர்களுக்கு வரும்.. வரவேண்டும்.. அது வரை திருடனாக பார்த்து திருந்தாவிட்டால் திருட்டை ஒழிக்க முடியாது.. அவர்களை இப்படி செய்து தான் திருந்த வைக்க முடியும்..

கந்தசாமி - திரை விமர்சனம்

2009-08-21T21:16:00.005+05:30

அப்பாடா ரொம்ப நாளைக்கு அப்புறம் நேரம் போவதே தெரியாமல் ரசிக்க ஒரு மசாலா படம்.

கதை என்ன ?

அது யாருக்கு வேண்டும்...

போஸ்டர் பார்த்தே கதை சொல்ல தெரிந்த தமிழ் சினிமா ரசிகர்களுக்கு இந்த படத்தின் கதை என்ன தெரியாமலா இருக்கும்..

இந்தியன் அந்நியன் ஜெண்டில்மேன் டைப் கதைகளுக்கு சங்கர் காப்பிரைட் வாங்கி வைத்தால் ரொம்ப புண்ணியமாக போகும்.

என்ன எல்லாருக்கும் தெரிந்த கதையை அட்டகாசமாக திரைகதை ஆர்பட்டமான பாடல்கள் ஆட்டம் கொண்டு சொல்லி இருக்கிறார்கள்.

முதல் சீனில் ஆரம்பித்து இடை வேளை மூச்சு விட நேரமில்லாமல் ஓடுகிறது
பின்னர் இடை வேளைக்கு அப்புறம் சிறிது தடுமாறி மீண்டும் புயல் வேகம் எடுக்கிறார்கள்..

ஆங்காங்கே வேக தடையாக சில பாடல்கள் அப்புறம் ரொம்ப முக்கியமாக வடிவேல் காமேடி.. வடிவேல் காமேடி படத்தோடு ஓட்டவே இல்லை..

படத்தின் நீளம் 3 : 15 மணி நேரம் , எடிடிங்கில் மேலும் கவனம் செலுத்தி இருக்கலாம்.. தியேட்டர் ஆபரேட்டர்கள் இனி கவனித்து கொள்வார்கள்..

ரொம்ப ரொம்ப விக்ரம் ஸ்மார்டாக விக்ரம் படு கச்சிதமான நடிப்பு கூடவே உடல் மொழி வசன உச்சரிப்பு ..கலக்கீரீங்க விக்ரம்.. அதுவும் பெண் வேடத்தில் வரும் காட்சி ஏ கிளாஸ்

ஸ்ரேயா என்ன சொல்றது ...பாடல்களில் ஜிம்னாசியம் குச்சிபுடி பாக்சிங் என எல்லாம் கலந்து கட்டி ஆடுகிறார்.

’என் பேரு மீனா குமாரி’ பாடலுக்கு தியேட்டர் ஆபரேட்டரை தவிர எல்லாரும் நடனம் ஆடாத குறைதான்..

தேவி ஸ்ரீபிரசாத் பாடல்களும் பிண்ணனி இசையும் அபாரம் ..

படத்தின் ஒவ்வோரு ப்ரேமிலும் அபார உழைப்பு தெரிகிறது..
லாஜிக் மீறாத காட்சிகள் அதுவும் மெக்ஸிகோ நாட்டில் வரும் காட்சிகளும் அருமை..

பிரபு, ஆசிஷ் வித்யார்த்தி, கிருஷ்ணா என எல்லாரும் வந்து போகிறார்கள் , வந்துட்டு போகட்டுமே .

. சுசி கணேசன் இரண்டு வருடம் உழைத்து ஒரு நல்ல பொழுது போக்கு படத்தை கொடுத்து இருக்கிறார்..

பல மொக்கை படங்களை பார்த்து நொந்தசாமிகளுக்கு டைம் பாஸ் இந்த கந்தசாமி..

கண்டதும் கேட்டதும் - 15 08 2009

2009-08-15T21:30:00.002+05:30

இனிய சுதந்திர தின வாழ்த்துக்கள்

ஒரு மாசமா ஏகப்பட்ட புது படங்கள் பார்த்து பைத்தியம் பிடிக்காத்து தான் மிச்சம்.

love aaj kal என்ற இந்தி படம்.. இந்த படத்தை எடுத்த டைரக்டர் மட்டும் என் கையில் கிடைச்சா..

இப்ப வர இந்திபடங்கள் எல்லாம் ரொம்ப ரொம்பவே torture பண்றாங்க.. ஏதோ பீகார் ஹரியானா உபி மக்கள் எல்லாம் லண்டன் நீயூயார்க்க்கு மொத்தமா shift ஆகிட்டாங்களா?? எல்லா பட கதையில் நேரடியா லண்டன் பாரீஸ் இப்படிதான் ஆரம்பிக்குது..

இந்த வரிசையில் வந்த New york Love Aaj Kal என்று இரண்டு குப்பை படங்கள் .. இதில் Love Aaj Kal படத்தில் என்ன தான் சொல்லவராங்கன்னு ஒரு மண்ணும் புரியலை.. எப்படிதான் கலாசார காவல்கார சிவசேனா ஆர் எஸ் எஸ் கேங்க் ஆட்கள் இந்த படத்தை விட்டு வைச்சாங்களோ..

தமிழ் படங்கள் சற்றும் சளைத்தவை இல்லை..

சென்ற மாதத்தில் பார்த்த அபத்தங்கள்

சிந்தனை செய், வாமணன், மோதி விளையாடு ..

பல அபத்தங்களுக்கு மத்தியில் சரி புழைச்சு போன்னு வந்த படம் அச்சமுண்டு அச்சமுண்டு.. இந்த படமும் 1.30 மணி நேரம் என்றால் தப்பித்தேன்..

வழக்கமான தமிழ்பட விதியான 2 : 30 மணி நேர படம் என்றால் நினைச்சு பார்க்கவே முடியலை..

வாழ்க்கையில் பொறுமை போதும் அளவு கற்று கொண்டேன்.. விடுஙகடா சாமி ..

************************************************************************

பெங்களூரில் சென்ற வாரம் திறக்கபட்ட திருவள்ளுவர் இன்னமும் incubationல் தான் இருக்கிறார். எப்போதும் காவலுக்கு போலிஸ் மேலும் இலவச இணைப்பாக வீடியோ காமேராக்கள் கண்காணிப்போடு ரொம்ப பத்திரமாக இருக்கிறார்.

இதை பார்த்து எனக்கு திருச்சி திருவரங்கம் பெரியார் சிலை தான் கதை தான் ஞாபகத்துக்கு வருகிறது.. இன்னமும் திருவரங்கம் பெரியார் அதிரடி படை காவலோடு தான் காட்சி தருகிறார்.

தமிழ்நாட்டில் தென் மாவட்டங்களில் பல இடங்களில் முத்துராமலிங்க தேவரும் அம்பேத்காரும் பலத்த பாதுகாப்போடு தான் எழுந்து அருளி வருகிறார்கள்..

பேசாமல் காவல்துறையில் சிலை பாத்துகாப்பு துறை என தனியாக ஆரம்பித்து விடலாம்..

சிலைகள் திறப்பதால் என்ன நண்மை என நான் அறியேன் ஆனா வெட்டி வம்பு பார்டிகளுக்கு வேலை வாய்ப்பு நிறைய கிடைக்கிறது.. வாழ்க வளர்க

******************************************************************************

எப்போதும் தமிழனுக்கு தான் பேசும் மொழி தொடர்பான அரசியல் ஆர்வம் அதிகம் உண்டு. கன்னடர்களுக்கு திருவள்ளுவர் வாழ்க்கை தமிழ் இலக்கியம் என சுய தம்பட்டம் அடிக்கும் பல ஆட்களை தினமும் காண்கிறேன்..

கூடவே கொசுறாக கல் தோன்றா மண் தோன்றா போன்ற பொன் மொழிகளை ஆங்கிலத்தில் மொழி மாற்றி தமிழ் பெருமையை நிலை நாட்ட ஏகப்பட்ட பேர் உள்ளனர்.

என்னவோ தெரியலை தமிழ் செல்வன் தமிழ் செல்வி போல இது வரை நான் கன்னட செல்வனோ தெலுங்கு செல்வியோ பெயர்களை கேள்வி பட்டதே இல்லை.. பேர் வைச்சுகிறது சொந்த விஷயம் ..சரி அதவிடுங்க.. இந்த கல் தோன்றா மண் தோன்றா தான் ரொம்பவே லாஜிக் இடிபடும் செய்தி.. யாராச்சும் இதற்க்கு விளக்கம் சொல்வீற்களா??

**************************************************************************

கொஞ்சம் புலம்பல்...

2009-07-03T22:20:00.006+05:30

விகடன்....

இந்த விகடன் இதழ்களோடு எத்தனை பசுமையான நினைவுகள்..
வீட்டில் விகடன் வரும் நாள் அன்று சண்டை தொடங்கி விடும். யார் முதலில் படிப்பது அதுவும் 3D சித்திரங்கள் வந்த நாட்களில் யார் முதலில் கண்டு பிடிப்பது என ஜாலியான சண்டையே நடக்கும்.

குடும்பங்களில் வழக்கமாக நிகழும் இறுக்கமான நிகழ்வுகளை நெகிழ வைப்பதில் விகடனுக்கு நிகர் விகடனே..

வைர விழா நாவல் போட்டி முதல் பல ரெகுலர் போட்டிகள் வாசகர்களை விகடனோடு எப்போதும் முன் நிறுத்தி இருந்தன. விகடன் படித்தால் கிடைக்கும் Feel good என்ற மன நிலை யாரையும் புண்படுத்தாத எழுத்துகள் சுஜாதா போன்றவர்கள் தொடர்கள்..

அதிலும் நாவல் போட்டியில் வெற்றி பெற்ற கதையான கொலை வேகம் கதை இன்றைக்கும் என் favorite.

புதுமை என்றால் அது விகடன் தான்

மடிசார் மாமி என்ற தொடரில் வரைபடங்களுக்கு பதில் ஸ்ரீவித்யாவை kinetic honda வண்டியில் வைத்து புகைபடம் எடுத்தே தொடர்கதை ஓட்டத்துக்கு புது வடிவம் கொடுத்தார்கள். இது சாம்பிள் தான்..

இப்படி எத்தனை எத்தனை புதுமைகள்..

விகடன் வெள்ளி கிழமையும் குமுதம் சனிக்கிழமை அன்றும் வெளிவரும்.. சனி ஞாயிறுகளில் இந்த இதழகளை படிக்கவே விடுமுறை விட்டது போல தோன்றும்.

ஆனால் இன்று விகடன் இதழ் மஞ்சள் பத்திரிக்கையை விட கேவலமான தரத்தில் சென்று கொண்டு இருக்கிறது. நடுநிலைமை feel good போன்ற மேட்டர்கள் என்றோ காற்றில் பறக்க விடபட்டு விட்டன.

கடந்த சில வருடங்களில் விகடனின் தரம் ரொம்பவே படாது பாடு படுகிறது

பாய்ஸ் திரை விமர்சனம்.. ரொம்ப ரொம்பவே கேவலபடித்தி இருந்தார்கள்..
நியூ திரை விமர்சனம்.. படத்தை விகடனார் ரொம்பவும் ரசித்து எழுதி கூடவே செல்ல குட்டும் வைத்து இருந்தார்கள்..

பாய்ஸ் படம் அப்படி ஒன்றும் மோசமான படமாக எனக்கு தெரியவில்லை.. ஆனால் நியூ படம் ஆபாச காட்சிகளுக்காக பின்னர் நீதிமன்றதால் தடை செய்யபட்ட படம்.. ..மக்கள் மனதை படிப்பது என்பது இது தானா??

இதை போல வால்மீகி சிவா மனசுல சக்தி போன்ற மொக்கை படங்களுக்கு சன் டிவி பாணியில் விளம்பரம் கொடுத்து சூப்பரோ சூப்பர் படம் என்று விமர்சனம் வேறு..

வாசன் தன் சொந்த படங்களை விளம்பரத்துகாக கூட விகடனை பயன்படுத்தியது இல்லை என்று எங்கோ படித்த ஞாபகம்..

தனி மனிதனுக்கு பிடிக்கவில்லை பிரச்சனை என்றால் அதை பத்திரிக்கைகளில் வைத்து பஞ்சாயத்து செய்வது வாசகர்களை எரிச்சல் மூட்டவே செய்யும்...

திமுகவையும் அதன் தலைவர்களையும் பிடிக்கவில்லை என்றால் அதை வாசகர்களிடம் திணிக்க கூடாது. சமீபத்திய பாரளுமன்ற தேர்கல் கணிப்புகள் என்று இவர்கள் ஜீவியில் கொடுத்த கணிப்புகளே இதற்க்கு சாட்சி...

அதுவும் தனிபட்ட ஆசிரியர் குழுவின் ஆட்களின் கொள்கை நிலைபாட்டிற்க்காக குப்பைகளை படிக்க வேண்டும் என்று வாசகர்களின் தலை எழுத்து இல்லை..

விகடனை படித்தால் பொது அறிவு வளரும் என்ற நிலை போய் இருப்பதும் ஒன்றும் இல்லாமல் போகும் என்ற நிலைதான் இன்று.

மருதன் எழுதும் கட்டுரைகள் இந்த ரகம் தான். இவரின் சீனா சார்பு எழுத்துகள் ...வீட்டில் சாப்பாடு இல்லை என்றால் கூட அமெரிக்கா தான் காரணம் போன்ற கருத்துகள் விகடன் போன்ற இதழில் வருவது வாசகர்களின் துரதிஷ்டம்..

இவர் ஒரு முறை அமெரிக்க கல்வி முறை தொடர்பாக வழக்கம் போல தப்பும் தவறுமாக எழுதி இருந்தார்..இதை கூட சரி பார்க்காமல் வெளியிடுகிறார்கள்.

இப்படி தான் திபேத் மக்கள் சீனா ஆதிக்கதில் மிகவும் சவுரியமாக இருக்கிறார்கள் என்று எழுதி தனக்கு தானே சந்தோஷபட்டு கொண்டார்.. இதையேல்லாம் கூட சரி பார்க்க மாட்டார்களா??

இணையத்தில் சில நிமிடங்கள் தேடினால் பல உண்மைகள் வெளிப்படும் இந்த காலத்தில் இதை போல ஆட்கள் இப்படி எழுதினால் வாசகர்களை என்ன முட்டாளாக நினைத்து விட்டார்களா??

இலங்கை பிரச்சனையை வைத்து உணர்சியை தூண்ட நினைத்தார்களோ என்னவோ சென்ற சில மாதங்களில் வந்த இவர்களின் கட்டுரைகளை இன்று படித்தால் தெரியும் எவ்வளவு உட்டாலங்கடி என்று..

சுஜாதா போன்ற பல ஆளுமைகள் ஆண்ட விகடன் இதழ் இன்று இணைய சந்தாவிற்க்காக ஈழம் பிரபாகரன் என்று ஜல்லி அடிப்பது மகா எரிச்சலை தருகிறது.. இந்த பிரச்சனையில் உண்மையை எழுதினால் வாசகர்களுக்கு மிக பயன் அளிக்கும் ...

2004 ம் வருடம் மழை பொய்த்து பஞ்சம் வந்த போது விகடன் வாசகர்களிடம் நிதி திரட்டி கூடவே கணிசமான தன் நிதியை வைத்து தஞ்சை மாவட்ட விவாசாயிகளின் வீட்டில் தற்கொலைகளை தடுத்தது.

அன்றைய விகடன் மாறாமல் இருந்து இருந்தால் இன்று இலங்கையில் முகாம்களில் வசிக்கும் மக்களுக்கு எப்போதோ நிதி திரட்டி கொடுத்து இருக்கும்.

பெரியார் மீது நீதி மன்றத்தில் வழக்கு தொடர்ந்தற்காக வழக்கு தொடர்ந்தவர் மீது ஆஸிட் அடித்த மேலும் அதை பெருமையாக சொல்லிய ஒருவரின் பேட்டி கவர் ஸ்டோரியில் வேறு...

இப்படி அடுக்கி கொண்டே போகலாம்..

என்னதான் ஆயிரம் இதழகள் வந்தாலும் வீட்டின் சகல மூலைக்குக்கும் செல்லும் இதழ என்றால் எங்கள் வீட்டில் விகடன் தான்.

இன்று விகடன் இதழை வாங்கும் இடத்திலே புரட்டி விட்டு குப்பை தொட்டியில் எறியும் மன நிலை தான் தோன்றுகிறது.

என்னவோ தெரியவில்லை விகடன் குடும்பத்தோடு குடும்பமாக இருந்த இதழ் இன்று இப்படி கெட்டு சீரழிய கண்டு பொறுக்கவில்லை..

கண்டதும் கேட்டதும்

2009-07-01T21:51:00.004+05:30

ரொம்பவே பிகு செய்து கொண்டே கடைசியில் மழை துளிகள் பெங்களூர் வாழ் ஊர்வன பறப்பன என பேதம் பார்க்காமல் நனைத்து விட்டு செல்கிறது.

மீண்டும் காவேரி பிரச்சனையை கிளப்பலாமா என்று domain specialists ஹோம் வொர்க் செய்து கொண்டு இருக்கும் போதே மக்களையும் கூடவே பல மனங்களையும் சேறடிக்காமல் வந்து விட்டது பருவ மழை..

காலம் தவறிய பருவ மழையால் நிறைய பாதிப்புகள்.. கர்நாடகா மாநிலத்தில் மின் தடை பிரச்சனை ரொம்ப ரொம்ப அதிகமாகி விட்டது

பெங்களூரில் பரவாயில்லை என்று தான் சொல்லனும்..சென்ற வாரம் மைசூர் சென்று இருந்த போது நேரில் அனுபவித்தேன். ஒரு நாளைக்கு 12 மணி நேரம் மின்சாரம் இல்லை..

காரணம் மழை இல்லாமல் விவாசாயிகள் பம்ப் செட்டை நாடி செல்வதால் வந்த எதிர் வினை.

கர்நாடகாவில் எந்த அணையிலும் நீர் இல்லை.. நீர் நிலை மின்சார நிலையங்களும் ஓய்வு எடுக்க ஆரம்பித்து விட்டன. ...

நல்ல வேளை.. இன்னும் ஒரு வாரம் மழை தவறி இருந்தால்...

*-*

மக்கள் தொகை ,பொருளாதாரம் , வாங்கும் சக்தி வளரும் அளவிற்க்கு நாட்டில் மின்சார உற்பத்தி அதிகரிக்கபடவே இல்லை..

அதிக அளவு மின்சார உற்பத்தியும் ஒரு வகையில் சுற்று சூழல் பாதிப்பு தான் .. பெரிதும் எதிர்பார்க்கபட்ட அனு மின்சார நிலையங்களும் இது வரை பெரிய பூஜ்யம் தான்.

இந்த நிலையில் மின்சார உற்பத்தி நிலையங்களிலும் கூடவே மின்சார போக்குவரத்திலும் நடக்கும் முறைகேடுகளை சரி செய்தாலே இன்னும் பல வருடங்களுக்கு புதிதாக எந்த மின்சார உற்பத்தி நிலையங்களும் ஆரம்பிக்க வேண்டாம்.
-*-

அரசு வேலை ஆசை யாரை விட்டது. தற்காலிக வேலையில் சேரும் போதே பணி நிரந்தரம் ஆக வாய்பில்லை என்று தெரிந்தே சேர்கிறார்கள். ஆனால் வேலை நிறுத்தம் என மிரட்டி நிரந்தரம் ஆக வழி தேடிகிறார்கள்..

வேலை நிரந்தரம் ஆக வேண்டும். பங்குகளை வேறு யாருக்கும் விற்க்க கூடாது, அரசே நட்டட்தையும் தாங்க வேண்டும் ..

தீபாவளி போனஸ் பொங்கல் போனஸ் பே கமிசன் எல்லாம் வேண்டும். ஆனா மின்சாரம் உற்பத்தி குறைந்தால் மட்டும் பதில் இல்லை..

-*-

பெரிய ஓட்டை விழுந்த பற்றாகுறையை எப்படி சமாளிக்க போகிறரோ நிதி அமைச்சர்.. என்ன கடைசியில் நம் தலையில் தான் சர்வீஸ் டாக்ஸ் வழியாகவே இல்லை வருமான வரியாகவே கடந்து செல்லும்.

கல்விக்காக CESS வரியாக இலவச இணைப்பு ஒட்டி கொண்டே வருகிறது. இது வரை இந்த வரியினால் வந்த வருவாய் பத்து விரல் கொண்டு எண்ண முடியாது. ஆனால் செலவு செய்தது எத்தனை என்றால் யாருக்கும் தெரியவில்லை.

இதை விவாதிக்க வேண்டிய இடங்களில் மக்கள் தலைவர்கள் கண்டு கொள்வதே இல்லை. பல தலைவர்கள் லீவு போட்டு ஊர் சுத்த போய் விடுகிறார்கள்.

ஏன் எல்லா எம் பிகளையும் பாராளுமன்றம் தொடங்கும் முன்னர் மொத்தமாக வைத்து இலக்கிய கூட்டம் நடத்த கூடாது?? தமிழ் பிளாக்கில் இருக்கும் சில காமேடி பீஸ்களை அவர்களோடு இலக்கியம் பேச வைத்தால் மிக மிக நன்று..

-*-

முழு மெஜாரிட்டியின் முதல் பயனாக பொது மக்களுக்கு பெட்ரோல் டீசல் விலை உயர்வு வழியாக கிடைத்துள்ளது.

எல்லாம் நல்லதுக்கே என்று வழக்கம் போல கடந்து செல்ல வேண்டியது தான்..

அரிசி பருப்பு மளிகை விலைகள் ஏற்றம் ,மின்சார தொல்லை, மழை இல்லை எல்லாத்துக்கு நடுவே நாமும் பரிணாம வளர்ச்சி அடைந்து கொண்டே வருகிறோம்..
-*-

வெட்டி வேலை

2009-06-22T09:44:00.004+05:30

காலையில் சன் மியூசிக் இசையருவி சேனல்களை ரிமோட் துணையோடு பொறுமையோடு மாற்றி மாற்றி பார்த்ததில் புரிந்தவை..

சன் மியூசிகில் அயன் பாடல் வந்தால் அங்கே உடனே வாரணம் ஆயிரம்

இப்படியே வேட்டையாடு விளையாடு Vs தசவாதாரம் , சிவாஜி vs குசேலன் , போக்கிரி Vs வில்லு என தமிழ் பேசும் உலகுக்கு நல்ல கலை சேவை செய்கிறார்கள். வாழ்க வாழ்க

-*-

விஜய் டிவியில் விருது கொடுக்கும் நிகழ்ச்சி நல்ல விஷயம் தானே , கமல் சாருக்கு ஏகப்பட்ட விருதுகள் சும்மா அள்ளி கொடுத்தாங்க. எனக்கே டவுட்டு பார்பது கலைஞர் டிவியா இல்லை விஜய் டிவியா கனவா நிஜமா..!!??

எல்லாம் சரிதான் கமல் சாருக்கு தசாவதாரம் சிறந்த கதையாசிரியர் விருது கொடுத்தாங்க.. கமல் சார் பக்கா ஜெண்டில்மேன் ..அந்த விருதை மறக்காம Angles and demon's எழுதிய Dan Brownக்கு அனுப்பி வைச்சுடுவாரு.. உலக நாயகன்னா சும்மாவா....

-*-

சென்ற வாரம் திருச்சிக்கு ஒரு நாள் அவசர பயணம்.. திரும்பி வர KPN travelsல் திருச்சி -> பெங்களூர் மதிய நேர வோல்வோ பஸ்ஸில் புக செய்து திரும்பினேன்..

எல்லாம் நல்லா தான் இருந்தது. நாமக்கலை தாண்டுவதற்க்குள் 10 தடவை பஸ்ஸை நிறுத்தி ஏதோ செஞ்சாங்க. அப்பவே புத்திக்கு உரைச்சு இருக்கனும்.. இல்லையே .

. பஸ்ஸுல ஏசியே வேலை செய்யலே ..மதிய நேர கொடுமையான வெயில் வேற.. டிரைவர்கிட்ட சொன்னா சார் சேலம் போனவுடன் பஸ்ஸை மாத்திடலாம் சார்ன்னாரு..

மோசமான பயணம். மூட்டைபூச்சி கூட்டணி இன்னக்கு சம்ம வேட்டைன்னு புகுந்து விளையாடுது..

சேலம்த்திலும் பஸ் மாற்றபடவில்லை..புகார் கொடுக்க போன் செய்தால் அதேல்லாம் அப்படி தான் சார் என்று பதில்.. பொறுத்து பார்த்து முடியாமல் எல்லா பயணிகளும் சேலம் தாண்டியவுடன் தொப்பூர் காட்டில் வண்டியை நிறுத்தி வேற வண்டியை கொண்டு வர சொன்னோம்.. இதோ அனுப்பறேன்னு சொன்னாங்க..

வரும் ஆனா வராது கதை தான்..8 மணி ஆச்சு.. பெங்களூருக்கு 9 மணிக்கு போய் சேர வண்டி ...தர்மபுரியை கூட இன்னும் தாண்டலை..

அதே வண்டியில் பயணம் தொடர்ந்தது.. நடு ராத்திரியில் பெங்களூர் வந்து சேர்ந்து அல்லாடியது தனி கதை..

சில வருடங்கள் முன் வரை KPN travels நிறுவனத்தின் சேவை அற்புதமாக இருந்தது. என்ன ஆச்சுன்னு தெரியலை ,இப்பவேல்லாம் அவங்க வண்டியல போவதற்க்கு பதில் பேசாம TVS50யை வாடகைக்கு வைச்சு ஊர் போய் சேரலாம்ன்னு தான் தோணுது. கே பின் என் பேருந்துகளில் அவஸ்தை படுவது இது எனக்கு முதல் முறை இல்லை..

மரியாதையே என்ன வென்று தெரியாமல் பேசும் டிரைவர் க்ளீனர்கள், மூட்டை பூச்சி பண்ணையாக இருக்கு பஸ் ஸீட்டுகள் , பராமரிப்பே இல்லாத பேருந்துகள்..

விகடனில் சில வருடங்கள் முன்னர் கே பி என் உரிமையாளர் , தமிழ் நாட்டில் ப்ளைட் சர்வீஸ் விரைவில் ஆரம்பிப்போம் என்று சொல்லி இருந்தார்.. இதே ரேஞ்சில் போனால் ப்ளைட் என்ன ராக்கேட் சர்வீஸ் கூட ஆரம்பிக்கல்லாம்...

-*-

குடும்பத்தார் பட காமேடி சீன் களை பார்த்து கொண்டு இருந்தேன்.
.சிங்கம் புலி என்ற இயக்குநர் கலக்கி இருந்தார்.
. அவர் தொடர்பாக இணையத்தை நோண்டிய போது கிடைத்த லிங்க்.. ஒரிஜினல் சிங்கம் புலி.. Liger http://www.liger.org/

நீங்களும் பாருங்க interesting ஆக இருக்கும்

சமீபத்தில் பார்த்த படங்கள்

2009-06-21T15:43:00.011+05:30

எனக்கு தெரிந்து பல பேருக்கு கன்னட சினிமா என்றாலே ராஜ்குமார் + sons ஞாபகம் தான் வரும்.

தமிழ் சினிமாவிற்க்கு கிடைக்கும் அதிக பார்வையாளர்கள் ( புலம் பெயர்ந்த் இலங்கை தமிழர்கள்) கன்னட சினிமாவிற்க்கு கிடைப்பதில்லை. அதனால் தானோ என்னவோ கன்னட சினிமாவில் வரும் பல நல்ல படங்கள் கர்நாடாவை விட்டு வெளியே தெரிவதில்லை..

கன்னட சினிமாவில் மேடை நாடகங்கள் இலக்கியம் நல்ல சினிமா என்று தனியே ஒரு குழு இயங்கி கொண்டு இருக்கிறது. மசாலா படங்களுக்கு நடுவே பல குறிஞ்சி மலர்கள் அடிக்கடி பூக்கும்.

மறைந்த சங்கர் இவர் மட்டும் இன்னும் பல வருடங்கள் உயிரோடு இருந்திருந்தால் தென் இந்திய சினிமாவில் கன்னடாவின் கொடி இன்னும் உயரே பறந்து இருக்கும்..

கிரீஷ் கர்னாட், அதுல் குல்கர்னி , சரத், ஆஷிஷ் வித்யார்த்தி என மசாலா படங்களில் வில்லனாக மிரட்டுபவர்கள் பல மான மேடை நாடக பிண்ண்னி கொண்டவர்கள். இன்னமும் தங்களின் மனதிருப்திக்காக நாடங்களில் நடித்து கொண்டு தான் இருக்கிறார்கள். இவர்களின் கூட்டணியில் 2007ல் வெளியான படம் ..அவ்வப்போது பெங்களூரில் நடந்த பழையை சம்பவங்களை அழகான திரைகதையோடு படமாகவும் எடுப்பார்கள்.

ஆ தினகளு ..( அந்த நாட்கள் )

இரண்டு தாதாக்களுக்கு இடையே 1986ல் சிக்கி தவித்த பெங்களூரு + அந்த தாதாக்களின் உலகம் + அந்த பிரச்சனையில் மாட்டி தவிவிக்கும் ஒரு காதல் ஜோடி ...இவர்களின் பிரச்சனையை பேசும் படம்.. இது 1986ல் பெங்களூரில் நடந்த கதை..படத்தின் திரைகதையை எழுதியது அக்னி ஸ்ரீதர். இவரின் பாத்திரமும் படத்தில் அங்கம்..

கோத்வால் ராமசந்திரா Vs ஜெயராஜ் ..ஒருவரை ஒருவர் அழிக்க துடிக்கும் தாதாக்கள்....
86 மார்ச் மாதம் கோத்வால் கொல்லபடுகிறார்..

கொலையாளிகள் ஒருவர் சேத்தன். வசதிக்கு எந்த வித குறைவும் இல்லாமல் சமூகத்தை பற்றி எதையும் கவலைபடாத சேத்தன் ஏன் எப்படி எதற்க்காக underworld ஆட்களிடம் போய் சேருகிறார் என்பதை அழகாக சொல்கிறார்கள்.

வன்முறையை பேசும் படம் தான் ஆனால் படத்தில் வன்முறை வாசனையே சுத்தமாக இல்லை.கத்தியில் நடக்கும் வித்தை அநாயசமாக செய்கிறார்கள்.

தாதக்களின் வாழ்க்கை யாரையும் நம்ப முடியாத அவர்களின் மன நிலை அவர்களின் குடும்பம் நட்பு என பல பக்கங்களை புரட்டுகிறார்கள். ஒரு காலத்தில் pensioners paradise ஆக இருந்த பெங்களூரின் வனப்பை நம் கண் முன்னே கொண்டு வருகிறார்கள்.

இசை இளையராஜா -- சான்ஸே இல்லை பிண்ணணி இசை படத்துக்கு மிக பெரிய பலம்..பிண்ணனி இசை என்றால் என்ன என்பதை இந்த படத்தை பார்த்து தான் கத்து கொள்ள வேண்டும்.. அப்புறம் இரண்டு குட்டி குட்டி பாடல்கள்.. இளையராஜாவின் 80 இசை மீண்டும் ஒலிக்கிறது..

http://www.youtube.com/watch?v=nnLvKpYIyPo

இயக்கம் - சைதன்யா , கிரீஷ் கர்னாட்..

இந்த படமும் சுப்ரமணியபுரமும் கதைகளும் 80களில் நடந்த வன்முறைகளை தான் பேசுகிறது. சுப்ரமணியபுரம் படத்தை எப்போது பார்த்தாலும் இரைச்சலான பிண்ணணி இசையும் வன்முறையும் படம் முடிந்த பின் மனதை ஆக்கிரமிக்கும் வன்முறை சார்ந்த பயமும் தான் தெரிகிறது. ஆனால் இந்த படம் அதற்க்கு நேர்மாறாக ஒரு நல்ல படத்தை பார்த்த திருப்தியை தருகிறது.

இந்த படம் பார்க்க வாய்ப்பு கிடைத்தால் மிஸ் பண்ணாமல் பாருங்க..

பசங்க

எனக்கு விக்கிரமன் படங்கள் ரொம்ப பிடிக்கும்..அவரு படத்தில் கெட்டவங்களே யாரும் இருக்க மாட்டாங்க.. எல்லாருமே லா லா லா இசை ஒலிக்க வரும் நல்லவங்க தான். அவர் படத்தில் தெரியும் ஒரு positive energy , மிதமான நகைச்சுவை ஞாயிறுகளில் மதிய நேரங்களில் எந்த வேலையும் இருந்தால் நிம்மதியாக பார்க்கலாம்.

என்னவோ தெரியலை இந்த படத்தின் இறுதியில் இயக்குநர் பெயர் திரையில் தெரிந்த போது என்னையும் அறியாமல் கை தட்டினேன். பல காரணங்கள் இருக்கல்லாம்..நானும் சிறுவனாக இருந்த போது இதே போல் செய்த சேட்டைகளை மீண்டும் பார்த்த காரணமோ இல்லை படம் முழுதும் அட்வைஸ் என தெரியாமல் அழகாக positive செய்திகளை சொன்னதோ..

எதுவாக இருந்தாலும் தமிழில் வந்த படங்களில் இந்த படம் மிக மிக முக்கியமான படம்.

சிறுவர்களின் உலகம் இது வரை தமிழ் படங்களில் ரொம்ப பேசபடாத ஏரியா..மிக மிக அழகாக படம் எடுத்து இருக்கிறார்கள். மிக்க நன்றி இயக்குநர் பாண்டிராஜுக்கு பின் தயாரிப்பாளர் சசிக்குமாருக்கும்.

படத்தில் என்னை உறுத்தியது ஒரே விஷயம் தான்..படத்தில் ஒரு காட்சியில் தேசிய கீதம் ஒலிக்கிறது.. தியேட்டரில் அங்கங்கே சில பேர் எழுந்து நிற்க்கிறார்கள்.. கையில் வைத்து இருக்கும் பாப் கார்ன் கீழே விழுந்து விடுமோ என்ற பயத்த்தில் சில பேரும் சொரணையே இல்லாமல் சிலரும் பேர் அப்படியே உட்கார்ந்து இருந்தார்கள்..யாரையும் குற்றம் சொல்ல முடியாது. தேசிய கீதம் தொடக்கத்திலும் இறுதியிலுமே கேட்டு பழகி போன நமக்கு இப்படி தடாலடியாக வரும் தெரிந்து இருக்க வாய்பில்லை.. தேசிய கீதத்தை இப்படி படத்தில் காட்சியாக வைப்பதை தவிர்க்கலாமே..

குளிர் 100 - விமர்சனம்

2009-06-14T14:44:00.003+05:30

சும்மா ஜாலியா 2 மணி நேரம் டைம் பாஸ் ஆகணுமா, இந்த படத்தை கண்டிப்பாக பார்க்கலாம்

புது விதமான இசை, அசத்தலான ஒளிப்பதிவு வேகமான திரைகதை வைச்சு நல்லாவே எடுத்து இருக்காங்க..

இந்த படத்தின் பாடல்கள் வந்து ரொம்ப ரொம்ப நாள் ஆச்சு..

ஹிப் ஹிப் ஹுரே ,பெங்களூர் பார்ட்டி வி ஜேகளின் மனதை கவர்ந்த பாடல் .. பல இடங்களில் இந்த பாடல் கேட்டு இருக்கிறேன்...ம் சும்மா சொல்ல கூடாது ...அருமையான பாடல்.. பாடலுக்கான நடனமும் அருமை..

மனசெல்லாம் பாடலும் மனதை பிழியும் மெலோடி,, சிம்பு பாடுவது தான் கொஞ்சம் உறுத்தல்..

குளிர் பிரதேச ரெஷிடென்ஷியல் ஸ்கூலில் நடக்கும் கதை.. ராக்கிங்..நட்பு கொஞ்சம் செண்டிமெண்ட், லூசு ஹீரோயின் , ரிவென் ஜ் ...அதுக்குல்ல 2 மணி நேரம் ஆச்சு.. க்ளைமேக்ஸ் கொஞ்சம் சொதப்பல்... அதை விட்டு தொலைங்க.. படம் நல்ல interesting ஆக இருந்துச்சு..

படத்தில் 90% புது முகங்களின் ஆதிக்கம் தான்..
ஹிரோ சஞ்சீவ் ஸ்மார்டாக இருக்கிறார்.. அப்புறம் சயித் நிதீஷ் கார்திக் ரியா ம் ஓகே ஓகே..

படத்தை நிஜமாகவே தாங்குவது பாபோ சசி.. இசையும் இவரே.. கோடம்பாக்கத்தில் இனி இவரை அடிக்கடி பார்க்கலாம் அல்லது கேட்க்கலாம்.

படம் ஊட்டி ஏற்காடு அப்புறம் கொஞ்சமே கொஞ்சம் சென்னையில் எடுத்து இருக்காங்க..
படம் முழுக்க பசுமையின் ஆதிக்கம்.. கொஞ்சம் க்ராபிக்ஸ் நகாசு வேலையும் செஞ்சு இருக்காங்க.

எழுதி இயக்கியது ”அழகிய அசுரா” பாடிய ‘அனிதாஉதீப்’ ... சோதனை முயற்ச்சி போல..

கேமரா ஒர்க் அருமை... குளிர் மழை காலங்களுக்கே நம்மை அழைத்து செல்கிறார்..என்ன தியேட்டரிலும் எனக்கும் அதே குளிர் கால பீலிங்க்சு...ஒரே குளிர் தாங்க முடியல.. மொத்தமே 10 பேர் தான் தியேட்டரில்....

இதுல இண்டர்வல் கார்டு போட்ட போது இரண்டு பேரு சூப்பர் சம்ம சீன்னு கைதட்டி விட்டு ஓடி போய்டாங்க..

பக்கத்து ஸ்கீரினில் மாசிலாமணி ஹவுஸ் புல். :))) ...

உன்னை போல் ஒருவன்

2009-06-12T12:25:00.003+05:30

என்னை போல ஒருவன் .

.இந்தியில் சென்ற ஆண்டு வந்த படங்களில் குறிப்பிடதக்க ஒன்று Wednesday..

அதை நமது ஆஸ்கர் நாயகன் கமலஹாசன் தமிழில் ரீ மேக் செய்கிறார். .

பட கதை விவாதம் அதான் discussion எப்படி தான் செய்வாரோ??

சுட்ட கதையாக இருந்தாலும் உல்டா செய்யும் போது உலக நாயகனின் special touch இல்லாமல் இருந்தால் நன்றாக இருக்காதே..

என்னால் முடிந்தது கொஞ்சம் இலவச ஐடியாக்கள்

1. என்ன தான் ஆஸ்கர் ரேஞ்சுக்கு படம் எடுத்தாலும் பக்தி துதி பாடல்கள் கண்டிப்பா வேணும் ஆழ்வார்பேட்டை ஆண்டவா ஏற்கனவே போட்டாச்சு..இந்த தபா கோபாலபுரம் கோபாலான்னு புதுசா ஒரு பாட்டு போடுங்க. ’கோபாலபுரம் கோபாலா கலகசனை கொஞ்சம் பாருப்பா’ன்னு ஆர்ம்பிச்சா சூப்பரா இருக்கும்..

அப்படியே ஒரிஜினல் கோபாலபுரம் பெரியவர் ஆளுங்க கடுப்பாகி கோர்ட்ல கேஸ் போடுவாங்க..படத்துக்கு சரியான விளம்பரம்...அப்படியும் கேஸ் போடலாயா விடுங்க சாப்ட்வேர் ஆளுங்களை அமெரிக்க கை கூலின்னு திட்டறமாதிரி சீன் வைங்க . ..கண்டிப்பாக கேஸ் போடுவாங்க..

2. படம் கதை என்ன, ரொம்ப சிம்பிள் ஒரு வயசான ஆளு குண்டு வைக்கிறாரு..போலிஸ் கன்பியூஸ் ஆகுது. இதை மாத்தி யோசி பார்முலாபடி அதான் ஹேராம் தசாவதாரம் பார்முலா படி நீங்களே குண்டு வைக்கிறீங்க..அதை நீங்களே கண்டுபுடிறீங்க.. இரண்டு வேடம் ஆச்சு.. இரண்டு வேடத்துக்கும் ஒரே மாஸ்க்....
மூணாவது மாஸ்க் கிருஸ்து பிறப்புக்கு முன் இந்தியாவில் நடந்த உண்மை சம்பவம்ன்னு ஏதாச்சும் எடுத்து உடலாம்.. நடுவுல மானே தேனே பொன்மானே அபிராமி உதயம் தியேட்டர்ன்னு டயலாக்..தியேட்டர்ல எவனுக்கும் கதை புரிய கூடாது..புரியற மாதிரி இருந்தா உங்க இமேஜ் என்னாகும்..

உலக நாயகன் படம் நிஜமாகவே உலக தரம்ன்னு அதான் நமக்கு மட்டும்தான் புரியலன்னு அவனவன் தியேட்டர் வாசலில் தலைவா கலக்கீட்ட உலக தரம்ன்னு பில்டப் கொடுத்து கொடுத்து படத்தை ஓட வைச்சுருவாங்க.

3. ஆஸ்கர் உலக தரம் இல்லை அமெரிக்கா தரம் மட்டுமேன்னு ஏ ஆர் ரகுமானுக்கு ஆஸ்கர் கிடைச்ச வயித்தெரிச்சல்ல ஏதோ பேசிட்டிங்க.. நீங்களும் ஹே ராம் படம் ஆஸ்கர் விருதுக்காகதானே எடுத்தீங்கன்னு எவனாச்சும் வேலை இல்லாதவன் கேள்வி கேக்க போறான்..

கேட்டா பதில் சொல்லியே ஆகனும்...படத்துல பஞ்ச் டயலாக் வைக்கிறோம்.. நானே விருது எனக்கு எதுக்கு விருந்துன்னு ஸ்கீரின்ல நீங்க சொன்னா க்ளாப்ஸ் ல தியேட்டரே அதிரும்..சில பேரு அதை காமேடின்னு நினைச்சு சிரிப்பாங்க விட்டு தொலைங்க நீங்க பார்க்காத தோல்வியா??

இந்தி தசாவதாரம் 5 நாளில் தியேட்டரை விட்டு பறந்து ஓடிய போது அவங்களுக்கு ரசனை இல்லைன்னு நமக்கு நாமே திட்டத்தின் படி தயாரிப்பாளருக்கு நாமம் போடலையா ..லூஸ்ல விடுங்க ஜி..

4. வழக்கம் போல உங்க பட செண்டிமெண்ட் படி சம்பந்தம் இல்லாம நாத்திகம் பெரியாரு இப்படி எல்லாம் டயலாக் வைங்க...வழக்கம் போல படம் வெளியே வருவதற்க்கு முன்னரே ஆளு வைச்சு கோர்ட்ல கேசு போட்ட வைங்க..படம் சூப்பர் டூப்பர் ஹிட்

5. தசாவதாரம் Angels and Demonsல் சுட்ட கதையானாலும் சூப்பரா உட்டாலங்கடி பண்ணி எவனும் கண்டு புடிக்க முடியாதபடி செஞ்சீங்க..எப்படி முடியும்..எவனுக்கும் படத்துல ஒன்னும் புரியல..சரி முத தடவ தான் படம் புரியல..இரண்டாம் தடவை பார்த்தாலவது புரியும்ன்னு தியேட்டருக்கு வருவான்..ரீப்பீட் ஆடியன்ஸ் படம் சூப்பர் ஹிட்...

6. மோகன்லால் போன்ற ஆளுங்க நிஜமாகவே நல்லா நடிப்பாங்க..நடிக்கற மாதிரி ஓவர் ஆக்டிங் போடமாட்டங்க.. ரொம்ப ரொம்ப டேஞ்சரு.. ஹே ராம்ல ஷாருக்கான் மேட்டரை எப்படி டீல் செஞ்சீங்களே அதே போல மோகன்லாலை டீல் செய்யுங்க..

7. Wednesday படத்துல பாட்டே இல்லை.. உங்க படத்துல பாட்டு இல்லைன்னா குருதி புனலுக்கு ஆன கதி தான் இதுக்கும்..வைரமுத்து வாலி ரெண்டு பேரையும் கோபாலபுரம் அழைச்சுட்டு போங்க..அங்க அவங்க ரெண்டு பேரையும் கோபாலபுரம் பெரியவரை வாழ்த்தி கவிதை எழுது சொல்லுங்க.. உலகில் பிறந்த அத்தனை கவிஞர்களும் தோத்துடுவாங்க..

அப்படியே அந்த கவிதையை உல்டா பண்ணி அங்கங்க உலக நாயகனே காலத்தை வென்றவனே செவாய் கிரகத்தில் குரங்கு பிடித்தவனேன்னு வார்த்தைகளை மாத்தி போட்டு ஒரு குத்து பாட்டை போடுங்க.. கே எஸ் ரவிக்குமார் முதல் பல பேரு வலிப்பு டான்ஸ் ஆட ரெடியா இருக்காங்க..

8. மறக்காம உங்க ரெகுலர் மேட்டர்களான தாடி சந்தான பாரத்திக்குக்கு ஒரு ரேப் சீன், நீங்க ஏதாச்சும் ஏதாச்சும் தூணில் இடித்து விழுவற சீன், நீங்க அழுது கிட்டே சிரிக்கற சீன், இதை எல்லாம் வைச்சுடுங்க..என்ன சின்ன குழந்தைங்க அம்மா வீட்டுக்கு போலாம்மான்னு அழுவும்..
அவங்களை சரி பண்ண ஒரு மாஸ்க் கேரக்டர் வைச்சு காமேடின்னு நினைச்சு நீங்களே ஏதாச்சும் டயலாக் பேசுங்க.. காமேடின்னா மெட்ராஸ் பாசையில் பேசுவது தானே..

9.கடைசியா படம் பார்த்துட்டு வந்து எவனாவது கடுப்பாகி ப்ளாக்குல விமர்சனம் எழுதினா உங்க பார்முலா படி என்ன சொல்றீங்கன்னு புரியாம திட்டுங்க.. எல்லாரும் அப்பீட்டு ஆயிடுவாங்க.. நீங்க தான் உலக நாயகன் நீங்க தான் உலகத்தில் சிறந்த நடிகர் எவனாலும் அடிச்சுக்க முடியாது..

இன்னும் ஐடியா ஏதாச்சும் வேணும்ண்ணா உங்க ஹேராம் குணா ஆளவந்தான் போன்ற காவியங்களை நீங்களே பாருங்க...

கண்டதும் கேட்டதும்

2009-06-07T21:25:00.012+05:30

போனவாரம் landmarkல் புத்தம் புதுசா ஒரு புக் வாங்கினேன்.. 'weekend hangouts around Bangalore'.. வழக்கம் போல புக் வாங்கியதோடு நிறுத்தி இருக்கலாம்..விதி யாரை விட்டது..புத்தகத்தில் இருந்த படங்களை பார்த்து எடுறா வண்டியைன்னு மேல்கோட்டை பயணம் முடிவானது.

கூட புதுசா Alto வாங்கிய என் அப்பாவி நண்பன்.

. மேல்கோட்டை தமிழ் சினிமா ரசிகர்களுக்கு மிகவும் பரிச்சயமான இடம். 'தேவுடா தேவுடா ஏழுமலை தேவுடா'ன்னு சூப்பர் ஸ்டார் சல்யூட் அடிப்பாரே அந்த இடம் தான்.. ரொம்ப ரீஜண்டா ஆனந்த தாண்டவம் படத்தில் ' கனா காண்கிறேன் கண்ணா ' பாடலும் இங்கு தான் படமாக்கபட்டது.

ரொம்ப ரொம்ப அருமையான அழகான இடம்.காவிரி கரையில் அமைதியாக ரிலாக்ஸ் செய்ய ஏற்ற இடம். வைழ்ணவ ஆலயம்.. தல வரலாறு சோழ மன்னனோடு ஏற்பட்ட தகராற்றில் ராமானுஜர் 14 வருடங்கள் வனவாசம் இங்கே தான். அவரால் ஏற்படுத்தபட்ட பூஜை நியதிகள் இன்னமும் இந்த ஆலயத்தில் தொடர்கிறது.. குமுதம் பக்தி தொடர்சியாக படிப்பவர்கள் கண்டிப்பாக பார்க்க வேண்டிய ஆலயம்.

தமிழ் படங்களின் ஆஸ்தான பஞ்சாயத்து செய்யும் இடம்....இப்போ பருவ மழை காலம் ..இரண்டு தூண்களுக்கும் நடுவே ஒரு கயிற்று கட்டிலை கட்டி நிம்மதியாக தூங்கலாம்..

my dear tourism department..இந்த கோரிக்கையை கொஞசம் கவனிக்கவும்..

மேல்கோட்டை எங்கே இருக்கிறது..

மைசூர் தும்கூர் சாலையில்..மைசூரில் இருந்து 50 கிலோ மீட்டர் முதல் வழி இல்லையென்றால் பெங்களூர் மைசூர் சாலையில் வலது பக்கம் மாண்டியா வழியாகவும் கன்னடா மாத்தாட தெரிந்தால் சவுரியமாக போகலாம்..

வெறும் கோவில் மட்டும் தானா??

காவிரி ஆற்றில் மீன் பிடிக்க தெரிந்தால் அல்லது மீன் பிடிக்க தெரிந்த மாதிரியாவது சீன் போடலாம்.. பருவ மழை காலத்தில் பயணம் செய்தால் எங்கு காணினும் பச்சை நிறமே.

போகும் வழியில் கண்ணில் பட்ட காட்சிகள்...

***************************************************

forum mall ல் சுற்று சூழல் பாதுகாப்பு தினத்திற்க்காக பேப்பர் கோப்பைகளை வைத்தே ஒரு பெரிய்ய்ய அழகான பட்டாம் பூச்சி செய்து பார்வைக்கு வைத்து இருந்தார்கள்.. நம்ம பொது ஜனம் பக்கத்துல இருக்கும் மெக் டொனால்ஸில் ப்ளாஸ்டிக் பேப்பரில் பர்க்கர் take away வாங்கி இதை பார்த்து கொண்டே ரசித்து சாப்பிட்டு கொண்டிருந்தார்கள்.

நாட்டு நடப்பு - 20.05.2009

2009-05-20T13:08:00.003+05:30

இந்த வருடமும் வழக்கம் போலவே மே மாதத்தில் பெங்களூரில் pre monsoon ஆரம்பித்து விட்டது, இனி தினமும் மாலை நேர மழை சில நாள் சாரல் மட்டும்..நனைந்து கொண்டே செல்வது எத்தனை சுகம் :)))))))))

*****************************

சர்வம்...
நல்ல கதை ...மோசமான திரைக்கதை...
நல்ல ஒளிப்பதிவு

அப்புறம் சொல்லி கொள்ளும் படியான சில காட்சிகள் சில பாடல்கள்..
அதுக்கு மேல..அவ்வ்வ்வ்வ்வ்
ஆர்யா வசனம் பேசும் போது இப்பவே ஓடி போய்டலாமான்னு பல தடவை தோணிச்சு.....

படம் எடுங்கப்பா வேணாங்கலே அதுக்காக இப்படி எல்லாம் டார்சர் செய்ய கூடாது ...முடியல

****************************************

பங்கு சந்தை எந்த வித பலமான காரணமும் இல்லாமல் மேலே செல்கிறது.. மன்மோகன் ஜெயித்தாரு ...சரி அதுக்காக 100 புள்ளி ஏறினால் நன்றாக இருக்கும்.. 2000 புள்ளி ஏறினால்...

எனக்கு என்னவோ இன்னும் ஒரு correction எப்ப வேண்டுமானலும் வரும் என்றே தோண்றுகிறது,

**********************************************

புதிய வானம் புதிய பூமி

2009-05-07T11:46:00.010+05:30

போன வார கடைசியில் லட்டு மாதிரி மூணு நாளு லீவு வுட்டாங்களா என்னா பண்றது ஏது பண்றதுன்னு தெரியாம முழுச்சிகிட்டு இருந்தேன்..பெங்களூர் ஊரே காய்சல் வந்து காலியானது போல இருக்கும்..சரி பசங்களோட வயநாடு போகலாமன்னு முடிவு செய்து வெற்றிகரமாக போய் வந்தாச்சு.

வய நாடு - வயல் நாடு என்பது வய நாடாக மருவியது.. கர்நாடாகா கேரளா எல்லையில் இருக்கும் அழகான கேரள மாவட்டம். மேற்க்கு தொடர்ச்சி மலையில் கடல் மட்டத்தில் இருந்து 2000 மீட்டர் உயரத்தில் இருக்கிறது.

எங்கு பார்த்தாலும் அடர்ந்த காடு , தேயிலை தோட்டம் மேற்க்கு தொடர்ச்சி மலைக்கே சிகரம் என இந்த இடத்தை சொல்லாம்.

ஊட்டி கொடைக்கானல் அளவிற்க்கு கோடையில் வெயில் தெரியாத அளவிற்க்கு இங்கு தட்ப வெட்பம் இருப்பதில்லை.. இருந்தாலும் பரவாயில்லை...40 ‘யில் காய்வதற்க்கும் 30’ யில் காய்வதற்க்கும் வித்யாசம் இருக்குல்லே..

ஜின் மாதம் முதல் பிப்ரவரி மாதம் வரை நல்ல சீதோஷ்ணமாம் நாங்க போனது மே மாதத்தில் ம்ம் பரவாயில்லை..

எப்படி போகலாம்

மைசூரில் இருந்து 120 கிலோ மீட்டர்.. அல்லது கோழி கோட்டில் இருந்து 60 கிலோ மீட்டர்

என்னதான் பார்க்கலாம்

தேயிலை தோட்டங்கள், பானாசுரா தோட்டம், செம்ப்ரா peak, எடக்கல் குகை,சூச்சிபுறா அருவி, முத்தங்கா சரணாலயம்,பூக்கோடல் ஏரி, லக்கடி அருவி ( இங்கு தான் காவிரியின் கிளை நதியான கபிணி உருவாகிறது)..இப்படி சொல்லிகிட்டே போகலாம்

முன் ஒரு காலத்தில் வீரப்பனின் ஏரியாவ இருந்த பாந்திப்பூர் பக்கம் தான்.. சர்வ சாதரணமாக வீரப்பனிடம் தப்பி பிழைத்த யானைகளை பார்க்கலாம்..

என்ன செல்வாகும்..

இங்கு இருக்கும் ரிசார்ட்டுகள் நம் பர்ஸை பதம் பார்க்கும் அளவிற்க்கும் இன்னமும் வளரவில்லை. இதனால் தைரியமாக போகலாம்..அப்படியே மறந்தும் சேட்டா ரிசார்ட் ரேட் ரொம்ப ரொம்ப குறைவுன்னு சொல்ல வேண்டாம்..

தமிழ்நாடு எல்லையும் அங்க்கே தட்டு படுவதால் சரளமாக அனைவரும் தமிழ் பேசுகிறார்கள்.. மலையாளத்தில் சம்சாரிக்கிறார்கள் கன்னடாவில் மாத்தாடுகிறார்கள்.. so no problem..

south india என்பதால் சாப்பட்டு பிரச்சனையும் இல்லை..

புதுசா கல்யாணம் ஆணவங்க தேனிலவு செல்ல நல்ல இடம்..ஏற்கனவே கல்யாணம் ஆணவங்களும் போய் வயத்தெரிசலை நல்லா கொட்டிகிட்டு வரலாம்..

மலை ஏறுவது பின் இறங்க முடியாம அய்யோடான்னு கதறுபவர்கள் வண்டலூர் சூவோட தங்களின் கோடை பயணத்தை நிறைவு செய்து கொள்ளலாம்..

வேற ஏதாச்சும் டெயில் பீஸ்..

குடிகாரர்கள், டூர் போனால் குடித்தே ஆக வேண்டும் என்ற பாட்டில் விரதம் இருப்பவர்கள் கேரள அரசால் பயங்கரமாக கலாய்க்க படுகிறார்கள்..அங்கே கேரள அரசால் நடத்தபடும் ஒயின் ஷாப்பில் நீண்ட வரிசையில் பொறுமையான நின்று குவார்ட்டர்கள் வாங்குபவர்களை ஆண்டவன் கண்டிப்பாக ரட்சிப்பான்..

எச்சரிக்கை..

கேரளாவில் எல்லா இடத்திலும் குப்பை போடுவது பொது இடங்களில் தம் அடிப்பது சுற்றுலா தளங்களில் பெண்களிடம் வம்பு செய்வது போன்ற வீர தீர காரியங்களுக்கு நன்றாக சுலுக்கு எடுக்கபடுகிறது.

பத்திரமாக பெங்களூர் கொண்டு வந்த சேர்த்த tempo traveler க்கு நன்றி

பயணங்கள் முடிவதில்லை

2009-04-25T21:41:00.005+05:30

புனே - பெங்களூர் பயணம்

..மும்பை - நாகர்கோவில் விரைவு வண்டி..
summer holidays நேரம் ..

வேற எந்த வண்டியிலும் டிக்கேட் கிடைக்கவில்லை..

இந்த வண்டி பெங்களூருக்கு கிருஷ்ணராஜபுரத்திலே ஹாய் சொல்லி விட்டு சேலம் பக்கம் சென்று விடும்..

மும்பை தாராவியோ அல்லது மொத்த திருநெல்வேலியே டிரையினுக்குள் புகுந்து விட்டது போல தோன்றியது.,,

இப்படி தான் அவன் பேச ஆரம்பித்தான்..

இன்னும் 10 வருடங்கள் பின் இந்தியா எப்படி இருக்கும்?
ஏன் அதுக்கு என்ன குறைச்சல் நல்லா இன்னமும் 20 கோடி 30 கோடி மக்கள் சுமையை ஏத்திகிட்டு ஹாயாக மும்பை peak hour sub urban train போல போகும்....

அவர்கள் பேசி கொண்டே சென்று விட்டார்கள்...

கூட்டம் எங்கும் பார்க்கினும் ஒரே மக்கள் கூட்டம்....

எதையும் கண்டுக்காம ஒரு பக்கம் ராம பஜனை மறுபக்கம் சீட்டாட்டம்.. கூட்டத்தோடு திருடர்கள்..எங்கேயும் சேராமல் நடுவில் மக்கள்..

அடுத்த ஸ்டேசன் எப்ப வரும் கொஞ்சம் மூச்சு விடலாம் என்று தவிக்கும் மக்கள்..கொஞ்சம் அசந்தால் நம்மை வண்டிக்கு அடியில் தள்ளி விட தவிக்கும் கூட்டம்...

நினைச்சு பார்க்கவே முடியல..

30,000 - இது ஒரு நாளைக்கு வேலை தேடி பீகாரில் இருந்து தில்லிக்கு வந்து சேரும் கூட்டம்..
25,000 இது உபி + பீகாரில் இருந்து மும்பைக்கு ஒரு நாளைக்கு வேலை தேடி புதிதாக வந்து சேரும் மக்கள் தொகை...

இவங்க வேலைக்கு சாப்பாட்டுக்கு என்ன வழி? தங்க இடம்??
ஏன் சொந்த ஊரை விட்டு பெருநகரை தேடி வருகிறார்கள்??

பீகாரில் தண்ணீருக்கு பஞ்சமில்லை.. ஏன் விளை நிலங்களுக்கும் பஞ்சமில்லை.. ஏன் பீகாரை விட்டு மக்கள் வெளி மாநிலங்களுக்கு படை எடுக்கிறார்கள்???

தில்லியில் கிண்டலுக்காக அடிக்கடி தூ பீகாரி கை க்யா?( நீ என்ன பீகாரியா) என்று சொல்வார்கள்..

புது தில்லியில் இருந்து எதோ ஒரு இடத்துக்கு ஆட்டோவில் சென்றேன்..

ஆட்டோவாலா என்னிடம் மதராஸி சாப்.மீட்டருக்கு மேல போட்டு கொடு என்று சொன்னான்.. நானும் ஏதும் புரியாமல் தூ பீகாரி கை க்யா என்று கேட்டேன்.. ஆட்டோவாலா எதுவும் என்னிடம் பேசவில்லை.. வண்டியை எடுத்து கொண்டு சென்று விட்டான்..

பின் சுற்றம் புறம் என எங்கும் விசாரித்ததில் எந்த பீகார் காரனும் தன்னை பீகாரி என்று சொல்லி கொள்ள பெருமை படுவதில்லை என்று தெரிந்தது.. அதற்க்கு காரணம் ஆயிரம் இருக்கலாம்..

இருந்தாலும் ' தமிழன் என்பதில் பெருமிதம் கொள்வோம் 'என்ற வீர வசனங்கள் ஒலிக்கும் இடத்தில் இருந்து வந்ததால் எனக்கு அவர்கள் செய்கை இன்று வரை பிடிபடவில்லை..

பிரச்சனைகள இல்லாத இடங்களே இல்லை..காவிரி , பாலாறு முல்லை பெரியாறு என தமிழகத்தில் தீர்க்கவே வேண்டாம் எப்போது வேண்டுமானுலும் தூசி தட்டி நாலு பஸ்ஸை எரிக்கலாம் ..உண்ணாவிரதம் இருக்கலாம் தீக்குளிக்கலாம் என்று எப்போதும் கையிருப்பில் இருக்கும் பிரச்சனைகள்..

காவிரி பிரச்சனைக்கு மூல காரணம் - பெருகி வரும் மக்கள் தொகை , உணவு உற்பத்தி அதிகரிக்க கர்நாடகாவில் விளை நிலங்கள் அதிகமாக தண்ணீர் தேவை அதிகரித்தது..

கர்நாடகாவிலும் தமிழ் நாட்டிலும் பல வருடமாக சில பேரு ( காவிரி நதி நீர் குடும்பம் ) சில கோடி செலவு செய்தால்...கர்நாடகாவிலும் தமிழ்நாட்டின் காவிரி நீர் பிடிப்பு இடங்களிலும் நிறைய மழை பொழிய வைக்கலாம்.. தண்ணீர் பிரச்சனை தீரும் என்று கரடி போல கத்தி கொண்டு வருகிறார்கள்..எவனும் கண்டுகிறதே இல்லை..

பிரச்சனை வந்தால் முத்துகுமார் போல மூளை சலவை செய்யபட்ட முட்டாள்கள் தீக்குளிக்க அதை பார்த்து இன்னும் சில பேர் தீக்குளிக்க.... மேடையில் பெரிசா மைக் போட்டு கத்துவார்கள்.. கன்னட வெறியர்களே ...கர்நாடகாவில் அட்ரஸே இல்லாமல் இருக்கும் வட்டாள் நாகராஜ் போன்றவர்களை சூடா பேட்டி எடுத்து ஜீவி விகடன் போடும்.. அப்புறம் கேட்கனுமா?

இங்கே அனைவரையும் அரவணைச்சு மக்களுக்கு நல்லது செயய் தலைவர்கள் இல்லை.. வெறுப்புணர்ச்சியை வைச்சும் மட்டும் அரசியல் செய்யும் ஆட்கள் அதை போலவே மக்களும்..

யாரோ ரெண்டு மலையாளியை பிடிக்கவில்லை என்றவுடன் மலையாளிகளே மோசம் என்று அவர்கள் பரம்பரையை இழுத்து விளையாடும் மக்கள்...

இந்தி பேசுபவர்கள் எல்லாம் வெறியர்கள் என்ற நினைப்பில் தாங்கள் தான் தமிழ் வெறியை முதுகில் சுமக்கிறோம் என்பதை மறந்து விடுகிறோம்..

மஹாராஷ்டிரா குஜ்ராத்களில் நெடுஞ்சாலைகளில் தார் சாலை போடுவதும் தமிழர்களே..அங்க குப்பை அள்ளறதும் கட்டிட வேலை செய்றதும் தமிழர்களே.

தமிழ்நாட்டில் இருந்து ஏன் கூலி வேலை செய்ய மக்கள் வெளிமாநிலங்களுக்கும் வெளிநாடுகளுக்கும் செல்கிறார்கள் என்ன பிரச்சனை ..தீர்க்க யாருக்கும் நேரம் இல்லை..

இங்க எல்லாம் கூலி வேலை மலையாளியை பார்க்க முடியாது. ..
பிச்சை எடுக்குற மலையாளியை பார்க்க முடியாது பிச்சை எடுக்குற சர்தார்ஜியை பார்க்க முடியாது..

மலையாளி எந்த ஊருக்கு போனாலும் அந்த ஊர் மக்களை மதிக்கிறாங்க அவங்க கலாசாரத்தை கிண்டல் கேலி செய்வதில்லை.. கூடவே அவங்க மொழியையும் கத்துகிறாங்க...எந்த ஊரில் இருந்தாலும் பிரச்சனையில் சிக்காமல் இருக்காங்க..

இப்படி அவர்களிடம் இருந்து கத்து கொள்ள நிறைய இருக்கும் போது ...சாதி சண்டை மொழி சண்டை என்று படித்தவர்களே வெறுப்பு தேடி அலையும் போது ‘தமிழன் என்பதில் என்ன பெருமிதம் வேண்டி கிடைக்கிறது??...

நேற்று பெய்த மழையில்..

2009-04-25T20:27:00.011+05:30

ஜனவரி மாதத்துக்கு அப்புறம் பெங்களூரில் மழையே இல்லை..
ஏப்ரல் மாத வெயில் சென்னைக்கு போட்டிக்கு வரியான்னு கேட்கும் நிலை..

நேற்று பெய்த pre monsoon மழை இந்த மழை போதுமா இன்னும் கொஞ்சம் வேனுமான்னு சவால் விட்டு போச்சு..

பைக்கை சர்வீஸ்க்கு கொடுத்து இருந்தேன்.. ஆட்டோவில் நகர்வலம்..ம் சான்ஸே இல்லை..ரொம்ப சூப்பரா மழையை enjoy பண்ணினேன்..

****************************************************************************

20 நாளாச்சு ..ஒரு இந்தி படம் கூட ரிலிஸ் ஆகவில்லை.. multiplex காரர்களும் சினிமா தயாரிப்பாளர்களும் நீயா நானா விளையாடுவதால் இந்த கதி..

பெங்களூர் பிவிஆர் ஐனாக்ஸ் இன்னபிற multiplexகளில் அயனும் அப்புறம் தெலுங்கு பில்லா படங்களை வைச்சு ஒப்பேத்திகிட்டு இருக்காங்க..

இங்க கேப்டனுக்கு அடிச்சது லக்கி சான்ஸ்..பிவிஆரில் மரியாதை படம் ரிலிஸ் அதுவும் 4 காட்சிகள் வேற..

இன்னைக்கு forum பக்கம் திரிந்த போது சரி மரியாதை பார்க்கலாம் ,,காமேடியா இருக்கும் டைம் பாஸ் செய்யலாம் என்றால் விதி வலியது.. நாளை வரை அனைத்து காட்சிகளும் advanced booked.:)

எத்தனை பேருடா இப்படி கிளம்பி இருக்கீங்க...

தேர்தல் வியாபாரம்

2009-04-22T21:14:00.003+05:30

ஐந்து வருடம் கடந்து இருக்கலாம்..
ரஜினி ஒரு பிரஸ்மீட்டில் பிஜேபிக்கு தான் என் ஆதரவு..பிஜேபி ஆட்சிக்கு வந்தால் நதிகள் இணைப்பு நடக்கும் பாலாறும் தேனாறும் ஒன்றாக கலக்கும் என்று சொல்லி விட்டு போனார்.

உடனே முத்தமிழர் அறிஞருக்கு கோபம் பொத்துகிட்டு வந்தது. இதோ பார் என்னோட காங்கிரஸ் கூட்டணியில் கூட இப்படி சொல்லி இருங்கான்ஙன்னு ஏதோ ஒரு துண்டு சீட்டை எடுத்து காட்டினார். முரசொலியில் ஜக்குபாய் மக்குபாய் ஆனது.

யாரும் இபபோது மறந்தும் கூட நதி நீர் இணைப்பு பற்றி மூச்சுகூட விடுவதில்லை.
ஏற்கனவே தண்ணியே இல்லாத காவேரியில் இருந்து ராமநாதபுரம் வரை கமிசன் அடிக்க கால்வாய் கட்டுவதில் காட்டும் ஆர்வம் கூட நதி நீர் இணைப்பில் சுத்தமாக தானே கேள்வி நானே பதில்களில் கூட இல்லை. என்ன நதி நீர் பிரச்சனை எல்லாம் தீர்ந்து போச்ச்சா?

தேர்தல் நேரத்தில் கூட பிரபாகரன் என் ஸ்கூல் மேட்டு நானும் அவரும் ஒரே பொட்டி கடையில் தான் ஒளிந்து நின்று திருட்டு தம் அடித்தோம் என்ற ரேன்சில் தான் பிராசாரமே நடக்கிறது.

தேர்தல் நேரத்தில் ஒரு பந்த் வேற,, அதுவும் அரசே நடத்தும் பந்த்...ஒரு நாள் வேலைக்கு போகாமல் இருந்தால் முழு நாள் பட்டினி என்ற நிலையில் தான் தமிழ்நாட்டில் இன்னும் அரைவாசி மக்கள் இருக்கிறார்கள். இவர்கள வாழ்க்கை நிலையை உயர்த்த யாரும் உண்ணாவிரதம் தீக்குளிப்பு சரி அது கூட வேணாம் டீ கூட குடுக்கறது இல்லை..

தன் வூட்டுக்கு பக்கதுல் சாப்பாட்டுக்கு வழியில்லாம கழ்டபடற மக்களுக்கு ஏதுவும் செய்ய தெரியாத ஆளுங்க எல்லாம் அடுத்த நாட்டுக்கு சவால் உடறதை பார்த்தா சிரிப்பா இருக்கு

நாட்டு மக்களுக்கு என்ன செய்வேன் என்று யாரும் ஏதுவும் சொல்வதாக தெரியவில்லை.. இவங்க பீலிங்க்ஸை எல்லாம் பார்த்தா ஒரு நாளைக்கு பத்து சிவாஜி கணேசன் படம் பார்த்த திருப்தி...

டீவி பொட்டி தரேன் கேஸ் ஸ்ட்வ் தரேன் எலக்சனுக்கு முத நாளு கரன்சியால் அடிக்கிறேன்னு எல்லாம் ஒரே பார்முலாதான்..

இவங்களை திருத்த முடியாது..

ஒரு நல்ல நாட்டுக்கு முக்கிய தேவை நல்ல தலைவர்கள்.
இந்த தேர்தலில் சரத்பாபு, டிராபிக் ராமசாமி போன்ற தன்னலம் இல்லாத தனி நபர்கள் போட்டி இடுவது ஆறுதலாக இருக்கிறது.

இவர்களுக்கு டிபாசிட் கூட கிடைக்க வேண்டாம்.. குறைந்தது 1% வாக்கு வாங்கினால் கூட போதும்.. மாற்றங்கள் ஒரே நாளில் இன்ஸண்ட் காபி போல வந்து விடாது.. நம்மிடம் தான் ஆரம்பிக்க வேண்டும்..
நீங்க சென்னையில் வசிப்பவராக இருந்தால் உங்கள் தொகுதியில் டிராபிக் ராமசாமி அல்லது சரத்பாபு பொட்டி இட்டால் 49ஓ போடும் மூடில் இருந்தால்...இவங்களுக்கு ஓட்டு போட கன்சிடர் செய்யலாமே..

அயன் - விமர்சனம்

2009-04-03T22:14:00.007+05:30

ம்.. எத்தனை நாள் ஆச்சு இப்படி புது மாதிரியான கதை தளத்தில் சினிமா பார்த்து...

ப்ளைட் சீசன் டிக்கேட் எடுத்து பறந்து பறந்து கடத்தல் குருவிகள் தான் கதை களம்.. அப்புறம் அடிச்சு தூள் கிளப்பலாம் தானே..

குருவியாக சூர்யா அவரின் பாஸாக பிரபு..அப்புறம் போட்டி தலைவராக ஒரு சேட்..வியாபார சண்டை .. அருமையான 4 பாடல்களுக்கு அழகான தமன்னா..ஆப்பிரிககா சேஸிங்...கடத்தல் ..பழிவாங்கம்.. அம்மா செண்டிமெண் கஸ்ட்ம்ஸ்...

சூர்யா படம் முழுக்க சுறுசுறுப்பாக வருகிறார்..சண்டை காட்சிகளில் நல்ல முன்னேற்றம்.. காங்கோ நாட்டு சண்டை காட்சி அபாரம்...

படத்தின் இன்னோரு ஹீரோ ஹாரிஸ் ஜெயராஜ் ..அருமையான பாடல்கள் சிறப்பான பிண்ணணி இசை...

படத்தின் முதல் பாதி படு வேகம்..... ம் எல்லா புது ஐடியாவையும் போட்டு சூப்பரா எடுத்து இருக்காங்க.. கடத்தல் குருவிகள் உலகம் பேசும் படங்கள் குறைவு என்பதால் ப்ரேஷ்ஷான காட்சிகள்..

அதுவும் கடத்தல்கள் ஒவ்வோன்றும் சாதாரண அப்பாவியான நமக்கு ஜிலீர் ஜிலீர்ங்குது..

கூடவே லைட் காமேடி ..சரி டா நல்ல படம் தான்னு நினைச்சா..
இரண்டாம் பாதி தான்..

செண்டிமெண்ட்..க்ரைம்..எங்க போறதுன்னு தெரியாம சரி இரண்டு பக்கமும் வண்டியோட்ட சூப்பரா கொட்டாவி வருது...
எல்லா ஐடியாவையும் முதல் பாதியிலே மிச்சம் வைக்காம் எடுத்தாசே....

அப்புறம் க்ளைமேக்ஸ் வரும் போது திரும்ப பரபரப்பு..என்ன பண்றது அதுக்கள்ள படம் முடிஞ்சு போச்சே.. இரண்டாம் பாதியில் கத்திரி போட மறந்து போச்சு போல..

விஜய் ’ஒரு புதிய கீதை’ன்னு ஒரு டப்பா படத்துல சூப்பர் டூப்பர் உட்லாலங்கடி அதாவது எல்லாம் தெரிந்த ஏகாம்பரம் கேரக்டர் செய்து இருப்பார்.. சம்ம காமடியா இருக்கும்..

இந்த படத்தில் சூர்யாவிற்க்கும் அதே போல கேரக்டர்.. ஆனா சூர்யா சம்ம வெரைட்டி செய்து படத்தை தாங்கி நிறுத்துகிறார்..

அது என்ன டைட்டில் அயன்..படத்தில் சூர்யா அயன் பாக்ஸை தவிர எல்லாத்தையும் கடத்துகிறார்...வுட்டா நம்ம சட்டை பேண்ட்டை கூட கொடியில் இருந்து உருவி கடத்திடுவாங்க போல..

தமன்னா வழக்கம் போல தமிழ் சினிமாவிற்க்கே உரிய இலக்கண அறிவியல் விதிகளை மீறாமல் வருகிறார்..

கடத்தல் பாஸாக பிரபு ..என்ன கொடுமை சார்..கல்யாண் ஜீவல்லர்ஸில் rate card காட்டுபவரா இவரு..

படத்தின் வில்லன் சம்ம வெயிட்தான்..
ஆனா வெயிட்டான கதாப்பாத்திரம் இல்லையே....

ஒவ்வோரு தபாவும் அவரு தோற்க்கும் போது டேய் என்னை perform செய்ய விடுங்கடான்னு அவரு மனசுக்குள்ள கத்தறது போல இருக்கு. ..

சன் டிவி காரங்களுக்கு கொண்டாட்டம்.. டப்பா பாடல்களை வைச்சே ஒப்பேத்தி வந்தவங்களுக்கு சும்மா திருப்பதி லட்டு போல சூப்பர் பாடல்கள்...

படதொகுப்பு..கேமரா எல்லாம் அருமை..அருமையோ அருமை..

ஆண்டனியின் படத்தொகுப்பு வேகம் படத்தை ஜெட் வேகத்தில் கொண்டு செல்கிறது.. கேமராமேன் பிரபுவின் ஆளுமை கனகச்சிதம்

இயக்குநர் கேவி ஆனந்த் திறமை பல இடங்களில் நன்றாக தெரிகிறது.. எழுத்தாளர்கள் ‘சு’’பா’ திரைக்கதையும் அருமை..

இரண்டாம் பாதியை கொஞ்சம் தட்டி சரி செய்து இருந்தால் படம் வெகு அருமையாக வந்து இருக்கும்...இப்பவும் மோசம் இல்லை.. சன் டிவியில் விளம்பரம் போடமல் கூட 100 நாள் ஓடும்..

கோடைக்கு ஏத்த சரியான தீனி..

படத்தின் முதல் பாதி..சூர்யா..இசை ..பாடல்கள்..கதை தளம்ன்னு அடிச்சு தூள் கிளப்பி இருக்காங்க... பல நல்ல மேட்டர்களும் இருக்கு..

ஒரு முறை பார்க்கலாம்...நிறைய நேரமும் பணமும் இருந்தால் பல முறை ரசிக்கலாம்...

நாட்டு நடப்பு

2009-03-06T21:57:00.003+05:30

வழக்கம் போல இன்னொரு தேர்தல்..சென்ற தேர்தலுக்கும் இந்த தேர்தலுக்கும் என்ன வித்யாசம் என்று கேட்டால் ஒன்றும் சொல்ல தோண்றவில்லை..

என்ன ஐந்து வருடம் முன்னாடி சொந்த பிரச்சனைகளே அதிகம் இருக்கும்...

செய்திகள் படிக்க நேரம் இருக்காது..

மும்பை அந்தேரியில் இருந்து செம்பூர் செல்லும் ரயில் பயண நேரத்தில் காதில் விழும் செய்திகளே அரசியல்....

தேர்தல் முடிவுகள் வந்த போது ஏதோ எனக்கு முன்னமே தெரிந்தது தானே என்று பெரிதாக ஆர்வம்

இல்லை..

அன்றையை ரயில் பயணங்கள்...

சமூகத்தின் அனைத்து தரப்பு மக்களோடு செல்லும் போது அரட்டைகள் கருத்துகள் முடிவுகள் இப்படி தான் இருக்கும் என யூகிக்க முடிந்தது.

நம்மை சுற்றி இருக்கும் சமூகம் ஒவ்வோரு ஆறு மாதமும் மாறி கொண்டே வரும்..நான் மட்டும் விதி விலக்கு இல்லையே..

அரசியல்வாதிகள், அரசாங்கம் போராட்டம் ஈழம் இலங்கை கருணாநிதி ஜெயலலிதா போன்றவர்கள தொடர்பாக அலுவகத்தில் யாரிடமும் பேசிய ஞாபகம் இல்லை.

ஏன் என் நண்பர்கள் யாரும் அது தொடர்பாக பேசியது போலவும் தெரியவில்லை..

ஆனால் எல்லாரும் இந்த முறை கண்டிப்பாக ஓட்டு போட போகிறோம்..ஜாகரன் அமைப்பு வழியாக அனைவருக்கும் ஓட்டு உரிமை கிடைத்து இருக்கிறது..

அதை வீணாக்க கூடாது என்ற கவலையும் கூடவே ..

***********************************************

மை டியர் குட்டிசாத்தான் படம் ஞாபகம் இருக்கா?

ஐஸ் கிரீம், எரோ ப்ளேன், மின் விசிறி என எல்லாம் நம் அருகே தொட்டு விடும் தூரத்தில் வந்து விட்டு போகுமே...

செல்ல குழந்தைகளே என்ற பாடலில் குழந்தைகள் தலைகீழாக நடந்து சென்று மின் விசிறியில் தொட்டு செல்வார்களே

தமிழில் ( மலையாளம்) வந்த முதல் 3டி படம்..ஏன் இந்தியாவில் வந்த முதல் 3டி படம் இதுவே....

குழந்தைகளுக்காவே எடுக்கபட்ட படம் என்றாலும் அந்த படம் பார்க்கும் நேரத்தில் அனைவரும் குழந்தைகளாகவே ஆனது தனி கதை..

அப்பச்சன் தயாரிப்பில் எடுக்கபட்ட படம்... இந்த படத்தில் சில காட்சிகளை தாம்பரம் கிழ்கிந்தா தீம் பார்க்கில் போட்டு காட்டுகிறார்கள்...

இந்த படம் 1997ல் டிடிஎஸ் ஒலி மாற்றி கேரளாவில் மீண்டும் ஒரு முறை வலம் வந்தது..அப்பவும் சூப்பர் ஹிட்டாம்..

இந்த படத்தில் சில காட்சிகள் you tubeல் கிடைக்கிறது.. 25 வருடதிற்க்கு முன் எந்த வித பெரிய தொழில்நுட்பமும் இல்லாமல் இதை போல

ஒரு மாயஜால படம் எடுக்க மிகவும் துணிவு + துட்டு இருக்க வேண்டும்..

மீண்டும் ஒரு முறை இந்த படத்தை தமிழில் இன்று மறு வெளியீடு செய்தால் கண்டிப்பாக 100 நாள் ஓடும்..

******************************************************

லலித் மோடி இந்த வருடமும் IPL கிரிக்கேட் போட்டிகள் நடத்தியே தீருவேன் என்று டிவி சானல்களில் முழுக்கும் போது கிரிக்கேட் நடத்தி

இந்த பூலோகத்தில் அனைவரின் கிரிக்கேட் பசியை தீர்க்க வந்த மகான் போலவே தோன்றுகிறது..IPL போட்டிகளின் வெற்றிக்கு காரணம்

தினமும் பரபரப்பு எதிர்பார்க்கும் மக்களின் அறிவு பசியே.. அது இந்த தேர்தல் நேரத்தில் அரசியல்வாதிகளின் மக்களுக்கு கிரிக்கேட்டை விட

அதிக entertainment குடுப்பார்கள்.. இந்த நேரத்தில் போட்டிகள் நடத்தினால் .. IPL பணால் ஆகும் என்றே தோன்றுகிறது

***********************************************

சென்ற வாரம் ஞாயிற்றுகிழமை பெங்களூரு தமிழர்கள் முண்ண்னியோ அல்ல்து ஏதோ ஒன்று 200 அல்ல்து 300 பேர் இலங்கை தமிழர்கள்

கொல்லபடுவதை நிறுத்த வேண்டும் என்று ஊர்வலம் சென்று கொண்டு இருந்தார்கள்....பாதி பேர் தர்மபுரியில் இருந்து காலையில் இருந்து பஸ் பிடித்து

வந்து இருப்பார்கள் போல..அப்புறம் இந்த மார்ச் மாத வெயிலில் பெங்களூர் காரன் மதியம் இரண்டு மணிக்கு கண்டிப்பாக ஜாக்கேட் போடமாட்டான்..

கூட்டத்தில் சில பேர் சோனியாவை தரக்குறைவாக திட்டி போர்டுகள் வைத்து இருந்தார்கள் கூடவே பிரபாகரன் படமும் புகழ்மாலையும்..

சிவாஜிலிங்கம் எனற இலங்கை எம்பி பேசி கொண்டு இருந்தார்....

ஊர் விட்டு வேலைக்கு வந்தாலும் திருந்தவே மாட்டாங்கப்பா..

இப்படியே கன்னடர்களை திட்டுவது சீண்டுவது இந்தி, தெலுங்கு மலையாளி என இந்தியாவில் இருக்கும் எல்லாரையும் திட்டுவது..

திருவள்ளுவருக்கு பெங்களூரில் சிலை வைப்பது போன்ற சமூகத்தின் ஏழ்மையை அகற்றும் புணித காரியங்கள் செய்வது என தமிழர்களுக்கு என தனி ஒரு குணம் உண்டு,.

பெங்களூரில் பல இடங்களில் தமிழே உலகின் முதன் மொழி என்று யாரோ ஒரு கிறுக்கன் தாரால் கிறுக்கி வைத்து இருப்பான்.. கண்டிப்பாக அவனும் இந்த கூட்டத்தில்

இருப்பான்...அவனை கண்டிப்பாக ஒரு நாள் பார்க்கனும்.. உடனே அவனை தமிழ் தெரியாத ஒரு பத்து பேர் கூட ஒரு மாசம் அடைச்சு வைக்கனும்..அப்புறம் தார் எடுத்து

கொண்டு பெங்களூர் நகர சுவர்களை தேடி போவாரா?

மதுர

2009-02-27T21:07:00.006+05:30

போன வாரம் நண்பனின் திருமணத்திற்க்காக மதுரை சென்று இருந்தேன். பல வருடம் கழித்து தென் தமிழ்நாட்டில் பல இடங்களுக்கு ஒரு அவசர டிரிப்.

என்னதான் ஆயிரம் குற்றங்கள் சொன்னாலும் திருச்சிக்கு கீழ் இருக்கும் தமிழ்நாட்டில் வாழ்வதே தனி சுகம் தான்.

அன்பான மக்கள், கனிவான பேச்சு நல்ல உணவு.. எல்லாம் அனுபவிக்க கொடுத்து வைக்கனும்..

மதுரை கோவிலில் சுட்டப்ட்ட புகைபடங்கள்

கோவில் திரு முழுக்குக்காக வேலைகள் நடந்து வருவதால் அழகான மதுரை கோவில் கோபுரத்தை முழுதாக பார்க்க முடியவில்லை. மேலும் நான் புகைபடம் எடுக்க வேண்டும் என்று நினைத்து இருந்த இடங்கள் எல்லாம் திருப்பணி வேலைக்காக மூடப்பட்டு இருந்தன.. குடமுழுக்கு முடிந்த பின்னர் ஒரு முறை செல்ல வேண்டும்.

பொற்றாமரை குளக்கரையில் அழகான ஓவியங்கள்..யார் வரைந்தது எப்போ வரைந்தது என கேட்க்க பயமாக இருந்தது. எங்கு பார்த்தாலும் போலி guide மயமே.. ABCD..Z வரை தெரிந்தால் போதும் உடனே guide ஆகி விடுகிறார்கள்.

பள்ளியில் படிக்கும் போது இதே போல பொற்றாமரை குள படிக்கட்டில் உட்கார்ந்து தாமரையை தேடி கொண்டு இருந்தோம்.. ..இந்த பசங்களை பார்க்க பொறாமையாக இருந்தது..

என்ன கொடுமை சார் ?

2009-02-17T21:44:00.002+05:30

எப்படி இருந்த நான் இப்படி ஆயிட்டேன்

2009-02-04T20:52:00.006+05:30

கூட்டமாக ஒரு ப்ளாட்டை ஆக்கிரமித்து இருக்கும் பேச்சிலர்களை வீடு தேடி சென்று பார்பது புது அனுபவமாக இருக்கும்.

ரீபோக் ஷூ , ரேபான் க்ளாஸ் போட்டு இருக்கும் ஆட்கள் கிழிந்த சலவை செய்யாத சாக்ஸ்தான் போட்டு இருப்பத்தை துப்பறியும் புலிகள் இல்லாமலே கண்டுபிடித்து விடலாம்..

நானும் சாப்ட்வேர் இன்ஜினியருதான் என்று சொல்லி கொள்ள ஒரு உடைந்த கம்பூட்டரு கூடவே கம்பெனி லாப்டாப்...

பிறந்ததிலிருந்து சலவை பாக்கியம் கிடைக்காத தலையணை உறைகள்.. படுக்கை விரிப்புகள் .. தினமும் எப்படிதான் குப்பை மேட்டில் படுத்து தூங்கி காலையில் ஹார்லிக்ஸ் பேபி போல வராங்களோன்னு நானும் பல நாள் வேலை வெட்டி இல்லாம R & D செய்து இருக்கேன்..

சனி ஞாயிறுகளில் இதை போல ஆட்கள் வீட்டிற்க்கு சென்றால் நிறைய வெட்டி கதை பேசலாம் ஜாலியாக பொழுது போகும்.

இப்படிதான் சில மாதம் கும்பல்ல ஒருத்தரு அப்பதான் Accentureல் புதுசா ஜாயின் செய்து இருந்தாரு.. கூடவே அவருக்கு ரெண்டு டப்பா நிறைய business card கொடுத்து இருத்தாங்க...

அவரும் அதை கர்மசிரத்தையாக வீட்டிற்க்கு வரும் எல்லாருக்கும் விநியோகம் செய்து கொண்டு இருப்பார்.

I work for Accentureன்னு அவரு சொல்லும் போது அவரை முகத்தை பார்க்க வேண்டுமே.. ஏதோ Accentureக்கு வேலை பார்க்கவே பூலோகத்தில் அவதாரம் எடுத்தவர் போல லுக் வேற விடுவாரு.

யாராவது Accentureயை விட சிறிய நிறுவனங்களில் வேலை பார்ப்பவர்களை கண்டால் போது சாரை பிடிக்க முடியாது.. சில நேரம் டயலாக் வேற வரும்..

நான் Accenture என்ற பெரிய்ய்ய்ய்ய கம்பேனில வேலை பார்க்கிறேன்.. நீங்க....

ஏதோ Accenture CEOவே இவர்கிட்ட தான் ரிப்போர்ட் செய்வது போல நினைப்பு வேற. விடுமுறை நாள்ன்னா தொல்லை தாங்க முடியாது.. இவங்க கிட்ட வேற சட்டையே இருக்காது போல..

நானும் Accentureல் chair keyboard எல்லாத்தையும்தேய்து இருக்கும் அனுபவம் இருப்பதனால் நமக்கு தெரியாம போச்சேன்னு Feel வேற பட்டு இருக்கேன்..

கம்பெனி ஓசில கொடுத்த t shirtடை போட்டுகிட்டு அலைவாங்க..

.சீன் வேற தாங்க முடியாது ..

ஏதோ ஆன் சைட் ஆளுங்க இவனுங்க இல்லாம Projectயை முடிக்கவே முடியாது போல பேச்சு..

அதுவும் ஆன் சைட் போய்ட்டு வந்த பின்னாடி பசங்களை பிடிகக்வே முடியாது.

மறக்காம அந்த நாட்டில் இருந்து ஒரு காமேரா + shoe வாங்கி வந்துருவாங்க..

அப்புறம் செடி கொடி இலை பூ தார் ரோடு மேகம் அருவி பூச்சி கொசு ன்னு எதையும் விடாம ஒரே போட்டோ மயம்தான்..

அப்புறம் American Accentல் மாரியாத்தாவுக்கு கூழ் ஊத்தற மாதிரி எப்ப பார்த்தாலும் cool cool தான்..

தினமும் காலையில் சீக்கிரமே எழுந்து கழுத்தில் கம்பெனி அட்டை மாட்டி கம்பெனி பஸ்ஸில் ஹிண்டுவோ அல்லது ஏதோ ஒரு ஆங்கில பத்திரிக்கை படிக்காம இவங்கலால் இருக்கவே முடியாத்துன்னு நானும் பல நாள் நினைச்சு இருக்கேன்...

பல பேரு இதை போல பிராண்டு பெருமை பிடித்து பிராண்டி அலைவதை சில மாதங்கள் முன்பு வரை அடிக்கடி பார்த்து இருக்கிறேன்..

ஆந்திராவில் இருந்து IBM Accentureக்கு நேராக ஏதாச்சும் Train விடுறாங்களோ தெரியலை..

எங்க கேட்டாலும் 'பாகுன்ன்னாரா' தான் கேட்க்கும்..

ஆன் சைட்ல என்ன தான் Client placeல் டொங்கு இடத்தில் வேலை பார்த்தாலும் Breanchல் வாயை கட்டி வயித்தை கட்டி சேர்த்த காசை weekendல் வெளியே போய் அடுத்தவனோட கார் முன்னாடி ஏதோ சொந்த கார் மாதிரி உரிமையாக போட்டோ எடுத்து கொள்வது சாப்ட்வேர் ஆட்களின் மரபு..

அதை இந்தியாவில் இருக்கும் டீம் ஆட்களிடம் மறக்காம உடனே அனுப்பிட்டு அவனுங்க வயித்தெரிச்சலை தூண்டி விடனும்..
அதுவும் ஒரு ethics..

சரி போட்டோ எடுக்கும் போது கூடவா நல்ல T Shirt போட்ட்டுக கூடாது.. அங்கேயும் அதே கம்பெனி பெயர் போட்ட T Shirt..தான்.

. அப்புறம் தமிழர்களின் வரலாற்று சிறப்புமிக்க போட்டோ ஒன்று கண்டிப்பாக இருக்கும்.. போனை காதில் வைத்து கொண்டு பேசுவதை போல நடிக்கும் போட்டோ தான்..இவனுங்க ஐ போன் வாங்கினா கூட அதில் கூட பேசுவதை போல நடிக்கும் போஸை மட்டும் விட மாட்டேஙறாங்க..

Infy நாராயணமூர்த்தி ஒருமுறை சொன்னாரு.. வேலை பார்க்கும் கம்பெனியை நேசிக்காதே உன் வேலையை நேசி என்று..

கேட்டாதானே.

. 6 மாசம் முன்னாடி Accentureல் புது பிராஜக்ட்டில் ஆன் சைட் கிடைக்கவில்லை என்றதும் உடனே சத்யத்துக்கு நண்பர் வேலை மாறினார்.. ..

சென்ற ஞாயிறு அவரை மீண்டும் அதே பேச்சிலர் வீட்டில் பார்த்தேன்.. என்னை பார்த்தவுடன் ஏதோ Times of indiaவில் முக்கியமான செய்தியை படிப்பது போல கண்டு கொள்ளாமல் இருந்தார்..

. கொஞ்ச நேரம் கழித்து பேப்பர் என் கைக்கு வந்தது என் கண்ணில் இந்த ஜோக் தான் உடனே தெரிந்தது..

“உண்மையான காதல் என்றால் என்ன?
boy friend சத்யத்தில் வேலை பார்பது தெரிந்தும் கழட்டி விடாமல் இருப்பது”....

நீதி சொல்லும் மேட்டர் என்பதால் கடைசியாக ஒரு மெசேஜ் சொல்லபடுகிறது..

Accentureல் மட்டும் இல்லை எங்கு வேலை பார்த்தாலும் software code என்பது copy paste முறையில் மட்டுமே செய்யபடுகிறது.. வேறு எந்த முறையில் செய்யபட்டாலும் கம்பெனி அதற்க்கு பொறுப்பாகாது

இப்படிக்கு செய்திகள்

2009-01-31T22:16:00.005+05:30

சென்ற ஞாயிறு பெங்களூர் போரம் மாலில் ஏற்பட்ட தீ விபத்தில் food court முழுவதும் எரிந்து விட்டது. எத்தனை பேர் சாபமோ :))

வீணா போன நெய் ரொட்டிக்கு 500 ரூபா சொல்லி எத்தனை பேர் பர்ஸை பதம் பார்த்து இருப்பாங்க..

தீ விபத்தில் யாருக்கும் காயம் கூட இல்லை. தீ அணைப்பு பாதுகாப்பு ஏற்பாடுகள் நன்றாக இருந்ததால் எல்லாரும் happy.. என்ன PVR ல் பாதி படத்தோடு எல்லாரையும் திரும்ப அனுப்பி விட்டார்களாம். முழு படமும் பார்க்க முடியவில்லையாம்..

இது இன்றைய நிலை.. சனி கிழமைகளில் நடக்கவே முடியாத அளவிற்க்கு பரபரப்பாக இருக்கும் போரம் இன்றைக்கு பொது வேலை நிறுத்தம் செய்த்தது போல இருந்தது..

எல்லாம் அக்னி பகவான் திருவிளையாடல் தான்.

landmarkல் இன்றைக்கு தான் மிதிபடாமல் பெரிய Qவில் நிற்க்காமல் எல்லா சிடியையும் புரட்டி பார்த்துட்டு அப்படியே வெளியே வரமுடிந்தது :)

*- *

பொதுவாக கர்நாடகா பதிவெண் வண்டிகளில் சிலவற்றில் கர்நாடகா மாநில கொடி இருக்கும்.. இன்றைக்கு முதல் முறையாக ஒரு தில்லி பதிவு வண்டியில் கர்நாடகா கொடி இருந்ததை பார்த்தேன்.. பெஙளூரில் கர்நாடகா கொடி இல்லை என்றால் காரை உடைத்து விடுவார்கள் என்று யாராவது புரளி கிளப்பி இருப்பாங்களோ !!

நாட்டு நடப்பு

2009-01-27T21:45:00.002+05:30

ஸ்லம் டாக் மில்லியனர் -

சாதாரணமாக இதை போல படங்களை போஸ்டரில் கூட பார்க்க மாட்டேன்.
ஏ ஆர் ரகுமான் பின் ஆஸ்கர் கனவுகள் அலுவலகத்தில் அரட்டையில் கேட்டது இணையத்தில் படித்தது என பல சக்திகள் இந்த படத்தை பார்க்க தூண்டியது.

மும்பை சேரி வாழ்க்கையை படமாக காட்டியதில் சில மிகை இருந்தாலும் பலவும் உண்மையே. மும்பையில் ஒவ்வோரு முறை விமானம் தரையிரங்கும் போது இரு பக்கமும் நெருக்கமான கூடுகளை போல சேரிகளும் ஆஸ்படாஸ் கூரை வேய்ந்த குடிசைகளுமே இரு புறமும் தென்படும்.

மாகிம் தாராவி என மும்பையில் சேரிக்களுக்கு பஞ்சமில்லை. தனி தேசம் தனி வாழ்க்கை..

இந்த சேரி மக்களின் வாழ்க்கையை இது வரை நான் எந்த இந்திய படத்திலும் பார்த்தது இல்லை.

இந்தியாவின் சாதாரண மனிதர்களின் வாழ்க்கையை இதை விட சிறப்பாக காட்ட முடியாது.

- ஜெய் ஹோ

_*_

பொருளாதார மந்த நிலையால் பெங்களூரில் வீடு வாடகை முதல் புது வீடு விலை வரை எல்லாம் மலிவாகி விட்டது என டைம்ஸ் ஆப் இந்தியா முதல் சிக்னலில் பேப்பர் விற்பவர் வரை அனைவரும் கூவி கூவி சொல்றாங்க..

விசாரித்து பார்த்தால் 10,000 வாடகை வேண்டாம் ,,9,500 மட்டும் போதுமாம்..
double bedroom apartment கூட விலை குறைப்பும் இதே கதை தான்.. பெரிதாக விலை குறைந்தது போல தெரியவில்லை.. ஆனால் விலை குறைப்பு ஏற்பட்டது போல ஒரு hype அவ்வளவுதான்..

அமெரிக்காவில் ஏற்பட்ட பொருளாதார வீழ்ச்சியின் உண்மையான தாக்கம் இது வரை இந்தியாவில் அவ்வளவாக உணரபடவில்லை என்பதே நிஜம்.

இனி வரும் மாதங்களில் கூட பெரிதாக மாற்றம் இருக்காது என்றே நினைக்கிறேன்..

_*_

விகடன் இதழ் + அதன் இணை இதழ்களின் தரம் படு கேவலமாக சென்று கொண்டு இருக்கிறது. முன்பு ஆனந்த விகடனை படித்தால் சில புதிய விழயங்களை கற்று கொள்ளலாம் ஆனால் இப்போதோ அதை படித்தால் இருப்பதும் கழண்டு விடுமோ என்ற பயமாக இருக்கிறது.. மருதன் என்பவர் எழுதும் பாஸ்போர்ட் என்ற கட்டுரைகள்.. தமிழில் பிளாக் எழுதுகிறேன் என்று சாதி சண்டை போடும் எழுத்துகளே மேல் என இவர் எழுதுவதை படிக்கும் போது தோன்றுகிறது..

ஜீவி ..எப்பவுமே உடான்ஸ் தான்.. இப்ப இலங்கை பிரச்சனை வேற.. சில வாரமாகவே பிரபாகரன் புகழ் பாடல்தான்...கூடவே அவரின் மகன் கதை வேறு!!

இனி வீரப்பன்(ர்) , நொச்சி குப்பம் வீரமணி ஆட்டோ சங்கர் போன்ற மறைந்த தலைவர்களின் வாழ்க்கை வரலாற்றை விகடன் தொடராக வெளியிடலாம்..

அதை எழுத வெல்டிங் சங்கர் போன்ற எழுத்தாளர்களை எழுத சொல்லாம்..

இதை எல்லாம் பரவாயில்லை ஏதோ டைம் பாஸ் என்று பொறுத்து கொள்ளலாம்..

. தேவை இல்லாமல் இந்தியா ராணுவத்தை வம்புக்கு இழுத்து இந்திய விமான படையையும் கேவலமாக எழுதி இருக்கிறது விகடன்.

தமிழ் வெறியை தூண்டி விடுவது ஏதோ தமிழர்கள் மட்டும் தான் உலகில் அனைத்து பேராலும் அடிமை படுத்தபடுவதை போல மாயையை ஏற்படுத்துவது போல சில்லறை வேலைகளை அரசியல்வாதிகள் தான் செய்து கொண்டு இருந்தார்கள்.

இப்ப ஜீவி முறை போலும்..

அவன நிறத்த சொல்லு ...

2009-01-16T21:36:00.005+05:30

வர வர உண்ணாவிரதம் எல்லாம் மாட்னி ஷோ பார்பது போல ரொம்ப சுலபமாக போச்சு.. காந்தி பயன்படுத்திய மிக பெரிய ஆயுதத்தை ரொம்ப ரொம்ப கேவலபடுத்துகிறார்கள்.

உண்ணாவிரதம் என்பது அடுத்தவரை மிரட்டியோ அல்லது தான் நினைத்தது நடக்க வேண்டும் என்று பிளாக் மெயில் செய்யும் ஒரு வழி முறை அல்ல.

தான் நினைத்த காரியத்தை சாதிக்க ஆயிரம் வழிககள் இருக்கின்றன.

அரசியல்வாதிகளே தயவு செய்து உண்ணாவிரதம் போன்ற சாத்வீக முறைகளை கேவலடுத்தாதீர்கள்...

அஹிம்சை சாத்வீகம் எல்லாம் முதலில் நம்மில் இருந்தே தொடங்க வேண்டும்.

அஹிம்சை போராட்டம் மட்டும் அல்ல வாழ்க்கை முறையும் கூட..

காந்தியின் போராட்டத்துக்கு வெற்றி தன் வாழ்க்கையாக மட்டும் அல்ல பல பேரின் வாழ்க்கையாக மாற்றி காட்டினார்.

மேலும் எந்த ஒரு சாத்வீக போராட்டத்துக்கும் நியாமான காரணம் இருக்க வேண்டும்.

தவறான காரியங்களை எந்த வித போராட்டமும் நியாயபடித்தி விடாது..

கண்ணில் பட்ட மாற்று தமிழ் இயக்கதினர்களை எல்லாம் கொன்று குவித்த திலீபன் அன்று instant அஹிம்சை வாதி ஆனார் இன்று 'அடங்க மறு' என மேடைகளில் துடிக்கும் திருமாவளவன் அஹிம்சாவாதி ஆகி விட்டார்..

உலகம் ரொம்பதான் மாறி போச்சு...

80களின் கடைசியில் இந்தியாவே தலையிடாதே..
20 வருடம் கழித்து இந்தியாவே தலையிடு..

2004ல் தலைவரே பொறுத்தது போதும் போரை உடனே தொடங்கு...
2009ல் இந்தியா பொறுத்தது போதும் போரை உடனே நிறுத்து..

என்ன இந்தியா உங்க பேச்சுக்கு எல்லாம் ஆடி கொண்டு இருக்கும் தலையாட்டி பொம்மையா? இல்லை இந்திய நாட்டுக்கு இவங்களுக்கு பஞ்சாயத்து செய்வதை தவிர வேற வேலையே இல்லையா?

என்ன இவங்க சொன்னது போல நடக்கவில்லை என்றால் வழக்கம் போல இந்திய ரானுவத்தையும் இந்திய தலைவர்களையும் திட்டி விட்டு போவார்கள்.

அப்படியே லூஸ்ல விடனும்..

________________________________________________

3400 கோடி - இது 1987 -89ல் இந்திய அரசு இலங்கையில் அமைதி படை + இலங்கையில் தமிழர் வசிக்கும் பகுதியில் தேர்தல் நடத்த + தமிழர் பகுதியில் அடிப்படை கட்டுமாணம் வளப்படுத்த செலவழித்த தொகை...

இன்றைய மதிப்பில் இது 10,000 கோடி ,,இந்த பணம் இருந்தால் atleast தென் இந்திய நதிகளையாவது இணைத்து இந்த நதீ நீர் அரசியலை ஒழித்து இருக்கலாம்

ஒரு வேளை சாப்பிடும் பல கோடி இந்தியர்களுக்கு வாழ்க்கையில் பல நாள் 3 வேளை சாப்பிட வைத்து இருக்கலாம்.. இப்படி பல சொல்லி கொண்டு போகலாம்..

1400 - இது அமைதிபடையில் உயிர் இழந்த ரானுவவீரர்களின் எண்ணிக்கை..

1400 குடும்பங்கள் சிதைந்து போனது.. இதில் சோகமானது -- அமைதிபடையில் இறந்தவர்களுக்கு சண்டையில் இறந்தால் அவர்கள் குடும்பத்திற்க்கு கிடைக்கும் உதவிகள் ஏதும் கிடையாது.. காரணம்...அமைதி படை போர் categoryயில் வராதாம்..

கிடைத்தது - கற்பனையான செய்திகளும் ஒப்பாரிகளும்..

பட்டது போதும்.. சிங்களவர்களும் நாங்களும் சகோதரர்கள்.. இந்தியர்கள் வந்தேறிகள்..எங்கள் விசயத்தில் தலையிட வேண்டாம் என்று கேவலபட்டது போதும்....

கோவிந்தா கோவிந்தா...

2009-01-11T21:20:00.005+05:30

ஹைதராபாத் அமீர்பேட்டையில் எல்லாத்தும் duplicate கிடைக்கும். சாதாரண AA size பாட்டரி முதல் கல்லூரி டிகிரி சான்றிதழ் வரை.. சென்ற வாரம் முதல் புதுசா கம்பேனி annual report கூட விற்பனையில் கொடி கட்டி பறக்கிறதாம்..

அது என்னவோ தெரியலை.என்ன மாயமோ புரியலை...ப்ராடு, 420 கேசுங்க தான் ...போலிகளை நம்பாதீர்கள் எங்களுக்கு கிளைகள் கிடையாதுன்னு ஜீவி நக்கீரன் போன்ற பத்திரிக்கைகளில் பின் அட்டையில் முழு பக்கதுக்கு பேமிலி போட்டோ போட்டு விளம்பரம் கொடுப்பாங்க..

இங்க என்னடான்ன சத்யம்ன்னு பேரை வைச்சு அநியாயம் செய்றாங்க....

எல்லாரும் சத்யம் பிரச்சனையை பத்தி பேசி டயர்டா இருப்பாங்க..
ரிலாக்ஸ் பீளீஸ்...

இனி வருங்காலத்தில் இப்படி எல்லாம் நடக்கலாம்.

என் 10,000 கோடி பணத்தை 12b பஸ்ஸில் போகும் போது எவனோ மொள்ளமாரி பிட்பாக்கேட் அடிச்சுட்டான்.. பிட்பாகேட் கொடுத்தது என் தவறுதான். தவறை வெளிபடையாக ஒத்து கொள்கிறேன்.

பார்த்து உசாராக இருந்துகோங்க.. என் பணம் செவ்வாய் கிரகத்துல் இருந்து வந்தவங்க லவட்டிகிட்டு போய்டாங்கன்னு கூட சொல்வாங்க...

*********************************************************************************

தற்போது சன் ஞாயிறுகளில் பெங்களூர் தெருக்கள் முன்பு போல ஹாரன் அடித்து டிராபிக் ஜாம் ஆக்குவதில்லை.. forum garuda mall களில் வேடிக்கை பார்க்க வருபவர்கள் கூட குறைவாகவே இருக்கிறார்கள்... 99.99 % off என்று விளபரம் போட்ட கூட மக்கள் எதையும் வாங்குவது போல தெரியவில்லை..

எல்லாம் ஐடி படுத்தும் பாடு..

என் கதை மட்டும் என்ன வாழுதாம். :( நாமும் சிக்கனம் தான். கிரைடிட் கார்டை வீட்டில் ஒளிச்சு வைச்சாச்சு.. ஆனா வழக்கம் போல Bose audio shopகளில் வாங்குவதை போல சீன் போட்டு ஓஸியில் பாட்டு கேட்பதை இது வரை விடவில்லை :)

***********************************************************************************

சமீபத்தில் பார்த்த சினிமா

2009-01-11T20:30:00.004+05:30

சமீபத்தில் பார்த்த தமிழ் படம் ..அபியும் நானும்.

ஒரு நிறைவான தமிழ் படம். அழகான கதைக்கு நல்ல நடிகர்கள் கூடவே நகைசுவை தோரணங்கள். Feel good என்ற உணர்வை ஏற்படுத்தும் தமிழ் படங்கள் மிக மிக குறைவு. Life is beautifull என்ற நேர் எண்ணங்களை நம் மனதில் விதைப்பது மிக கடினம்.. இந்த படத்தை பார்த்து வந்த சில மணி நேரம் வரை அந்த அலைகள் என்னை தொடர்ந்து வருவது போலவே இருந்தது,.

சென்ற வருடம்(2008) வந்து தமிழ் சினிமாக்களில் நல்ல படங்கள் என்ற பல சொல்லாம் ஆனால் மிக சிறந்த படம் என்று எதையும் சொல்ல தோன்றவில்லை.

சுப்ரமணியபுரம் என்ற வன்முறை மொழியை பேசும் படம் போற்றபடுவது அச்சுறுத்துகிறது.

இந்தியில் சென்ற வருடம் பல நல்ல படங்கள் வந்து இருந்தன.

குறிப்பாக Wednesday,mumbai meri jaan..

இரண்டு படங்களுக்கும் ஒற்றுமைகள் பல உண்டு. மும்பை ரயில் குண்டு வெடிப்பு சம்பவங்களை தொடர்ந்து சமூகத்தின் சாதாரண மனிதர்களுக்கு ஏற்படும் பிரச்சனைகளை அலசும் படங்கள்.

நாம் வாழும் சமூகத்தில் தினமும் நம் அடிக்கடி நேருக்கு நேர் சந்திக்கும் மனிதர்களை பற்றி பேசும் படம்.

இதில் Wednesday படத்தின் முடிவு வித்யாசமாக இருந்தாலும் அந்த படம் பேசியவை அனைத்தும் உண்மையே. நம்மூரில் செல்லமாக அழைக்கபடும் ஒரு பெரிசு ( நஸ் ரீதின் ஷா ) தீவிரவாததையும் மக்களை பாதுக்காக்க தவறிய காவல்துறையும் ஒரு புதன்கிழமை அன்று அலைகழைத்து பாடம் சொல்லி தருவதே படத்தின் கதை. அனுபம் கேர் Vs நஸ் ரூதின் ஷா இருவரின் மிக சிறப்பான நடிப்பில் வந்த அருமையான படம்

mumbai meri jaan .. மும்பை ரயில் குண்டு வெடிப்பில் நேரடியாக மறைமுகமாக பாதிக்கபட்ட ஐந்து பேரை சுற்றி பிண்ணப்பட்ட கதை..

* மாதவன் ஒரு கண்ணி பொறியாளராக
* இர்பான் கான் மும்பையில் சைக்களில் டீ விற்க்கும் ஒரு தமிழனாக
* சோகா அலிகான் பரபரப்பு செய்தி சொல்லும் ஒரு ரிப்போர்டாராக
* பரேஷ் ராவல் வயதான காவல் அதிகாரியாக
* கே கே மேனன் ஒரு இந்துதுவ ஆதரவாளராக

அற்புதமான நடிப்பு தெளிவான திரைக்கதை இதற்க்கு மேலும் உண்மையும் பேசும் கதை. படத்தின் முடிவு Feel good என்ற பட்டாம்பூச்சிகளை மேலும் மேலும் பறக்க விடுகிறது.

இந்த இருபடத்தின் டிவிடிகள் சல்லிசாக மோசர்பியர் டிவிடிகளில் கிடைக்கிறது. இந்தி மாலும் நஹி என்று எஸ்கேப் ஆக வேண்டாம்.சப் டைட்டில் இலவசமாக கொடுக்கிறார்கள் :).. நேரம் கிடைத்தால் இந்த இரண்டு படங்களையும் பார்க்க தவறாதீர்கள்..

அப்புறம் இந்தி கஜினி .. தமிழ் கஜினிக்கும் இந்தி கஜினிக்கும் ஆறு வித்யாசங்கள் கூட கண்டு பிடிக்க முடியாது போல.:) .. படம் 3 மணி நேரம் போனதே தெரியவில்லை. திரைகதை பிணைப்பு அருமை.

இந்தி கஜினி ரிலீசுக்கு 10 நாள் முன்னாடியே பல பேரு ( வட இந்தியர்கள் ) landmarkல் தமிழ் கஜினி டிவிடியை தேடி பிடித்து வாங்கி கொண்டு இருந்தனர். ம்ம் இந்தி கஜினி விளம்பரங்கள் ஏற்படுத்திய எதிர்பார்ப்பு.

flash news :

2009ல் கூட தமிழ் சினிமா மாறுவது போல தெரியவில்லை... . வருங்கால முதல்வர் விஜய்யின் வில்லு பார்வையாளர்களை எல்லாம் அம்பு விட்டு கொல்லுதாம்..

ஏண்டாப்பா அந்த படத்துக்கு போனோம்.. பேசாம குருவி படத்தை திருட்டி டிவிடியில் இன்னும் ஒரு முறை பார்த்து இருக்கலாம்னான்.

நல்லவேளை நாளை இரவு காட்சிக்கு டிக்கேட் புக் செய்யலாம் என்று இருந்த என்னை காப்பாறிய என் நண்பனுக்கு மிக்க நன்றி :)

பொம்மலாட்டம் - திரை விமர்சனம்

2008-12-14T19:48:00.003+05:30

பொம்மலாட்டம்

பாரதிராஜா படங்களில் எனக்கு என்றும் பெரிய ஆர்வம் என்றும் இருந்ததில்லை.. அண்ணன் தங்கை செண்டிமெண்ட் அல்லது மதுரை தமிழில் கண்டபடி திட்டி கொண்டு அடித்து கொண்டும் பேசும் மொழிகள் எனக்கு பரிச்சயம் இல்லை .

கல்லூரி காலங்களில் தாஜ்மகால் என்ற அப்பத்தமான படம் பார்த்த விளைவோ தெரியவில்லை. ..

சினிமா எனபது டீம் ஒர்க். இதில் இயக்குநர் இமயங்களும் சிகரங்களும் எங்கு இருந்து முளைத்தார்கள் என்று தெரியவில்லை.

ஆனால் இந்த படம் மிக மிக வித்யாசமான படம்..

பாராதிராஜா ஆரம்ப காலங்களில் எடுத்த திரில்லர்களை மீண்டும் ஒரு முறை மிகவும் அருமையாக புது புது சமாசாரங்களோடு கொடுத்து இருக்கிறார்.

கதை மிக எளிமையாக ..

நானா படேகர் பிரபலமான இயக்குநர் கூடவே வித்யாசமான மனிதரும் கூட.சினிமா இயக்குநர்களுக்கே உரிய அவரின் மனைவியாக ரஞ்சிதா..

சிபிஐ ஆபிசராக அர்ஜீன்..அவரின் காதலியாக காஜல் அகர்வால்.

தமிழ் பதிப்புகாக விவேக் + மணிவண்ணன்

நானாவின் படத்தின் பட பிடிப்புகளில் சில கொலைகள் நிகழ்கின்றது.. அதை விசாரிக்கும் அதிகாரியாக அர்ஜீன்.

கடைசியில் முடிச்சுகள் அவிழ்கின்றன.. கொலையாளி யார் என்று யாராலும் ஊகிக்க முடியாத க்ளைமேக்ஸ்.

வாவ் சூப்பர் கதை.,கண்டிப்பாக யாராலும் எதிர்பார்க்க முடியாத ஒரு முடிச்சு.

திரைகதை சில இடங்களில் சொதப்பினாலும் பல இடங்களில் பாரதிராஜா நம்மை படத்தோடு ஒன்றி போக வைத்து இருப்பதில் ஜெயித்து இருக்கிறார்.

என் இனிய தமிழ் மக்களே என்று தங்க ப்ரேஸ்லேட் வாட்ச் மோதிரம் கூடவே பாரதிராஜா முதல் காட்சியில் காட்சி தருவதை இன்னமும் எத்தனை நாள் தான் தமிழ் சமூகம் பொறுத்து கொண்டு இருக்குமோ தெரியவில்லை.. :)

படத்தின் உண்மையான கதாநாயகன் நானா படேகர் தான். மிகவும் அற்புதமான அலட்டி கொள்ளாத நடிப்பு. அவரின் அலட்சியமான சிரிப்புகள் முக பாவனைகள் கூடவே நிறைவான நடிப்பு.. ம் இந்த படத்தை நானா படேகருக்காவே பல முறை பார்க்கலாம்.

நானா , தமிழில் இன்னும் பல படங்கள் நடிக்க வேண்டும்.

அர்ஜீன் நடிப்பில் பிரகாசிக்க வேலை இல்லை படத்தில் ஆக்சனுக்கும் வழி இல்லை கொடுத்த காரியத்தை செய்து விட்டு போகிறார்.

காஜல் அகர்வால் ரஞ்சிதா கூடவே அந்த நடிகை எல்லாரும் பாத்திரத்தில் கச்சிதம்..

பாடல்கள் இசை ஹிமேஷ் ரேழ்மைய்யா.. பாடல்கள் ஏதோ வந்து போகிறது.,,

ஒளிப்பதிவு - கண்ணன்.. கலக்கல்

விவேக் சில நிமிடங்களே வந்தாலும் காமேடியில் கலக்குகிறார்.. மணிவன்னனும் அதே.

இந்தி படத்தின் பதிப்பு என்பதால் இந்தி வாசனை சற்று தூக்கலாக இருந்தாலும் உறுத்தவில்லை.

குத்து பாட்டு அடிதடி மசாலாக்கள் இல்லாமல் ஒரு நல்ல திரில்லர் பார்க்க வேண்டுமா.. இந்த படம் மினிமம் கியாரண்டி.

பொம்மலாட்டம்- ஆட்டம் இல்லாத நடனம்

விழிப்பது எப்போது?? - 49 ஓ

2008-12-13T19:38:00.004+05:30

தோழி வித்யா அவர்கள் 49’ஓ தொடர்பாக என்னையும் எழுத சொல்லி இருக்காங்க.

என் மனதிலும் அடிக்கடி தோன்றி விட்டு போகும் 49 ஓ தொடர்பாக என்னையும் எழுத சொன்னதற்க்கு நன்றி .

வெளிபடையாக சொன்னால் எனக்கு தற்போது இந்தியாவில் எந்த மாநிலத்திலும் ஓட்டுரிமை கிடையாது.

சென்னை மும்பை தில்லி சிங்கப்பூர் அமெரிக்கா என்று சுற்றி விட்டு தற்போது பெங்களூரில் இளைபாறுகிறேன். சொந்த ஊரிலும் என் பெயர் வாக்காளர் பட்டியலில் இல்லை. என் வாழ்க்கையில் இரு முறை ஓட்டு போட்டு இருக்கிறேன். அதுவும் சொந்த ஊரில் இருந்த போது..

சென்ற முறை கர்நாடாக மாநில சட்டசபை தேர்தலில் போது தான் ஓட்டு போடாம தேர்தல் விடுமுறை போது ஊர் சுற்றி கொண்டு இருந்த போது ஏதோ மண்டையில் உறைச்சது.

வாக்காளர் பட்டியலில் எப்படி என் பெயரை சேர்ப்பது எப்படி.. கன்னடா சரளமாக மாத்தாட கொத்தில்லா..

எல்லா அரசு அலவலங்களிலும் சரள இலக்கண சுத்தமான கன்னடா பேசி கூடவே விண்ணப்பம் எல்லாம் ’ஏணு பரத்திதே’ன்னு புரியாம U turn அடிப்பதே வாடிக்கையாக போச்சு.

யாரோ ஒரு புண்ணியவான் ராகு காலம் எம கண்டம் பார்க்காம ஓபிஸில் வாங்கும் சம்பளத்துக்கு ஓவர் டைம்மாக அட்டாச்மெண்ட் மெயில் படிக்கும் போது தெரிந்து கொண்டது இந்த இயகக்தை பற்றி http://jaagore.com/..

டாடா நிறுவனம் இணையம் வழியாக வாக்காளர் பட்டியலில் நம் பெயரை சேர்க்க தோளோடு தோள் சேர்க்க உதவி செய்கிறது. இதன் வழியாக எனக்கும் வாக்காளர் அட்டையும் கிடைச்சாச்சு :)

இப்ப 49 ஓ தொடர்பாக எனக்கு இப்படி ஒரு மேட்டர் இருக்குன்னு தெரிந்ததே ஞானியின் ஓ பக்கங்கள் வழியாக.

வழக்கமாக தேர்தல் வரும் காலங்களில் ம க இ க போன்ற சுவற்றில் கரியால் கிறுக்கும் புனிதர்களும் + இன்னபிற கூடவே ஞானி போன்ற வேதாந்திகளும் சொல்லும் தேர்தல் புறக்கணிப்பின் மற்றும் ஒரு பிரகாசமான முகம் தான் இந்த 49 ஓ

49 ஓ என்னதான் சொல்கிறது?

எனக்கு எந்த வேட்பாளரையும் பிடிக்கவில்லை எல்லாரும் ப்ராடு எல்லாரும் ஊழல் அதனால நான் ஓட்டு போட விருப்பம் இல்லை என்று சொல்லும் ஒரு அரசாங்க படிவம் தான் 49 ஓ

சரி இப்படி எல்லாரும் 49ஓ எழுதி கொடுத்தா என்ன ஆகும்?

தற்போது இருக்கும் நிலையில் நாட்டில் வசிக்கும் சில பேரை தவிர்த்து பல பேருக்கு இந்த 49ஓ மேட்டரே தெரியாது. தெரிந்த சில பேரும் ஓட்டு போட போவார்களா என்பது சந்தேகமே.

அப்படியே நாட்டில் விழிப்புணர்வு ஏற்பட்டு ஏழை பாட்டாளி சாதி சங்கங்கள் அனைத்து கட்சி தொண்டர்கள் பிரியாணி சாப்பிட்டு வாழ்க ஓழிக கோசம் போடுபவர்கள் என்று சமூகத்தின் அனைத்து முகங்களும் ஒருகிணைத்து 49 ஓ கொடுத்தாலும் இன்றைய சட்டத்தின் படி தேர்தல் ஒத்திவைக்கபட்டு மறு தேர்தல் நடை பெறும். அப்பவும் அதே கட்சி அதே கொள்கை (?) அதே கோட்பாடு அதே வாக்குறுதி அதே இலவசங்கள் எல்லாம் அதே அதே ....

அப்ப 49ஓ வைச்சு என்ன தான் செய்வது?

நமக்கு தேர்தல் ஜனநாயகத்தில் நம்பிக்கை இல்லை. கூடவே தேர்தல் அன்று நாம் வீட்டுல் சும்மா கார்டூன் நெட்வோர்க் பார்த்தாலும் தப்பு.. அதான் ஓட்டு போடுவது போலவும் அதே நேரத்தில் இந்திய அரசின் தேர்தலை புறக்கணிப்பதையும் ஒருங்கே செய்வதே இந்த 49 ஓ

அப்ப யாருக்கு தான் லாபம்?

வேற யாருக்கு இந்தியாவில் எப்பதான் குழப்பம் வரும்.. எப்படி இந்தியாவின் கட்டமைப்பை இந்தியாவின் ஜனநாயகத்தை சீர் குலைக்கலாம் என்று எப்போதும் நூடுல்ஸ் பாம்பு கறி சாப்பிட்டு யோசித்து கொண்டே இருக்கும் சீனா போன்ற சர்வாதிகார கம்யூணிஸ்ட்களுக்கு தான்.

அவங்களுக்கு பிரச்சாரம் செய்வதே இந்த ஞானி போன்ற ஆட்களும் கூடவே மக்கள் கலை இலக்கிய கழகம் போன்ற இயக்கங்களும்.

மக்கள் ஆதரவு இல்லாத மக்களுக்கு நண்மை செய்யாத எந்த வித கொள்கையும் என்ன தான் பிரசாரம் செய்தாலும் எடுபடாது.

உண்மைதான் தற்போதைய இந்திய தேர்தல் ஜனநாயகத்தில் ஊழல் எங்கும் நீக்கமற நிறைந்து இருக்கிறது. வன்முறைகளும் கூடவே மக்களை முட்டாளுக்கும் பேரங்களும் நடந்து கொண்டே தான் இருக்கிறது.

நெற்பயிருக்கு பாயும் நீர் களைகளுக்கும் போக தான் செய்யும். ஆனால் இன்று களைகளே அதிகமாகி நெற் பயிற்களுக்கு ஏதோ கிடைக்கிறது.

வெள்ள நிவார்ண நிதியோ ரோடு போடும் ஒப்பந்தமோ எல்லாவற்றிலும் ஊழல் இருந்தாலும் ஏதோ ஐந்து பத்தோ மக்களுக்கு கிடைக்கிறது.

இந்த 49 ஓ களால் இதை போல தேர்தல் முறை மறைந்து ரழ்யாவின் ஸ்டாலின் போன்ற சர்வாதிகாரிகள் வந்து குருவி சுடுவதை போல பல்லாயிரம் பேரை ஒரே நாளில் படு குழிக்கு அனுப்பி விடுவார்கள்.

அப்புறம் என்ன.. சினா போல தான்.. வெளியில் பெயிண்ட் அடித்து நறுமண வாசனை திரவியம் பூசி உள்ளே அழுக்கையும் குப்பையும் வைத்து இருக்கும் சீனா போலவே நாமும் மாறுவோம்.

பேச்சுரிமை எழுத்திரிமை எல்லாம் பறிக்கபடும். நமக்கு என்ன தேவை என்பதே மறந்து போகும். ஆறாம் அறிவு தேவை இல்லாமல் போய் எல்லாம் விதிக்கபட்டதே என்று நாமும் மாறி விடுவோம்.

இதை போல வலைபூக்களில் 49ஓ தொடர்பாக எழுத கூட முடியாது.

கம்யூணிசமே உலகின் சொர்க்கம்..
சர்வாதிகாரமே மோட்சம் என்று சழ்டி கவசம் பாட வேண்டியது தான் பாக்கி.

ம் அப்ப என்ன தான் முடிவு?

என்ன தான் ஆயிரம் குறைகள் இருந்தாலும் தற்போதைய ஜனநாயக தேர்தல் முறைக்கு மாற்று ஏதுவும் இல்லை.

தவறு நம்மிடம் இருந்து தான் தொடர்கிறது.. தேர்தலிகளில் சாதி மத மொழி மயக்க போதை , தலைவர்கள் மீதான் காதல் என்ற சக்திகள் தான் நம்மை ஓட்டி செல்கிறது நம்மில் எத்தனை பேர் இதை போன்றவற்றை விட்டு உண்மையாகவே மக்களுக்கு நல்லது செய்யும் ஆட்களுக்கு ஓட்டு போடுகிறோம்??

நம்மில் எத்தனை பேருக்கு நமது தொகுதி எம் எல் ஏ பேர் நினைவிற்க்கு வருகிறது அல்லது சென்ற தேர்தலில் ஓட்டு போட்ட வேட்பாளர் பெயர் நினைவிற்க்கு வருகிறது?

சமூகத்தை படி படியாக மாற்றி விடலாம் என்று சிறு சிறு கனவுகளோடு தன் சொந்த சேமிப்புகளை தேர்தலுக்காக செலவழிக்கும் பல சுயேட்ட்சை வேட்பாளர்கள் எனக்கு தெரிந்தே பார்த்து இருக்கிறேன். எம் எஸ் உதய மூர்த்தியும் இதை போல நம்புங்கள் நடக்கும் என்று நல்ல மனிதர்களை வேட்பாளர்களாக நிறுத்தினார்.. நம்புங்கள் ஒருத்தருக்கு கூட டெபாசிட் கிடைக்கவில்லை.

நல்ல வேட்பாளர்களும் களத்தில் தேர்தலில் போட்டி இடுகிறார்கள் ஆனால் நாம் அவர்களை விடுத்து கட்சி சார்பாகவோ அல்லது சாதி மதம் சார்பாகவோ தான் நம் ஓட்டுகளை இடுகிறோம்.

அமெரிக்கா போன்ற நாடுகளில் தேர்தலில் நிற்க்கும் வேட்பாளரை அக்கு வேறு ஆணி வேறாக பிரித்து மீடியாக்களில் முழு ஜாதகமே வந்து விடும். ஆனால் இங்கு ஜெயிக்க போகும் கட்சிகளுக்கு அல்லது தலைவர்களுக்கு ஜால்ரா அடிப்பது தான் நம் மீடியாக்களின் பிழைப்பு. மீடியாக்களும் மாற வேண்டும்.

மீண்டும் ஒரு முறை 49 ஓ என்பது தவறான ஊருக்கு வழிகாட்டும் அழகான அருமையான ஆனால் தவறான வழிகாட்டி.

நம் ஓட்டுரிமையை இதை போல சிதைப்பதை விடுத்து நல்ல வேட்பாளர்களை தேர்ந்து எடுத்து அனுப்புவோம்.. தனி மனிதர்களின் மாற்றமே சமுதாயத்தின் மாற்றம். மாற்றங்களை நம்மிடம் இருந்தே தொடங்குவோம்

டிசம்பர் 6+ பின் தொடரும் வன்முறைகளும்

2008-12-05T20:17:00.006+05:30

என்னை கேட்டா சுதந்திர தினம் குடியரசு தினம் போல டிசம்பர் 6 ம் தேதியையும் தேசிய விடுமுறை நாளாக அறிவித்து விடலாம்

இந்தியாவே ஊரடங்கு முறை அமலுக்கு வந்தது போல ஒரே மயான அமைதி. மெட்டல் டிடெக்கடர் sniffer dogs கூட போலிசாருக்கு extra duty.

யாரு குண்டு வைப்பாங்கன்னு தெரியலை.

எல்லா ரயில்வே ஸ்டேசன் கூடவே விமான நிலையம் பேருந்து நிலையம் என்று எங்கு பார்த்தாலும் போலிஸ் மயம் தான். இந்த களேபாராத்தில் மெட்டல் டிடெக்டர் துணையோடு தண்டவாளத்தை மோப்பம் பிடித்து கொண்டு இருந்த ஆட்களையும் பார்த்தேன் ..

தண்டவாளத்தில் எங்கு மெட்டல் டிடெகடரை நீட்டினாலும் அதுவும் கர்ம சிரத்தையாக ’பையங்ஞ்க்’ என்று சவுண்ட் கொடுக்கும் ..என்னை கொடுமை சார் இது. தேசிய விடுமுறை கொடுக்க முடியவில்லையா..

பேசமாக இந்திய அரசு உலக வரலாற்றில் முதன் முறையாக அறிவிக்கும் பாரத் பந்த்ன்னு சொல்லிடுங்க.. டிரையின் ஓடாது பஸ் ஓடாது கடைகள் அடைகக்படும்.. அனைவருக்கும் விடுமுறை என்று சொல்லி போட்டா சன் டிவியும் பாரத் பந்த் சிறப்பு நிகழ்சிகள் என்று திரைக்கு வந்து சில மாதங்களே ஆன படம் போடுவாங்க..

யாருக்கும் பிரச்சனை இல்லை.. போலிசாருக்கும் பிரச்சனை இல்லை. யாரும் வெளியூரு போக மாட்டாங்க.. என்ன நான் சொல்றது? *****************************************************************************************************************

டிசம்பர் 6ன் பின் வந்த கோர தாண்டவத்தை நானும் ஒரு முறை பார்த்து இருக்கிறேன். பத்து + வருடங்களுக்கு முன்னர் சென்னை - மதுரை பாண்டியன் விரைவு வண்டியில் இஸ்லாமிய தீவிரவாதிகளால் வைக்க பட்ட வெடி குண்டு திருச்சி ரயில்வே நிலையத்தில் வெடித்து இறந்த அப்பாவிகள் பல பேர்.

அன்று மட்டும் தமிழ் நாட்டு ரயில்களில் பல இடங்களில் குண்டு வெடித்தது. அந்த குண்டு வெடிப்புக்கு சாட்சியாக அந்த குண்டு வைக்கபட்ட ரயில் பெட்டிமட்டும் அனாதையாக ப்ல வருடமாக திருச்சி ரயில் நிலையத்தில் ஓரமாக கிடத்தி வைக்கபட்டு இருந்தது.

கல்லுகுழி ஆஞ்சநேயர் கோவிலில் பிராகாரம் சுற்றி வரும் போது அந்த ரயில் பெட்டி நானும் இருக்கிறேன் என்று புலப்படும்.. பார்க்கும் போது மனதுக்குள் ஏதோ புரியாத உணர்வுகள் தோன்றும்...

கடைசியாக கல்லுகுழி ஆஞ்சநேயர் கோவில் சென்ற போது அந்த ரயில் பெட்டியை காணவில்லை.. மீட்டர் கேஜ் பாதைகள் விலக்க பட்டதின் காரணமாகவோ அல்லது அந்த கேஸ் முடிந்த விட்ட காரணமாகவோ தெரியவில்லை..

அந்த குண்டு வெடிப்பின் தீர்ப்பு என்னவாச்சு என்று தெரியவில்லை .. என்ன ஆயுள் தண்டனையாக இருக்கும் அல்லது அந்த குற்றவாளிகளுக்கு எவனோ ஒருவன் மரண தண்டனை கொடுக்க கூடாது என்று வெட்டி பெட்டிசன் போட்டு கொண்டு இருப்பான்..

என் கல்லூரி காலத்தில் கோவை குண்டு வெடிப்பில் பாதிக்கபட்ட ஒரு அப்பாவி என் சக மாணவன். அவன் தந்தை குண்டு வெடிப்பில் கொல்லபட்டார்..

குடும்பத்தை சுமக்க வேண்டிய அவன் எப்போதும் ஏதையோ பறி கொடுத்தது போலவே இருப்பான்.. செம்ஸ்டர்ஸ் ரிசல்ட் வந்த போது யாரோ அரியர்ஸ் வைக்காமல் பாஸான பிறவி காலேஜில் வைத்த சரவெடிக்கே ஓடி ஒளிந்து மிகவும் பயந்து பின் மயக்கம் அடைந்தான்..

அந்த குண்டு வெடிப்பால் அவனுக்கு வெடி சத்தம் என்றாலே மன தளர்ச்சி அடைகிறது.

புண்ணியம் தேடி கொண்டவர்கள் அல் உம்மா & gang இந்த கோவை + இன்ன பிற வெடி குண்டு வெடிப்பில் சம்பந்த பட்ட ஒரு அரசியல்வாதி இன்று விடுதலையாகி மற்றவர்கள் அனைவரும் ஆயுள் தண்டனை என்ற பெயரில் சிறையில் செல்போன் முதல் அனைத்து சகல வசதிகளோடு தண்டனையை அனுபவிக்கின்றனர். கோவை குண்டு வெடிப்பு + இன்ன பிற குண்டு வெடிப்புகளில் பாதிக்கபட்டவர்கள் இன்னமும் பாதிப்பு மாறாமல் தான் இருக்கிறார்கள்.

*****************************************************************************************************************

மும்பையில் இருந்த போது நான் அந்தேரி கிழக்கில் இருந்த வீட்டில் சொந்தகாரர் ஒரு இஸ்லாமியர். அந்தேரி கிழக்கில் நான் இருந்த இடம் சகல செள்பாக்கியங்களும் வாஸ்து சாஸ்து காய்கறி கடை பங்க் கடை எல்லாம் பெற்ற மிகவும் அருமையான இடம்.

என்னிடம் வாடகை பெற்று கொள்ள எப்போதும் அவர் என்னை அந்தேரி மேற்க்கு பேருந்து நிலையத்துதான் வரசொல்வார். ஆனால் அவர் அந்தேரி மேற்க்கில் வசிப்பது வாடகை வீட்டில்.நானும் ஒரு முறை அவரிடம் கேட்டேன்.. ஏன் பாய் இப்படி ஒரு அழகான வீட்டை விட்டு ஏன் வாடகை வீட்டில் இருக்கீங்க.. பதில் கிடைத்தது ..புன்னகை மட்டும் தான்..

நானும் கர்மசிரத்தயாக வாடகை பணத்தை அங்கு கொண்டு கொடுத்து விட்டு வருவேன்.

எனக்கும் பல நாட்களுக்கு பின்னர் தான் உண்மை உறைத்தது. பெரும்பாலான மும்பை இஸ்லாமியர்கள் மும்பை குண்டு வெடிப்புக்கும் கலவரத்துக்கும் பின்னர் தங்கள் பாதுகாப்பு கருதி இஸ்லாமியர் பெரும்பான்மையாக வசிக்கும் இடங்களில் இடமாற்றம் செய்து வசித்து வருகிறார்கள்..

புண்ணியம் தேடி கொண்டவர்கள் பால்தாக்கரே & சன்ஸ் + தாவூத் இப்ராஹிம் இதில் பால் தாக்கரே இன்னமும் மொழி வெறி + மத வெறியை வைத்து நன்றாக அரசியல் செய்கிறார். அவரின் வாரிசுகளும் அப்படியே..

தாவூத் இப்ராஹிம் இன்னமும் மும்பையில் தன் நிழல் அரசாங்கதை தொடர்வதாக நேற்றைய times of india சொல்கிறது. கராச்சியில் ராஜ போக வாழ்க்கை வாழ்கிறான்.. இவனின் பெண் திருமணம் செய்து இருப்பது பிரபல கிரிக்கேட் ஆட்டகார் ஜாவித் மியாண்டடின் மகனை..

ஆனால் இன்னமும் குண்டு வெடிப்பில் தன் பெற்றோரை இழந்தவர்களும் தங்களில் வாழ்க்கையை இழந்தவர்களும் இன்னும் அதை தேடி கொண்டு தான் இருக்கிறார்கள்..

*************************************************************************************************************

ஐந்து வருடங்கள் முன்னர் இந்தியாவின் வட கிழக்கு மாநிலங்களுக்கு என் வேலை நிமித்தமாக சென்று பின் என் அலுவலக தலைமையகமான தில்லி திரும்ப கவுகாத்தி தில்லி ராஜதானி ரயிலில் முன் பதிவு செய்தேன்.

. நான் பயணம் செய்த நாள் ஆகஸ்ட் 15..

கவுகாத்தியில் இருந்து புது தில்லி ரயில்வே ஸ்டேசன் வரை அந்த ரயில் முழுக்க மொத்தமே 5 பேரோடு பயணம் செய்த அந்த தினங்களும் நினைவில் வருகிறது..

புண்ணியம் தேடி கொண்டவர்கள் உல்பா & கோ.. இன்று அஸ்ஸாம் நிலை பல படி முன்னேறி சென்று விட்டது.. தீவிரவாதத்துக்கும் தனி நாடு கோரிக்கைக்கும் அந்த மாநில மக்களே கொடுக்கும் எதிர்ப்பே அந்த உல்பா கோழைகள் அப்பாவி மக்கள் மீது தொடுக்கும் குண்டு வெடிப்புகள்

*********************************************************************************************

ஏன் இந்த தமிழ் விடுதலை புலிகள் கூட எதற்க்கும் குறைந்தவர்கள் இல்லை.. யாழ்பாணத்தில் வசித்த பல இஸ்லாமியர்களை ஒரே நாளில் இடம் பெயர சொன்னார்கள். புலிகளால் இன்று தங்களின் சொத்துகளை + வாழ்க்கையை இழந்த தமிழ் இஸ்லாமியர்கள் பல்லாயிரம்..

இன்று வரை பிரபாகரன் ரொம்ப பாதுகாப்பாதன் இருக்கிறார்(ன்).

***********************************************************************************************************

கழ்மீர் மாநிலத்தில் தற்போது நடை பெறும் தேர்தலில் வாக்கேடுப்பு 67% என சொல்கிறது.. இதை போல அதிக வாக்கு பதிவு அமைதியான தமிழ்நாட்டில் கூட நடை பெறுவதில்லை.. வன்முறையால் அதிகமாக பாதிக்கபட்ட கழ்மீர் மக்களே இன்று ஜனநாயக வழி காந்திய வழி தேடி வருகிறார்கள்..

************************************************************************************************************

என்னை பொருத்தவரை நான் சாதாரண மனிதன்.

ஏன் நானும் நீங்களும் நம்மை சுற்றி இருக்கும் சமுதாயமும் அப்படி தான்.... சற்று யோசித்து பாருங்கள்..

இந்த வன்முறைகளில் நாமோ நம்மை சேர்தவர்கள் யாரோ பலியாகி இருந்தால் நம் குடும்பத்தில் நிலை என்னவாகி இருக்கும்?

குண்டு வைப்பவனும் குண்டு வைக்க தூண்டுபவர்களும் எப்போதுமே பாதுகாப்பாகதான் இருக்கிறார்கள்..

நாம் மட்டும் தான் சாதி மதம் மொழி என்ற வேறுபாட்டில் எப்போதும் சண்டை போட்டு கொண்டே இருக்கிறோம்.

. படித்தவர்கள் இடையே இதை போல வேறுபாடுகள் இருக்காது என்று நான் பல காலம் முன்பு நினைத்தது உண்டு.

னால் இன்று இணையத்தில் எழுத படும் பல எழுத்துகள் வன்முறை படித்தவர்களால் படிக்காத அப்பாவிகள் மேல் திணிக்கபடுகிறது என்றே நினைக்க தோன்றுகிறது.

ஆமாம் எனக்கு சத்தியமாக புரியலை... இப்படி கேனதனமாக வன்முறைகளை விடுதலை போராட்டம் மக்களின் சுயநிர்ணய போராட்டம் என்று சொகுசாக எழுதுகீறீர்களே.. என்னக்காவது அந்த பாதிக்கபட்ட ஊருக்கு போய் பார்க்க வேண்டியது தானே..

சரி விடுங்க உங்களுக்கு உங்க பிழைப்பு,,,

இனி வரும் டிசம்பர் 6 ம் தேடி வன்முறையை நாம் வெறுப்போம் , எழ்த்தில் கூட வன்முறையை கலைவோம் என்று உறுதி மொழி எடுக்கும் நாளாக இருக்கட்டும்.

ஜாதி மதங்களைப் பாரோம் -
உயர் ஜன்மம்இத் தேசத்தில் எய்தின ராயின்
வேதிய ராயினும் ஒன்றே -
அன்றி வேறு குலத்தின ராயினும் ஒன்றே

மும்பை - தீவிரவாதம் - இந்தியர்கள்

2008-11-27T21:17:00.006+05:30

ம் எல்லாம் முடிந்து விட்டது.
என் இந்தியா என்ற தேசம் மிகவும் அருமையான நாடு

எல்லாரும் ஓர் குலம்
எல்லாரும் ஓர் இனம்
நாம் எல்லாரும் இந்திய மக்கள்

என்று பள்ளிகூட பிரார்த்தனைகளில் பாடிய பாடல்கள் மனதில் தோன்றி உடன் மறைந்து சென்றது.

இந்தியாவில் அனைத்து புறங்களிலும் நான் பயணம் செய்து உள்ளேன்.. பல மொழி பல கலாச்சாரம் வித விதமான உடை பல விதமான உணவு..

இத்தனை பெரிய நாடு மிகப்பெரிய கலாச்சாரம் பல மதங்கள் சாதிகள் என்று இந்தியா பிளவு படும் போது கூடவே பள்ளிகூடத்தில் சொல்லி கொடுத்த வேற்றுமையிலும் ஒற்றுமை காணமால் போகிறது

வெளிபடையாகவே பேசலாம்..
இந்தியாவிற்க்கு இதை போல குண்டு வெடிப்புகள் சர்வ சாதாரணம் ஆனது பாபர் மசூதி இடிப்பு முதல் தான்.

மக்களுக்கு நல்லது செய்வோம் நாட்டுக்கு நல்லது செய்வோம் என்று அரசியல் செய்தவர்கள் அன்று முதல் மத பிரிவினை காட்ட ஆரமித்தது அதன் முதல் தான்.

அதற்க்கு முன்னர் இதை போல குண்டு வெடிப்புகள் அப்பாவி மக்கள் பாதிப்புகள் கேட்டு இருப்போமா? இப்படி கோடுரங்களை பார்த்து இருப்போமா?

பாக்கிஸ்தான் என்பது இன்று தனி தேசம்..

இன்று இந்தியாவில் இருக்கும் இஸ்லாமியர்கள் அனைவரும் நம்மோடு நம்மாக கலந்து மகிழ்ச்சி துண்பம் துக்கம் சந்தோசம் என அனுபவிக்க நினைக்கும் நம்மை போல சாதாரண மனிதர்கள் தான்.

இந்த குண்டு தீவிரவாத தாக்குதல்களுக்கு பின் உடனே இஸ்லாமியரை கை காட்டும் மனிதர்களே மாலேகான் குண்டு வெடிப்பின் பின் எங்கு போனீர்?

தீவிரவாதம் அடுத்த மனித உயிர்களை குடிக்கும் வெறி சாதி மத இன பேதம் அற்றது.

சாதி மதங்களை இங்கு தயவு செய்து விட்டு விடவும்..இங்கு இழப்பது மனித உயிர்கள்.இதற்க்கு இந்து முஸ்லீம் கிருஸ்துவ பேதம் கிடையாது..

கொஞ்சம் யோசித்து பார்த்தால் இதை போல தாக்குதல்கள் மதம் சாதி இனம் மொழி என்ற குறுகிய சிந்தனையில் வாழும் சில கேடு கெட்ட மனிதர்களால் வளர்க்கபடுகின்றன.

இன்றைய மும்பை தாக்குதல் நடை பெறும் போது பால் தாக்கரே + sons எங்கு இருந்தனர்? எங்கு ஓடி போனார்கள்? ராஜ் தாக்கரே தனது தொண்டர்களை வைத்து இந்த தீவிரவாதிகளிடம் இருந்து அப்பாவி மக்களை காபாற்ற முடியவில்லையா? எங்கே போனது அந்த வீரம்?

இதை வரை அப்பாவி மக்களை பகடை காயாக்கி விளையாண்ட போது இருந்து வீரம் இன்று ஏன் காணமால் போனது?

ஏன் நம் கண் முன்னே கூட இதை போல மொழி உணர்ச்சியை தூண்டி அப்பாவி மக்கள் வாழ்க்கையை துண்டாடாக்கிய வரலாறு கண் முண்ணே நடக்கிறது....

பிரபாகரன் என்ற பங்கரில் ஒளிந்து இருந்து அப்பாவி மக்களை பலி கொடுக்கும் ஆளுக்கும் ராஜ் தாக்கரேக்கும் எனக்கு பெரிதாக வேறுபாடு தெரியவில்லை...ஏன் இதை போல தீவிரவாதிகளுக்கும் அவர்களுக்கும் வேறுபாடு ஏதும் இல்லை...

வன்முறை என்பது இரு முனையும் கூரான கத்தி..

நமக்கு பிடித்த கருத்துகளாக்க வன்முறை செய்பவன் ஹீரோ என்பதும் நமக்கு பிடிக்காத கருத்துகளை கொண்டு இருப்பவனை துரோகி என்று சொல்வது அயோக்கியதனம்...அதுவும் அப்பாவிகளை பலி கொடுப்பது மிக மிக மோசமான செயல்..

வருங்கால இந்தியா அமைதி பூக்காவாக மாற சில கருத்துகள்

மொழி சாதி மதம் போன்றவற்க்கு மிகவும் மரியாதை கொடுத்து பால் ஊட்டி சீராக்கும் அமைப்புகள் அனைத்தும் தடை செய்யபட வேண்டும். முடிந்தால் இதை ஆதரித்து சுயலாபம் அடையும் கொள்கை வேந்தர்களை கடுமையாக தண்டிக்க வேண்டும்

சாதாரண கவுன்சிலர் தேர்தல் நடத்தும் போது சாதி மதம் பார்த்து வேட்பாளரை நிறுத்தும் கட்சிகள் இருக்கும் வரை இதை போல சம்பவங்களும் அதை பார்த்தும் கேட்டும் நமது சில நாள் தூக்கமும் பல பேரின் வாழ்க்கையும் கெட போவது நடந்து கொண்டே தான் இருக்க போகிறது..

திருடனாக பார்த்து திருந்தாவிட்டால் திருட்டை ஒழிக்க முடியாது..

நாம் அடுத்தவரை கை காட்டும் முன் நாம் உண்மையாகவே சரியாக நடக்கிறோமோ என்று நம்மை நாமே கேட்டு கொள்ள வேண்டும்..

இறுதியாக....

தீவிரவாதிகளின் தாக்குதலில் தன் உயிரை இழந்த இந்திய வீரர்களுக்கு என் வீர வணக்கம்

ஹேமந்த் கார்கரே, அசோக் காம்டே போன்ற நாட்டுக்காக உயிர் நீத்தவர்களுக்கு என் வீர வணக்கங்கள். இந்த நிமிடம் கூட தன் உயிரை பொருட்படுத்தாமல் அப்பாவிகளை காப்பாற்ற பொறுமையாக தாக்குதல் நடத்தும் இந்திய தேசத்தின் ரானுவ வீரர்களுக்கும் போலிசாருக்கும் என் நன்றிகள்...

இனியாவது சாதி மத சண்டையை விடுத்து இந்தியர்கள் என்ற ஒரே நினைப்பில் இந்த தீவிரவாத தாக்குதல்களை முறியடிப்போம்....

நாம் வாழும் இந்த நாடு நமக்கு மட்டும் சொந்தம் இல்லை, இனி நம்மை தொடர்ந்து வரும் தலைமுறைக்கும் சொந்தம்.

இதை உணர்ந்து நம் நாட்டை பாதுக்காப்போம்.. நம் மக்களை பாதுகாப்போம்..

இதை நாம் இன்றைய தினத்தில் செய்ய மறந்தால் வரலாறு நம்மை கண்டிப்பாக மன்னிக்காது..

இந்தியர் என்பதில் பெருமை கொள்வோம்...இந்தியர்களாக வாழ்வோம் மடிவோம்...

ஆனந்த தாண்டவம் - பாடல்கள் எப்படி??

2008-11-17T21:03:00.004+05:30

ஆனந்த தாண்டவம் மறைந்த எழுத்தாளர் சுஜாதாவின் “பிரிவோம் சந்திப்போம்” தொடரை தழுவி வரும் படம். நண்பன் அறையில் இருந்து புக்கை சுட்டு கொண்டு வந்து பல இரவுகள் விடாமல் படித்த புத்தகம்..

சேவல் படத்திற்க்கு பின் ஜி.வி.பிரகாஷ் குமாரின் அடுத்த படம்.
இந்த முறை படத்தின் பாடல்களை வைரமுத்து பாடல்களை எழுதி இருக்கிறார்.

பட்டாம்பூச்சி

புல்லாங்குழலும் கீபோர்டும் கலந்து கட்டி அழகாக பாடல் தொடங்குகிறது. சாக்சபோன் தபலா என்ற பாடலின் ஒலி சேர்க்கை அருமையாக இருக்கிறது. பாடலில் மேற்கு இசையும் கூடவே இந்துஸ்தானி இசையும் அருமையாக கலந்து ஒலிக்கிறது. வைரமுத்து பாடல் வரிகள் மேலும் பாடலுக்கு அழகு,/

கல்லில் ஆடும் தீவே.

புல்லாங்குழலின் இசையோடு தொடங்குகிறது. மெலடி பாடல் என்று எதிர்பார்த்தால் பீட் ஏறி கொண்டே போகிறது. அமெரிக்க பிண்ணணியில் வரும் பாடல் போல...கிடார், டிரம்ஸ் நல்ல நேர்க்கை.. வைரமுத்து வின் பாடல் வரிகள் அருமை. “ நான் என்றால் தனிமை நீ என்றால் வெறுமை நாம் இருவரும் சேர்ந்தால் இனிமை.”. இன்னும் பல முறை கேட்டால் தான் பாடலின் முழுவதும் புரியும் ..!!

பூவினை திறந்து கொண்டு

எலக்டிக் கிடார் வயலின் இசையோடு மிக அழகாக தொடங்கும் மெலடி...மிகவும் அழகான மென்மையான பாடல்.. மெலடிக்கான இசையில் இரைச்சல் சற்று அதிகமாக இருக்கிறதோ..ஸ்ரேயா கோஷல் , சீனிவாஸ் இருவரின் குரலில் மீண்டும் மீண்டும் கேட்க தூண்டுகிறது

மேகம் போல

சங்கர் மகாதேவனின் குரலில் சோகமான பாடல். புல்லாங்குழல், கிடார், டிரம்ஸை வைத்து அழகாக பிரகாழ் விளையாடி இருக்கிறார். வைரமுத்துவின் பாடல் வரிகளும் அருமை. சங்கர் மகாதேவன் வரிகளை சிதைக்காமல் நன்றாக பாடி இருக்கிறார் அவருக்கே உரித்தான ஹை பிச்சில்

கணா காண்கிறேன்

பாடல் ஆரம்பத்தில் எங்கேயோ கேட்டது போல தோன்றியது. இவரின் மாமா ரஹ்மான் இசை அமைட்த்த ஸ்டார் படத்தில் இருந்து அப்படியே ட்யூனை உருவி இருக்கிறார்.

“தோம் கருவில் இருந்தோம்
கவலையின்றி கண்மூடி கிடந்தோம்”

பாடல் வேறு விதத்தில் வேறு பிண்ணியில் மீண்டும் உருவாகி இருக்கிறது. இருந்தாலும் பாடல கேட்க்க நன்றாக தான் இருக்கிறது,

ஜீ.வி.பிரகாஷ்குமார் வெயில் படத்திற்க்கு பின் இதுவரை வந்த படங்கள் கை கொடுக்கவில்லை. ஆனந்த தாண்டம் பட்த்தின் பாடல்கள் வித்யாசமாகவே இருக்கிறது. மீண்டும் கேட்க்க கேட்க்க நன்றாக இருக்கிறது. ம் படத்தில் எப்படி எடுத்து இருக்கிறார்கள் என்று பார்ப்போம்...

வாரணம் ஆயிரம் - விமர்சனம்

2008-11-15T01:33:00.004+05:30

வாரணம் ஆயிரம் = ஆட்டோகிராப் + தவமாய் தவமிருந்து + அழகி

ஆனால் தமிழில் இது வரை இப்படி எந்த படத்திலும் வாரணம் ஆயிரத்தில் சொன்னது போல முழுமையான திரைகதை சொல்லி இருக்கிறார்களா??

அதுவும் ஒரு குடும்பத்தின் இரு தலைமுறையின் கதைகளை எந்த வித நெருடலும் இல்லாமல் ??

வாரணம் ஆயிரம் -- தமிழில் இது வரை இப்படி ஒரு கதை திரைகதையோடு முழுமையான படம் வந்து இருக்குமா?

ஆயிரம் யானைகள் பலத்தோடு சூர்யா ...............

’நேருக்கு நேரி’ல் பார்த்த சூர்யாவா பிதாமகனில் இப்படி கலக்கினார் என்று இதுவரை சொன்னோம்??!!

இனி பிதாமகனில் நடிப்பில் ஒரு படியை தாண்டிய சூர்யா போல்வால்ட் ஜம்பில் பல சிகரங்களை தாண்டி இருக்கிறார்..

சூர்யா சான்ஸே இல்லை... 15 வயது முதல் 30 வயதை தொடும் ஒரு பாத்திரம்.. 20 முதல் 60 தொடும் அடுத்த கதாபாத்திரம்.. எவ்வளவு கனசக்சிதமாக செய்து இருக்கிறார்.. அதுவும் முதல் பாதியில் காதல் காட்சிகளில் வாவ் சும்மா கலக்கி இருக்கிறார்...

காட்சிக்கு காட்சி எத்தனை வித்யாசம்..எத்தனை வித வித மான உறுத்தாத அதே நகைசுவை கலந்த இதமான நடிப்பு..

எத்தனை விதமான நடிப்பு வித்யாசங்கள்....

கூடவே தன் உடலை காட்சிக்கு ஏற்றவாறு எப்படி எல்லாம் மாற்றி இருக்கிறார்.. அதுவும் தன் வயதை பாதியாக குறைத்து 15 வயது டீன் ஏஜ் மாணவனாக சூர்யா ...இது வரை தமிழ் சினிமாவில் யாரும் செய்யாத முயர்ச்சி.. வெகு அழகாக எந்த வித உறுத்தலும் இல்லாமல் அப்படியே ஸ்கூல் போகும் பையன் போல இருக்கீங்க..

ஜோதிகா மேடம் சாருக்கு இன்னும் 108 நாளைக்கு தினமும் திருஷ்டி சுத்தி போடுங்க....

இது வரை தமிழ் சினிமாவில் சொல்லபடாத கதை...ஒரு குடும்பத்தின் இரு தலைமுறையை எந்த வித ஜோடிப்பும் இல்லாமல் அழகான திரைகதையில் சொல்லி இருக்கிறார்கள்.

அதுவும் முதல் பாதி ஜெட் வேகம் கூடவே வெகு அழகான காதல் கதை.... அழகான சமீரா ரெட்டி.. அழகான அமெரிக்கா....கூடவே அழகான அருமையான பாடல்கள். ரத்தினவேலின் ஒளிப்பதிவு..மிக மிக அருமை.. எடிட்டர் ஆண்டணியும் மிகவும் கடின உழைப்பு உழைத்து இருக்கிறார்.

ஹாரீஸ் சார் அது என்ன கெளதம் படத்துக்கு மட்டும் சூப்பர் ஹிட் பாட்டுகளாக போட்டு கொடுக்கிறீங்க.. பாடல்கள் கேட்க்க மட்டும் அல்ல பார்க்கவும் மிக நிறைவு.

தாமரை + ஹாரீஸ் + கெளதம் கூட்டணியில் இன்னும் ஓர் மகுடம்..

சிம்ரன், ரம்யா @ திவ்யா என எல்லாரும் மிக அருமையாக நடித்து இருக்கிறார்கள். இவர்களில் ஸ்கோர் செய்வது சமீரா ரெட்டிதான்..

கெளதம் சார் நீங்க என்னை போல திருச்சி மூகாம்பிகை பொறியியல் கல்லூரி முன்னாள் மாணவர்..நம்ம பசங்களை போல நீங்களும் நம்ம காலேஜை இன்னமும் மறக்கவில்லை.. ரொம்ப நன்றி சார்..

தில்லியில் வரும் காட்சிகளில் விஜய்காந்த் படங்களில் வருவது போல இந்தி ஆட்களிடம் தமிழில் பேசும் அபத்தம் இல்லை மாறாக மொழி தெரியாமல் இருந்தாலும் காட்சிகளை நெருடல் இல்லாமல் ரசிக்க வைத்து இருக்கிறார்கள்..

கூடவே கதை நகரும் எல்லா இடங்களிலும் நாம் படத்தை மட்டும் ரசிக்கிறோம்..

தல அஜித் இந்த படத்தை பார்த்து விட்டு ஏண்டா கெளதம் மேனன் படத்தை மிஸ் செய்தோம் என்று நொந்து போய் இருப்பார்..

வாரணம் ஆயிரம் உண்மையான ஆயிரம் யானைகள் பலத்தோடு...

நடந்ததும் தொடர்ந்து நடப்பதும்

2008-11-13T20:19:00.007+05:30

நேற்று சன் தொலைகாட்சி பின் இன்ன காட்சிகள் பார்த்த அடி தடி சாதி சண்டைகள் பலருக்கு புதிதாக இருக்கலாம். எனக்கு ஏனோ எற்கனவே பார்த்தவைகளை மீண்டும் ஒரு முறை பார்த்தது போலதான் இருந்தது.

இந்த சண்டைகள் தற்போது தமிழ்நாட்டின் தலைநகரத்தில் கூடவே காமேராக்கள் முன்னால் நடந்தால் நாமும் நிறைய பேசுகிறோம்.. இன்னும் சில தினங்கள் போனால் மறந்து விட்டு அடுத்த வேலை பார்க்க சென்று விடுவோம்.

இதை போல மாணவர்களுக்குள் கேவலமான சாதி பிரிவினைகள் சாதி சண்டைகள் தமிழ்நாட்டில் இருக்கும் பெரும்பாலான அரசு கல்லூரிகளில் இருக்கிறது தொடர்ந்து வளர்க்கபடுகிறது....

******************************************************************

அப்போது எனக்கு 15 வயது , பத்தாம் வகுப்பு முடித்து திருச்சி அரசு பாலிடெக்னிக்கில் முதலாம் ஆண்டு படிக்கிறேன். அங்கும் இதே போல ஒரு சாதி சண்டை.. சாதி சண்டைக்கு காரணம் மாணவர்களை தூண்டி விட்டு பின்னால் தங்களின் சுயநலங்களை பகடை காயாக செயல்பட்ட இரு பேராசிரியர்கள்.

இரு பேராசிரியர்கள் கல்லூரியில் எப்படி கமிசன் அடிக்கலாம் எப்படி நான் உன்னை ஜெயிக்கிறேன் என்ற கோதாவில் மாணவர்களை தூண்டி விட்டு கடைசியில் ஒரு கெட்ட நாளில் அரிவாள் கொண்டு சண்டை போட்டு பின் தங்களின் வாழ்க்கையை வீணாக்கி கொண்டார்கள்.

அரசு கல்லூரியில் அதுவும் பொறியியல் தொடர்பான கல்லூரிகளில் அங்கு வேலை பார்பவர்கள் சம்பாதிக்க வாய்ப்புகள் அதிகம்.

என் வாழ்க்கையில் கதிர் அறுக்கும் அரிவாள்கள் கூட ஆட்களை வெட்ட பயன்படும் என் நேரடியாக பார்த்த பருவம் அது. பல நாட்க்கள் கல்லூரி காலம் குறிப்பிடபடாமல் மூடிய நேரம். கல்லூரி மூடினால் கூடவே ஹாஸ்டலையும் மூடி விடுவார்கள்,,, எனக்கு அன்று வாழ்க்கையில் கிடைத்த மூன்று வேளை சாப்படுகள் சொல்லி கொள்ளாமல் நிறுத்தபடும்.

நான் அங்கு படித்த மூன்று வருடங்களும் இதே கதை தான்.. சண்டை போட புது புது மாணவர்கள் அடிபடவும் புது புது ஆட்கள்.. ஆனால் பலன் அடைந்தது என்னவோ அதே இருவர் மட்டும் தான்..

பொதுவாக அரசு கல்லூரிகளில் படிக்க வருபவர்கள் ஏழை மாணவர்களாக தான் இருப்பார்கள். நானும் கூட அப்போது அப்படி தான். என் கூட படித்தவர்கள் 99% அப்படிதான். முக்கா பேண்ட் என்று காதில் அடிக்கடி வார்த்தைகள் வந்து சேரும்.. ஏன் என்னோடு அன்று படித்த பல பேர் அன்று முக்கா பேண்ட் தான்....

அன்று என்னோடு படித்த பல பேர் மிகவும் பின் தங்கிய பெரம்பலூர் மாவட்டத்தில் இருந்து வந்தவர்கள்

அப்பா அம்மா தன் பையனாவது முன்னேறட்டும் என்று கழ்டபட்டு அனுப்பிய காசில் தூண்டிவிட பட்டு சாதி சண்டை போட்டு கொண்டு இருந்தார்கள்.

இந்த நிலை நான் படித்த இடத்தில் மட்டும் அல்ல சற்று அருகில் இருந்த திருச்சி கைலாசபுரம் அரசினர் கல்லூரி, திருச்சி ஈ வே ரா கல்லூரி, திருச்சி லா கல்லூரி என அரசால் நடத்தபடும் அனைத்து கல்லூரிகளும் இதே நிலை தான்..

பொதுமக்களுக்கோ வேறு ஒரு பிரச்சனை.. இந்த கல்லூரிகள் இருக்கும் இடங்களுக்கு செல்லும் பேருந்துகள் அனைத்தும் மாணவர்களால் பொது மக்களுக்கு எவ்வளவு பாதிப்பு தர முடியுமோ அத்துணையும் தரபடும்.

பொது மக்களை பொருத்தவரை இந்த கல்லூரிகளில் நடக்கும் பிரச்சனைகள் அனைத்தும் வழக்க்கம் போல ஒன்று தான்.

சென்னையில் கூட அரசு கல்லூரி மாணவர்கள் தினமும் பேருந்துகளில் பொதுமக்களுக்கு கொடுக்கும் தொல்லைகள் பல பல.. நந்தனம் அரசு கல்லூரி ஒன்று போதுமே !!

ஏன் தனியார் கல்லூரி மாணவர்கள் இதை போல நடப்பதில்லை??

காரணம் ரொம்ப சிம்பிள்.. படிக்கும் மாணவர்கள் இடத்தில் சாதிகள் அரசியல் கட்சிகள் கிட்ட வரவே கூடாது..அரசியல் கட்சிகளும் சாதி கட்சிகளும் மாணவர்களை தூண்டி விட்டு குளிர் காய்வது தமிழ் நாட்டில் அனைத்து அரசு கல்லூரிகளும் நடக்கிறது.

இது உங்களுக்கும் தெரிந்து இருக்கலாம்..

இதை தடுக்க உங்களுக்கும் ஏன் எனக்கும் தடுக்க வழி முறைகள் தெரியும்.. ஆனால் எதுவும் நடக்க போவதில்லை.. காரணம் ..

இணையத்தில் மித்த படித்தவர்களே மித்த அறிவாளிகளே சாதி சண்டை பார்பானியம் பித்தளையம் என்று வெட்டி சாதி சண்டைகள் செய்யும் போது 20 வயதை கூட கடக்காத இன்னமும் உண்மையான சமூகத்தை பார்க்காத அந்த மாணவர்கள் என்ன தான் செய்ய முடியும்??

மழை வருது குடை கொண்டுவா :)

2008-11-10T11:33:00.001+05:30

சற்று ஒய்வு எடுத்து இருந்த வட கிழக்கு பருவமழை மீண்டும் களத்திற்க்கு வருகிறது,

இன்றையை சாட்டிலைட்படம்

தமிழக கடற்கரை அருகில் மேககூட்டங்கள் அணி வகுத்து இருப்பதை காணலாம்.

இன்னும் அடுத்த ஒருவாரத்துக்கு தமிழ்நாடு முழுவதும் மழையோடு வாழ வாழ்த்துக்கள்.

மழை கால இரவுகள்

2008-11-10T10:39:00.000+05:30

காற்றும் கூடவே மழையின் சலசலப்பும்
தூரத்தில் வரும் வாகன ஒளி பிம்பத்தில் சிதறும் ஒளி

எங்கு செல்கிறோம் என்று தெரியாத
தெருவோர நாய்களின் அவசர ஓட்டங்கள்

தூக்கம் தொலைந்த வேதனையில் நடைமேடை வாசிகள்
சாலை குழிகளில் ஓடி களைத்த ஆட்டோக்கள்

மீந்துபோன இட்லியோடு ரோட்டுகடைகள்
குல்பிஐஸ் வியாபாரம் இல்லாமல் அவர்களும்

இது ஏதும் தெரியாமல் மின்சாரம் இல்லை என் புலம்பும் நானும்

மொழி அரசியல்

2008-11-09T19:48:00.001+05:30

இன்று zee movies சானலில் 1001 முறையாக Gadar: Ek Prem Katha படம் ஒளிபரப்பினார்கள். ஏற்கனவே பல முறை பார்த்த படம் தான்..

சன் டிவி கே டிவி கலைஞர் டிவிகளில் மொக்கை படங்கள் போட்டு பார்வையாளர்களை பரவச 'படுத்தியதால்’ இந்தி சானல்களில் மேய்ந்தேன்.

சன் டிவிகாரங்களே உங்களுக்கும் விஜயகாந்துக்கும் இப்ப ரொம்பவே ராசி போல.. அதுக்காக படு மொக்கை படங்களை போட்டு torture பண்ணாதீங்க முடியலை..

2001 ம் ஆண்டு வெளி வந்த Gadar படம் இன்று வரை இந்தியில் வெளிவந்த படங்களில் வசூல் சாதனையில் சாதனை படைத்த படம்.

1947 பிரிவினையின் போது ஏற்படும் ஒரு காதல் கதை. படத்தின் ஹீரோ சன்னி தியோல் நம்ம விஜய்காந்த போல எல்லாரையும் அடுத்து துவைத்து கடைசியில் இவர் மட்டும் பிழைக்கும் ரகம் :)

பல இந்தி படங்களில் இந்தியா பாக்கிஸ்தான் என்ற இரு நாடுகளும் கதையில் இருந்தால் உடனே நம் நாடு ‘இந்துஸ்தான்’ என்றும் கூடவே பாக்கிஸ்தான் படு மோசமான நாடு என்றும் திரைக்கதை இருக்கும். இந்த படமும் இதற்க்கு விதிவிலக்கில்லை...

இந்தியா என்பது செகுலர் நாடு, இந்தியாவில் பாக்கிஸ்தானில் வாழ்ந்து வரும் இஸ்லாமியர்களை விட இந்தியாவில் தான் அவர்கள் எண்ணிக்கை அதிகம் .

பின் ஏன் இந்துஸ்தான் என்று சொல்கிறார்களோ தெரியவில்லை..??

*****************************************************************************************

ஒரு முறை உத்திர பிரதேசத்தில் லக்னோவில் புறநகர் பகுதியில் சில நாள் தங்க நேரிட்டது.

இரவு பத்து மணி இருக்கும்.. அது குளிர்காலம்..

ரோட்டோரத்தில் இருக்கும் ஒரு பெட்டி சூடாக டீ கேட்டேன்.. எனக்கு தெரிந்த இந்தியில்..
என்னை விட வயதில் சிறியவனாக இருந்த பொட்டி கடை வியாபாரியிடம் இருந்து வந்த பதில் ” இந்துஸ்தானில் பிறந்தவனாக இருந்தால் முதலில் இந்தி ஒழுங்காக பேச கற்று கொள்”

அவனிடன் என்ன சொல்வது ?? என்ன வாக்குவாதம் செய்வது?? அந்த சிறுவனின் கனவான இந்துஸ்தான் எனபது வெறும் இந்துக்கள் மட்டும் வாழும் நாடு அங்கு அனைவரும் இந்தி தான் பேசுவார்கள்”..

அவன் எல்லை என்னவாக இருக்கும்??
லக்னோ ஒரு பெரிய கிராமம்.
லக்னோவை விட்டு தன் வாழ்நாளில் எங்குமே சென்று இருக்க மாட்டான்.

அவனை போல அறியாமையில் இருப்பவனிடம் புரியவைப்பதற்க்கு பதிலாக சர்க்கஸ் சிங்களிடம் நம் தலையை கொடுக்கலாம்..

அந்த கடையில் கிடைத்த டீ போல இது வரை நான் வேறு எங்கும் ருசித்ததில்லை :) . நல்ல திறமையை வைத்து கொண்டு கூடவே மொழி என்ற சிறிய வட்டத்தில் தூங்கி கொண்டு இருக்கிறான் என்றே தோன்றியது.

இங்கு இந்தி அரக்கி ஒழிக என்று சொல்பவர்க்கும் அந்த சிறுவனுக்கு வித்யாசம் எனக்கு ஏதும் தெரியவில்லை

*******************************************************************************************

இதை போல மொழி அரசியல்கள் தோன்றும் ஒரு சிறு வட்டத்தில் மட்டுமே நாமும் இருந்தால் ஜலதோழம் போல தொற்றி கொண்டு விடும்.

அடுத்த மொழி பேசுபவர்கள் நம் எதிரியாக தெரியலாம், ரத்த கொதிப்பு எல்லாம் இலவசமாக கிடைக்கும்.
சிகிச்சை ஏதும் இல்லை..
வெகு நாள் ரணமாகி அடுத்துவர் மனத்தையும் காயபடுத்தி கடைசியில் வெறுப்புணர்ச்சியை மட்டும் பயிர் செய்த வெற்றியோடு மூர்ச்சை ஆகலாம்

**********************************************************************************

எல்லா இடங்களில் வெறுப்புணர்ச்சி கொண்டவர்களும் + சுய தன்னபிக்கை கொண்டர்வர்களும் இருக்கிறார்கள்..

வெறுப்புணர்சிகள் தனி மனிதனை கோள் மூட்டுவதில் இருந்து தொடங்கி சாதி மொழி இனம் மதம் என குறுகிய சிந்தனைகளை பேசி மனதின் வலிமையை குறைப்பதே குறிக்கோளாக வைத்தே அமைகிறது.

இதை போல பேசுபவர்களிடம் இருந்து ஒதுங்கி நின்றால் வாழ்க்கையில் அனைத்து பாக்கியங்களும் கிடைக்கும் என யாகவா முனிவர் ஆவி சொல்கிறது.

*************************************************************************************

தேனூர் சிவாஜி

2008-11-08T21:48:00.000+05:30

12.11.08 மற்றவை

படித்தது இன்ஜினீயரிங். பார்த்தது அமெரிக்காவில் உள்ள டெட்ராய்ட்டில் சாஃப்ட்வேர் இன்ஜினீயர் வேலை. சம்பளம் மூன்று வருடத்திற்கு முன் மாதம் நான்கு லட்சம்...

பேங்கில் பேலன்ஸ் கோடிகளை நெருங்கும்போது மனதில் சின்ன குறுகுறுப்பு. பட்டென வேலையை விட்டார். திருச்சிக்குத் திரும்பினார் செந்தில்குமார்.

`உனக்கென்ன பைத்தியமா பிடிச்சிட்டு!' என்று உறவுக்காரர்கள் முதல், நண்பர்கள் வரை பலரும் ஆலோசனைகளையும், ஆற்றாமையையும் அள்ளிக்கொட்ட, எதையும் காதில் வாங்கிக்கொள்ளாமல் கிராமம் கிராமமாக சைக்கிளில் அலைந்திருக்கிறார் செந்தில்குமார். இறுதியாக தேனூரில் தன் வாழ்க்கையை செட்டிலாக்க முடிவு செய்தார்.

விவசாயம், வேலை, சாலை என சகலத்திலும் பின்தங்கிய ஒரு குக்கிராமத்தில் சாஃப்ட்வேர் இன்ஜினீயர் ஒருவர் செட்டிலாகி சாதிக்க என்ன இருக்கும்?

முதல்கட்டமாக சின்னதாக ஒரு மருத்துவமனை, ஒரு கம்ப்யூட்டர் சென்டர். சிறுவர் சிறுமிகளுக்கு ஒரு மரத்தடி பாடசாலை என தன் கைக்காசை செலவழித்து காரியங்களில் இவர் இறங்க, இன்று ஒட்டுமொத்த கிராமமும் செந்தில்குமாரை `எங்க ஊர் சிவாஜி!' என்கின்றனர்.

பிறந்தது திருச்சி அருகே உள்ள திண்ணனூர் கிராமம் என்றாலும், தேனூரை தேர்ந்தெடுத்து அந்த கிராமத்தை மேம்படுத்த தன் சேமிப்பில் இருந்து இதுவரை நாற்பது லட்ச ரூபாயை செலவழித்திருக்கும் இந்த லட்சிய மனிதரை நேரில் சந்தித்தோம்.

வேஷ்டி-சட்டை. அதுவும் மலிவாக. கஞ்சிபோட்டு விறைப்பாக இல்லாமல் குழைவாக... கேரியர் வைத்த சைக்கிள். ஹாண்டில் பாரில் சாப்பாட்டுத் தூக்குப் பாத்திரம். கேரியரில் மஞ்சள் பையில் லேப்டாப். ஒட்ட வெட்டிய முடி. ஒழுங்கு படுத்தாத மீசை, தாடி என தானும் ஒரு கிராமத்து மனிதராகவே மாறியிருந்தார் செந்தில்குமார்.

``நான் மாறவில்லை. எப்பொழுதுமே இப்படித்தான்'' என்றவர் தன்னைப்பற்றிச் சொல்லத் துவங்கினார்.

``அப்பா கோபாலன். சர்க்கரை ஆலையில் வேலை பார்த்தவர். அம்மா லீலா. அண்ணன் டாக்டர், இலண்டனில். அக்கா திருமணமாகி சென்னையில். நான் கிராமங்களுக்கு சேவை செய்யப்போறேன்னு தேனூருக்கு வந்திட்டேன்.

2005 ஜனவரி 24-ல் வேலையை ஆரம்பிச்சேன். இன்னைக்கு நாலு வருஷம் ஆகப் போகுது. பாதி நிறைவேறி இருக்கு!

கிராமங்களில் அடிப்படையான மருத்துவ வசதி இல்லாமல் எத்தனையோ பேர் தெனந்தெனம் சாகிறாங்க. அப்படி ஒரு கிராமமாகத்தான் தேனூரும் இருந்துச்சு. அதனால் முதலில் ஒரு மருத்துவமனையைக் கட்டினேன்.

அப்புறம் பள்ளிக்கூடம்.

கல்விக்கூடத்தை இயந்திரமயமாக்காமல் யதார்த்த அணுகுமுறையை கடைப்பிடிக்கிறோம். முதலில் உலக வரலாறு படிக்கணும்னு அவசியமில்லை. உங்களைச் சுத்தி இருக்கிற கிராமங்களைப் பற்றியும், அந்த ஊர்களோட சிறப்புகளையும் தெரிஞ்சுக்கிடணும். இதுதான் எங்க பாட முறை.

கிராமங்களில் வேலைவாய்ப்பை அதிகப்படுத்தணும். அதுக்காக தொழிற்கல்வியை தொடங்கினோம். மண்புழு உரம், டேட்டா என்ட்ரி ஆபரேட்டர், திருப்பூர் வேஸ்ட் பனியன்களை வரவச்சு அதை நூலாக பிரித்துக்கொடுப்பது, சமுதாயக்கூடம் கட்டுவதென பல்வேறு வழிகளில் வேலை வாய்ப்பை இந்த கிராமத்தில் அதிகப்படுத்தி இருக்கோம். இயற்கை வேளாண்மையை செய்கிறோம். எண்ணெயும் எடுக்கிறோம். இதுவரை 3000 மரங்கள் நட்டிருக்கோம்.

இதெல்லாம் சாதாரண விஷயந்தான். மனசுக்குப் பிடிச்சிருக்கு. அதனால சுமையாத் தெரியல. கிராமத்துக்கு நல்லது செய்யணும்ங்கிற விஷயம் மட்டுந் தான் கடமையாத் தெரியுது. இப்ப நான் செய்யற விஷயம்... ரொம்ப நாளா என் மனசுல ஊறுன விஷயம்.

நான் ஆரம்பித்த இந்த வேலையில் இப்பொழுது என் கல்லூரி, சாஃப்ட்வேர் நண்பர்கள் உதவி பண்ண ஆரம்பிச்சிருக்காங்க.

இனி எங்களுக்குத் தேவை என்னவென்றால், அரசாங்கப் பள்ளி ஆசிரியர்கள், மருத்துவ நிபுணர்கள், கல்லூரி நாட்டு நலப் பணித்திட்ட மாணவர்கள், செவிலியர் எல்லாம் வாரம் ஒரு நாளோ, மாதம் இரு நாளோ கொஞ்சம் வந்து போனால் போதும். இந்த கிராமங்களின் வளர்ச்சியில் இன்னும் வேகம் கூடும். இப்போதைக்கு இதுதான் எனக்கு தேவை'' என்று பிரமிப்பூட்டுகிறார் செந்தில்குமார்.

செந்தில்குமாரின் தாய் லீலாவோ, ``சீக்கிரம் இவனுக்கு ஒரு கல்யாணம் பண்ணி வைக்கணுங்கிறதுதான் எங்களோட ஆசை. ஆனால், சம்பாதித்த காசை சேவைன்னு செலவு பண்ற பிள்ளைக்கு யார் பொண்ணு தர்றாங்க... அதுவுமில்லாம `உங்க புள்ளை நல்லாப் படிச்சுட்டு, நல்லா சம்பாதிக்கிறப்பவே ஏன் இப்படி ஆயிட்டார்'னு அபத்தமா பேசுறதுதான் மனசுக்கு கஷ்டமா இருக்குதுங்க!'' என்று வேதனையோடு கண்கலங்கினார்..

- இரா.கார்த்திகேயன்

நன்றி குமுதம்

சினிமா சினிமா தமிழ் சினிமா

2008-11-03T20:18:00.000+05:30

சில வருடங்களாக நலல் தமிழபடங்களே 30 நாளை தாண்டினால் பெரிய சாதனையாக கருதுகிறார்கள். நான் சமீபத்தில் பார்த்த சரோஜா, ஏகன்,பொய் சொல்ல போறோம் மற்றும் காதலில் விழுந்தேன் போன்ற படங்கள் என் பார்வையில் நன்றாகவே இருந்தாக தெரிகிறது. ,,ஒவ்வோரு படங்களும் மற்றவைகளை விட வித்யாசமாகவே தோன்றுகிறது.

சென்ற வருடங்களில் இதே காலகட்டத்தில் வந்த படங்களை விட நன்றாகவே இருப்பதாக தோன்றுகிறது. கதை சொல்லும் போக்கில் இருந்து பல இடங்களில் தமிழ் சினிமா மிகவும் முன்னேறி இருக்கிறது.

இருந்தாலும் படம் 30 நாளை தாண்டினால் சூப்பர் ஹிட்டாம் :))

திருச்சி ரம்பா தியேட்டரில் மூட்டை பூச்சியின் வீடுகளாகி போன சீட்டில் உட்கார்ந்து மூன்று மணி நேரம் படம் பார்க்க 60 ரூபாயாம் :) .. ஏஸி என்பது படம் ஆரம்பிக்கும் போது போட்டது போல தோன்றும்...பின் 60 ரூபா கொடுத்ததுக்கு இதுவே அதிகம் என்று ஏஸியை அணைத்து விடுவார்கள்.

பராமரிப்பு செலவு என்று டிக்கேட் செலவில் வாங்கி கொள்கிறார்கள்.. ஆனால் என்ன பராமரிப்பு செய்கிறார்கள் என்று ஆண்டவனுக்கு தான் வெளிச்சம்.. இப்படி எல்லாம் பகல் கொள்ளை அடித்தால் ஏன் திருட்டு டிவிடி தொழில் வளராது?

பிராமிட் சாய்மீரா நிறுவனம் பல தியேட்டர்களை லீசுக்கு எடுத்த போது சரி இனியாவது நிலைமை மாறுமா என்று நினைத்தது தவறாகி போனது,

இன்றைக்கு பிராமிட் சாய்மீரா நிலை மிக மிக பரிதாபம் . என்றைக்கு மொத்தமாக இழுத்து மூடுவார்கள் என்று தெரியவில்லை.

ரிலையன்ஸ் அட்லப்ஸ் தமிழகத்தில் பல தியேட்டர்களை விலைக்கு வாங்கி அதை நன்றாக பராமரிக்கவும் செய்கிறார்கள். கண்டிப்பாக இவர்கள் சினிமா பார்க்கு ஆர்வத்தை மீண்டும் கொண்டு வருவார்கள் என்று நம்புகிறேன்

தமிழக மக்களுக்கு தியேட்டர் சென்று படத்தை பார்க்கும் ஆர்வம் இன்று வரை குறையவில்லை.. என்னதான் திருட்டு டிவிடி தொல்லை இருந்தாலும் சினிமா தியேட்டர்கள் நல்ல சேவையை கொடுத்தால் பல பேர் டிவிடியில் கேவலமான பிரிண்ட்டை பார்பதை விட்டு விடுவார்கள்..

தியேட்டரில் சினிமா பார்பதே நிஜமான சினிமா பார்த்த உணர்வை கொடுக்கும்.

Singh the King சமீபத்தில் வந்த ஹிந்தி படம்.. அப்படி ஒன்றும் பிரமாதமான படம் கிடையாது. இதோ நேற்று landmarkல் புது பட டிவிடிகளை அலசும் போது கிடைத்தது.

இந்தி பட உலகம் எவ்வளவோ மாறி விட்டது. மும்பை தில்லி போன்ற பெரு நகரங்களில் அதிக பட்ச தியேட்டர்களில் படத்தை ரிலிஸ் செய்து லாபம் சம்பாதித்து பின் படம் வந்த 50 அல்லது 100 நாட்களில் டிவிடியில் கொடுத்து விடுகிறார்கள். விலையும் கையை கடிப்பதில்லை..

பின் சில நாட்களில் டிவியிலும் வந்து விடுகிறது. தயாரிப்பாளர் முதல் கடை நிலை ஊழியர் வரை அனைவருக்கும் லாபம்.

இந்த திருட்டு டிவிடியை ஒழிக்க இதை போல தமிழ் பட உலகும் செயல்பட வேண்டும். கேவலமான தியேட்டர்களில் திரையிடுவது பின் 3 வருடம் கழித்து டிவிடி + டிவியில் வெளியிடுவது என்ற கொள்கையை மாற்ற வேண்டும்..

பெங்களூரில் என் வீட்டுக்கு அருகே இருக்கும் பாலாஜி தியேட்டரில் தமிழ் படம் மட்டும் தான் திரையிடுவார்கள். கொடுக்கும் 50 ரூபாவிற்க்கு நல்ல சேவையை தருவார்கள். மூட்டை பூச்சி இல்லாத சீட்டுகள், ஏசி கூடவே நல்ல தரமான டிடிஎஸ்..

நான் அடிக்கடி படம் பார்பது பிவிஆர் அல்லது ஐநாக்ஸ் .. ஆன் லைனில் டிக்கேட் வாங்க முடிவதால் அங்கு தான் அடிக்கடி செல்வேன்,கொடுக்கும் பணத்திற்க்கு ஏற்ற மிகவும் தரமான சேவை...படம் பிடிக்க வில்லை என்றாலும் அந்த தியேட்டருக்கு மீண்டும் ஒரு முறை செல்ல தூண்டும் அளவிற்க்கு சேவை..

சென்னையில் நீயூ என்ற ஒரு கேவலமான படத்தை 4 வருடங்களுக்கு முன்னர் என் நண்பணோடு குரோம்பேட்டை வெற்றி என்ற படு கேவமான தியேட்டரில் பார்க்க ஒரு டிக்கேட்டுக்கு 100 ருபா கொடுத்தேன்..

ஏன் 100 ரூபா என்றால் த்தோடா என்று வர குண்டர்கள் வேறு..

தமிழ் சினிமாவை அழிக்க இவர்களே போதும்...

ம் என்னறைக்கு தான் தமிழ் படவுலகம் மாற போகுதே :)

பிடித்த விளையாட்டுக்கள்

2008-11-02T20:27:00.000+05:30

வித்யா அக்கா மிக அழகாக தன் சிறுவயதில் விளையாடிய விளையாட்டுகளை சொல்லி இருக்கிறார்கள். என்னையும் எழுத சொல்லி இருக்காங்க. கிரிக்கேட்டை சொல்ல கூடாது, அதுக்கு தடா.... பேட்டிங்க மட்டும் செய்து விட்டு பீல்டிங் செய்யும் நேரங்களில் அம்மா தேடுவாங்கன்னு எஸ்கேப் ஆனது தான் நிறைய. சரி அதான் கிரிக்கேட்டுக்கு தடா ..

நான் சிறுவயதில் வசித்த ஊர் கிராமமும் அல்லாது நகரமும் இல்லாத ஒரு இரண்டும் கெட்ட ஊர். பெயர் மன்னார்குடி. தஞ்சை மாவட்டதுகே இருக்கும் அனைத்து தனி சிறப்புகளையும் கொண்டது..

எங்கள் ஊரில் விளையாட்டுகள் மாறி கொண்டே இருக்கும்.. பம்பரம், பலிங்கி ( கோலி), கிட்டி புல்லு, சொக்கை பாணை கூடவே ஒளிஞ்சு புடிச்சு ( ஐஸ் பாய்ஸ்)..

ஐஸ் பாய்ஸ் விளையாட்டு ஏப்ரல் மே மாதத்தில் தான் விளையாடுவோம். நிறைய புது நண்பர்கள் அந்த சமயத்தில் கிடைப்பார்கள். விடுமுறைக்கு சென்னை மும்பை இருந்து வரும் பல தற்காலிக நண்பர்கள். அவர்கள் தங்களுக்குள் பேசி கொள்ளும் ஆங்கிலம் எங்களை எல்லாம் வியப்பூட்டும். கூடவே பொறாமையாக இருக்கும். ஐஸ் பாய்ஸ் விளையாட்டில் அவர்களை பழிக்கு பழி வாங்கி விடுவோம்..

ஐஸ் பாய்ஸ் விளையாடும் போது எல்லைகள் உண்டு. இந்த எல்லை வரை தான் ஒளிந்து கொள்ள வேண்டும்.. வழக்கமாக நாங்கள் ஒளியும் இடங்கள் வீடுகளின் கதவின் மறைவில். முதலில் பிடிபட்டால் நாம அடுத்த ஆட்டத்தில் அனைவரையும் தேடி அலைய வேண்டும்.

புதுசா எங்க ஆட்டத்தில் யாராவது வந்தால் அவர்களை நொந்த போக வைத்து விடுவோம். வைக்கோல் போரில் ஒளிந்து கொண்டால் கடைசி வரை யாராலும் கண்டு பிடிக்க முடியாது. தேடி கொண்டே இருக்க வேண்டியது..

ஜீன் மாதம் வந்தால் அந்த தற்காலிக நண்பகளும் காணாமல் போய் விடுவார்கள், பிறகு ...

இருக்கவே இருக்கு பலிங்கி அடிப்பது..

பலிங்கி விளையாடுவது மிகவும் சிரமான ஒன்று. எல்லாம் குட்டீஸ் பலிங்களையும் சேர்த்து உருட்ட வேண்டும்.. பின் குறி பார்த்து ஏதாச்சும் பலிங்கையை அடித்து விட்டால் நமது பலிங்கு எதிரி வசம்.

அழகாக தடிமான சோட்டா புட்டி உடை அனிந்த கோலி...அதை குறி பார்த்து அடிக்கும் போது நங் என்ற சத்தம் கேட்ட்க்கும். என்னதான் வேகமாக அடித்தாலும் உடையாது. கைகளின் நடு விரலை சற்று சொடுக்கி குறி பார்த்து அடிப்பது மிக பெரிய கலை. ஒரு பலிங்கி 10 காசு என்று வித்தது. கோலி சோடாவின் தொண்டையில் மிதக்கும் அந்த ஜந்துவுக்கு எத்தனை மரியாதை..

ஒரு நாள் என் பலிங்கி எல்லாம் இழந்து வீட்டிற்க்கு சென்று என்ன காரணம் என்று சொல்ல முடியாமல் அழுதது இன்று வரை மறக்க முடியவில்லை..

கிட்டிபுல்லு.. கிரிக்கேட் விளையாட்டின் முன்னோடி??

தேர்ந்து எடுத்த வேப்ப மர கிளையை ஒடித்து கிட்டியாக கிட்டி புல்லை செயய அப்போது எங்களிடம் தனி நிபுணர் குழுவே இருந்தது..

கிட்டி புல் தெரிவுல் விளையாடும் போது வேகமாக ஒரு முறை அடித்து ரோட்டில் சென்ற அப்பாவியின் தலையை பதம் பார்த்தது. அதன் முதல் இது வன்முறை விளையாட்டு என்று தடை செய்யபட்டது

ஆனால் அதை விட வன்முறை விளையாட்டை நாங்கள் தீபாவளி முதல் கார்த்திகை வரை விளையாடுவோம்..

சொக்கபாணம் என்று ஊரில் அதிகமாகி போன குப்பைகளை தென்னை மட்டை துனை கொண்டு எரிப்பார்கள்... தீபாவளிக்கு வாங்கி மீதமான வெடிகளை அப்படியே சைலண்டாக அந்த சொக்கபாணையில் போட்டு விடுவோம்.. சில வெடிகள் வெடிக்கும்.. புஸ்ஸாக சில வெடிகள் பறக்கும்..

யார் போட்ட வெடி வெடித்தது என்று பெரிய பட்டிமறனமே நடக்கும்.... கடைசியில் கார்த்திகை நாள் வரும் போது எங்களின் சொந்த த்யாரிப்பு வெடிகளையும் சேர்த்து விடுவோம்.

நாங்கள் அன்று விளையாடிய விளையாட்டுகள் இன்று வரை மறக்க முடியவில்லை...

இந்த விளையாட்டை தொடர நான் அழைப்பது

வால் பையன்
டோண்டு ராகவன்

இலங்கை தமிழர்கள் உரிமை காக்க ரஜினி பேச்சு - வீடியோ

2008-11-01T18:17:00.000+05:30

அப்பாவித் தமிழர்கள் மீதான தாக்குதலை ராணுவம் உடனடியாக நிறுத்த வேண்டும்.அதுதான் அந்நாட்டுக்கும் நல்லது என்று நடிகர் ரஜினிகாந்த் தெரிவித்துள்ளார்.

தென்னிந்திய நடிகர் சங்கம் சார்பில் சென்னையில் இன்று நடந்த உண்ணாவிரதப் போராட்டத்தில் கலந்து கொண்டு நடிகர் ரஜினிகாந்த் பேசியதாவது:

இலங்கைத் தமிழர்களுக்காக நடிகர் சங்கம் நடத்தும் இந்த போராட்டம் உணர்வு பூர்வமானது; உணர்ச்சிபூர்வமானது. இலங்கைத் தமிழர்களுக்காக திரையுலகம் நடத்தும் 3ஆவது போராட்டம். இது இலங்கையின் காதுகளுக்கு எட்ட வேண்டும்.

இங்கே பேச சில கட்டுப்பாடுகள் விதித்திருப்பதாகச் சொன்னார்கள். கட்டுப்பாடு இருந்தால் தான் மனம் சொன்னதை கேட்கும். அப்போது தான் எதையும் சாதிக்க முடியும். வெற்றி கிடைக்கும்.

இலங்கைத் தமிழர்கள் பலரை சந்தித்திருக்கிறேன். அவர்களின் பேச்சே சங்கீதம் போல் இருக்கும். பழகுவதற்கு அவர்கள் இனிமையானவர்கள். அத்தகையவர்கள் இன்று சொந்த மண்ணில் அடித்து கொல்லப்படுகிறார்கள்.

சுமார் 30 ஆண்டுகளுக்கும் மேலாக தமிழர்களுக்கு எதிராக நடத்தும் இந்த போரில் இலங்கை ராணுவத்துக்கு இன்று வரை வெற்றி கிட்டவில்லை. அவர்கள் ஆண் பிள்ளைகள்தானா என்ற சந்தேகம் எழுகிறது.

தமிழர்கள் மீதான தாக்குதலை இலங்கை அரசு உடனடியாக நிறுத்த வேண்டும். அல்லது நிறுத்த வைக்க வேண்டும். அதுதான் அவர்களுக்கும் நல்லது. இல்லை என்றால் உறவினர்களை பறி கொடுத்த தமிழர்களும்இ மண்ணில் உதிரம் சிந்திய பெண்கள்இ குழந்தைகளின் ஆன்மாவும் அவர்களை சும்மா விடாது.

யுத்தத்தில் அழிக்கப்படுபவர்கள் புதைக்கப்படவில்லை; அங்கே விதைக்கப்படுகிறார்கள். இத்தகைய கொடுமை தொடர்ந்து நடந்தால் இலங்கை என்றுமே உருப்படாது. இலங்கையில் மட்டுமல்லஇ எந்த நாட்டிலும், எந்த மண்ணிலும் அப்பாவி குழந்தைகள் பெண்கள், முதியோர்கள் தாக்கப்படக் கூடாது.

இந்நிகழ்ச்சியில் நடிகர் ரஜினிகாந்த் இலங்கைத் தமிழர்களுக்கான ரூ. 10 லட்சத்தை அளிப்பதாக அறிவித்தார்

இலங்கை தமிழர்கள் துயர் தீர பிராதிப்போம்

2008-11-01T16:07:00.000+05:30

சூப்பர் ஸ்டார் ரஜினி இலங்கை தமிழர்களுக்காக திரட்டபடும் நிதிக்காக 10 லட்சம் கொடுத்து இருக்கிறார்.

கமல் 5 லட்சம் கொடுத்தார்.

சிறு சிறு நடிகர்களும் தங்களால் முடிந்த தொகையை கொடுத்து இருக்கிறார்கள்.

நானும் என் பங்குக்கு என்னால் முடிந்த 20,000 ரூபாயைதமிழக அரசுக்கு அனுப்பி வைத்துள்ளேன்.

நம்மால் முடிந்த வரை இலங்கை தமிழர்கள் துயர் தீர உதவுவோம். தீவிரவாதம் போர் போன்ற மனித குலத்துக்கு எதிரான அபதங்களை அழிய பிராத்திப்போம்.

இலங்கை தமிழர்கள் வாழ்க்கையில் மீண்டும் அமைதி விரைவில் திரும்ப வேண்டும்.